¹ Hanima ya byuma bwoshe ebi, Yesu wailoni ku mutambela ukwabo wa ndonga ya Ngaliya,ije bakele bakuthana lalo ngwabo Ndonga ya Timbeliyasi. ² Chojo na mbunga yakama yakele n aku mukabangeya a mulonga wa kulinga bamwene bimwetho bya kukomoketha bije bya kele na kulinga ali boshe baje bakele na kubinja. ³ Cho na Yesu walondele ha lilundu na kuya na kutumbama naba bandongethi bendi. ⁴ (Chojo ha Paseka,chije chilika cha ba Yunda,chakele muyehi.) ⁵ Cho omwoni Yesu wendekele na kumona mayongomena abanu bali na kwijakuli ikeye,wendekele kuli Filipu ngwendi, ''Kulyoni kutu natha kulandako bya kulya ngechichoni boshe aba bathe kulya?" ⁶ (Oloni Yesu wendekele ebi kuli Filipu muchifwa cha ku mwetheka lika,mwafwa ikeye babenya wa tanekeya laja obyo bya napande ku linga.) ⁷ Chojo na Filipu wa mukumbulwile ngacjije ngwndi,"Nameme ku landa bilya bya kutetha mubimbongo bya siliba bita bibali kubyatha kujuka banu boshe aba nameme kamandondo." ⁸ Chojo umo wa bandongethi,wa lithzina lya Anduleo,ndolome ya Simona Petulu,wendekele kuli Yesu ngwendi, ⁹ ''Kuli mwanike wa munalume ano bene ou ali na mikasha itanu ibali,oloni bikajo bene ebi kwetheka neyoni mbunga ili ano?" ¹⁰ Cho Yesu wendekele kuli bakebo ngwendi, "Lekeni banu boshe ba tumbamenenhathi. '' Chojo kuje kwakele mwila wamwingi. Chona banu batumbamene hathi,baje betele kutheteko ya makulukathzi atanu. ¹¹ Cho Yesu wambatele ije mikasha cho na hamina ya kukandelela,cho wa chilingile lalo na kuli baje bithi,na kwana kuli umo na umo kwetheka nomu bakele na kutonda babenya. ¹² Omwoni balingile baje banu boshe ban kuta,cho walekele bandongethi bendi ngwendi, "Nonongoleni bungululu bwoshe buna thalaho, manganoni kujeneka nebi bilibihila." ¹³ Chojo ba bunonongwele boshe cho bashulithile bithzuma likumi na bibali bya litulileho. ¹⁴ Chojo omwoni baje banu ba mwene ebi bya kukomoketha bya lingile,batheloni kwendeka ngwabo, "Chili bene ou ikeye bene kapolofita ou napande kwija muno mu kaye." ¹⁵ Cho omu Yesu walowelele na ku tanekeya ngwe baje bakele na kuthetela kumupwitha mwene yabo bakele honi muyehi na kwija na kumumbutwika na ku mutena mwene, walifuminineho na ku kanduka lalo ha lilundu wendekele. ¹⁶ Cho omwoni yetele mangwethzi,bandongethi bendi ba thikumukile ku nunda. ¹⁷ Chojo ba kobelele mu mubwato,na kwenda mu ndonga kuyoni ku Kapenauma. Chojo kwa thzibalele honi athimbu ije,olojo Yesu te kanda a chije kuli bakebo. ¹⁸ Choni lihundthzi lya kama lyaputukile kuhuwa,na kukatula mankimba muje mundonga. ¹⁹ Omwoni balingile banajabuka a binako bya kupwa makumi atatu natanu nameme makumi atatu,cho banwene Yesu alina kwenda ha kalunga ndonga,ali na kwija ku yehi ba buje bwato,chojo bathzibile lyoba. ²⁰ Olojo nendi wendekele kuli bakebo ngwendi, "Yange bene! kethi utewe." ²¹ Cho batabele mubwato,cho bujebene bwato bwetele na kuthilika ku nunda ya kuje bakele na kuya. ²² Chojo lya mukwabo,ijoni mbunga yemanene muje muthabmbwa ikwabo ya Kalunga Mema bamwenoni ngwe kukwakele bwato bakwabo kubanga buje bene bumo,cholalo na Yesu ka kobelelemo muli bukebwo hamo na bandongethi bendi olonini bandongethi bendi bailoni lika lyabo. ²³ Nameme ngocho,kwakele lalo mato akwabo ajoni atundile ku Timbeliyasi kuje kwakele