¹ Wan wacoyo botwu lok i kom gin mubedo tye nia i acakki piny, ma wan kikomwa wawinyo, dok bene waneno ki waŋwa. Wanene ada, dok wamulo kome ki ciŋwa, en lok me kwo. ² Kwo meno yam onen woko ka maleŋ, wan waneno. Wan doŋ kombeddi wabedo cadenne, kun watito botwu lok me kwo ma pe tum ma yam obedo bot Won, ka doŋ onen woko botwa. ³ Gin ma wan waneno ki ma wawinyo en aye ma witito botwu bene, wek omi wuribbe kwedwa. Doŋ i ribbewa-ni waribbe kacel ki Won ki Wode Yecu Kricito. ⁴ Wacoyo lok man wek yomcwinywa ocobbe maber. ⁵ Man aye lok me kwena ma yam wawinyo ki bote, ma watye ka titone botwu, ni, Lubaŋa en leŋo, dok i en pe tye ka mo macol kadi ki acel. ⁶ Ka wawaco ni waribbe kwede kun pud wawoto ka macol, wan lugoba, timwa noŋo ada pe iye. ⁷ Ento ka wawoto ka maleŋ, macalo en bene tye ka maleŋ, noŋo waribbe ŋat man ki lawote, dok remo pa Wode Yecu Kricito bene lwoko bal ducu woko ki i komwa. ⁸ Ka ce wawaco ni wape ki bal, meno noŋo wabwolle abwola kenwa, lok ada noŋo pe i iwa. ⁹ Ka watuco balwa, en genne dok kite atir, biweko balwa, dok bilwoko tim maraco ma tye i komwa ducu. ¹⁰ Ka wawaco ni pe wabalo, ci wamiyo Lubaŋa doko lagoba, lokke bene noŋo pe i iwa.