kuyehi na uje mwela kuba lililile ije mikasha ya makende anima ya mwene kwana kukandelela. ²⁴ Omwoni ije mbunga bathzubukile ngwe boshe bene Yesu na bandongethi bendi kuba keleko kuje, cho bakobele honi mu mato,na kuya ku Kapelanauma na kuka thetela Yesu kuje. ²⁵ Chojo na hanima ya kumuwana muthambwa ije ya Kalunga mema,bendekele kuli ikeye ngwabo, "Mulongethi,unethzile thimbu mukajo allao?" ²⁶ Chojo Yesu wabakumbulwile,na kwndeka kuli bakebo ngwendi, "Chili,chili,njimileka ngachije ngwange muli na kunjithetela,kethi ngwe ha mulonga wa bije bya kukomoketha bimuna mwene embwe,olojo a mulonga wa kulinga muna lile ije mikasha ya makende cho nakuyoni kukuta muna kutile. ²⁷ Choni kethi mupangele lika bilya bije bibi bola,olojo pangeleni na bilya bije bibi tumbamemeni Muna Munu aka myana,akulinga Njambi ishe naka ali ikeye chimwetho chendi cha kumu taba." ²⁸ Chojo bendekele kuli ikeye ngwabo "Bikajo bi tuna pande kulinga,manganoni tupange bipangai bya Njambi?" ²⁹ Cho Yesu wabakumbulwile na kwendeka kuli bakebo ngwendi: Yeni mwatela kukulahela muli ije ibanatumu." ³⁰ Cho bendekele kuli ikeye ngwabo, "Choni bimwetho mukoni biukalinga?manganoni tumone na kukulahela? Bikajo biukalinga? ³¹ Batatetu balile maana muje mu mamba,ngwoni omu bachithoneka ngwabo, 'Wabanene likende lije lya kutunda kwilu linga balye."" ³² Chojo Yesu wabakumbulwile ngwendi, "Chili,chili,bene njimileka ngwange,kethi ngwe Mosesa ou ya myanene aje makende aku fuminina kwili,oloni Tate owoni ololo ali na kumyana makende bene chili kwilu. ³³ Mwafwa likende lya Njambi likelyo lije lyethzile hano hathi na kwana mwonyo baka kaye." ³⁴ Cho bendekele kuli ikeye bwabo, "Mwata,twane eli likende thimbu yoshe. ³⁵ Yesu wendekele kuli bakebo ngwendi, "Yange likende lya mwonyo; uje woshe aija kuli yange kathsi njala,cho cho lalo uje woshe akulahela muli yange kakathibi lihwila. ³⁶ Cho njamilekethele ngwange mwanjimwene,cho kumwa kulahelele. ³⁷ Woshe uje ibana njana ba Tate ikaija kuli yange,cho nawa uje aija kuli yange kubaka mumbila kuti. ³⁸ Mwafwa yange njina ija hano hathi kufuma kwilu,kethyoni ngwe mu kwija na kulinga mwaya mbunge yange,olojo na kulinga chithzango cho uje wanjituma hano. ³⁹ Chojo,echi chikecho kethi nji thzimbaletheo nameme bene umo ali baje boshe ba njana,olojo njikaba thangula alitangwa lya mamanetheleleo." ⁴⁰ Mwafwa omu mukemwo mwaya mbunge ya Tate,ngwe woshoni uje a mona mwana na kumu kulahela cho akapwa na mwonyo wa myaka yoshe cho njikamwindula halitangwa lya manethelelo." ⁴¹ Cho ba Yunda ba ng'ung'utile ali ikeye a mulonga wa kulinga wendekele kuli bakebo ngwendi, "Yange lije likende lya shulukile kufuma kwilu." ⁴² Chojo bakebo balihojwele ngwabo,"Kaumani ou kethi Yesu muna Yosefa,ou tunathzibuka baishe na baina? cho endeka bati ebi ngwendi, 'Njina shuluka kufuma kwilu'?" ⁴³ Cho Yesu wamukumbulwile na kwendeka kuli bakebo ngwendi, "Kethi mu ng'ung'ute mukati. ⁴⁴ Mwafwa na umo atha kwija kuli ba Tate uje wanjituma,and i will njika muthangula ha litangwa lya kumanenethelela. ⁴⁵ Mwafwa bachithoneka mu tupolofita, 'Munu woshe baka mulongetha kuli Njambi.' Woshe uje na thzibi na kulilongetha kutunda kuli Tate aija kuli ayange. ⁴⁶ Oloni kukwethi umo uje wamonaho laja Tate,kubanga lika uje watunda kuli Njambi - wamonaho haja Tate. ⁴⁷ Chili, chili ,uje woshe na kulahela ali na na mwonyo wa myaka yoshe. ⁴⁸ Yange likende lya mwonyo. ⁴⁹ Bashweni balile aje maana muje mu mambo,oloni bathsile. ⁵⁰ Olojo eli likelyo likende lije lina thikumuka kufuma kwilu.manganoni munu woshe athe kulayako chojo ujoni ya lyako kethi lalo athse. ⁵¹ Yange likende lya kuyoya lije lya shulukile athai kufuma mwilu.Limononi ngwe munu woshe alyako kuli eli likende,cho akayoya myaka yoshe. Chojo ne lyoni likende linjikana linapu bene uno mubila wange owoni unjanena a mulonga wa mwonyo na kwoboka kwa kaye?" ⁵² Cho ba Yunda balubalele mukati kabo cho bashangumukile kulithimoka ngwabo, "Kumani atwana batyoni thitu yendi ou munu ngwendi tulye?" ⁵³ Cho Yesu wendekele kuli bakebo ngwendi, "Chili,chili,kubanga mulye mubila wa Muna Munu na kunwa maninga endi,cho kumuka kakala na mwonyo yeni. ⁵⁴ Uje woshe alya mubila na maninga ange ali na mwonyo wa myaka yoshe,cho njilkamuthangula halitangwa lya mamanethelelo. ⁵⁵ Mwafwa mubila wange unapu kulya bene, cho lalo maninga ange anapu kunwa chili bene. ⁵⁶ Ujoni woshe alya mubila wange na kunwa maninga ange cho akatumbamena muli yange,cho nange lalo muli ikeye. ⁵⁷ Ngwe omu Tate wakuyoya wanjitumine,chojo ngwe omwo nange nja yoya mwafwa wa mulonga wa Tate,cho uje anji kulahela, cho naikeye akayoya mwafwa wange. ⁵⁸ Eli likelyo likende lije lya tundile kwilu, kulya lifwile na lije likende bakukulwile balile cho bathsile. Uje woshe akalya eli likende akayoya myaka yoshe." ⁵⁹ Oloni Yesu wendekele ebi byuma mu ma Sinangonga omwo mwakele na kulongetha mu Kapenauma. ⁶⁰ Cho omwoni baje bandongethi bendi babengi bathzibile bije byendekele, "Echi kulongetha chinapu cha chikalau; iyajo atha kuchi tambula? ⁶¹ Yesu, akulinga wathzibukile mukatikendi ngwe bekele na kung'ung'uta hali bakebo, wendekele kuli bakebo ngwendi, "Kumani echi china milubaletha? ⁶² Cho batyoni omu ngwe mumona muna Munuali nakuya kwilu kwakele hakulibanga? ⁶³ Mwafwa mundthzindthzime ukewo unaka mwonyo; Cho majwi njinendek kuli yeni anapu mundzindzime,cho lalo napu mwonyo. ⁶⁴ Olojo kuli bamo mikati keni ben obo kuba kulahela. "Mwafwa Yesu wataneyeye laja kufuma bene ku maputukilo baje kubaka kulahela na uje wa mwenda bungungu. ⁶⁵ Chojo wendekele kuli bakebo ngwendi,"Mwafwa ha mulonga wechi mukemwo njendekele kuli yeni ngwendi na umo bene wahi athakwija kuli yange kubnga na mutabetha Ttae kulinga ngocho." ⁶⁶ Mwafwa hamulonga wechi,bwingi bwa bandongethi bendi bateketele na kumuthethza.cho kubatondele lalo kwenda nendi embwe. ⁶⁷ Chojo Yesu wendekele kuli baje likumi na babali ngwendi, "Yenicho ku mutondo kuya ,indi neni lalo muya?" ⁶⁸ Chojo Simona Petulu wamukumbulwile ngwendi, "Mwene,kulijo kutunatha kuya? mwafwa yobe uli na majwi a mwonyo a myaka yoshe, ⁶⁹ chalalo tuna kulahela na kuthzubuka ngwe yobe uje wakuthzila umo wa Njambi.'' ⁷⁰ Cho Yesu wendekele kuli baebo ngwendi, "Kumani kethi yange nja myangwileyeni,likumi na babali,cho umo weni napu lyabolo?" ⁷¹ Athimbu ije wakeloni na kwendeka bya Yunda muna Simona Sakalyote,mwafwa akulinga wakele ikeye,iuje bene wakele umo wa baje likumi na babali,ujoni wa mwendele bungungu Yesu.