¹ Omwo wamanethele Yesu kwendeka awa majwi,waile hamo na bandongethi bendi bajabukikilile muthambwa lya ndonga ya Kindelone,kuje kwakele lihya lije ikeye na bangongethi bendi bakobelelemo. ² Cho Yundesa,uje akamwenda bungungu,naikeye wathzibukile mwela uje,mwafwa Yesu thimbu yoshe wakele nakili waneneko na bandongethi bendi. ³ Choni Yundasa,watwamenenene chendo cha maswalelle na tupitau kufuma kuli mukulunu wabakakulombelela na bafaliseo,baije kuje na milangi ya mitetengo,bindeya na bitwaa. ⁴ Cho Yesu,uje wathzibukile byuma byoshe bije bikalingiwa kuli ikeye,waile ku lutwe lwabo wabehwile ngwendi,"Iyajo muli nakutonda?" ⁵ Bamukumbulwile ngwabo,"Yesu waku Nazaleta." Cho Yesu wendekele kuli bakebo ngwendi,"Yange uno." Yundasa, uje wa mwendele bungungu,wemanene hamo na maswalale. ⁶ Omwo wendekele kuli bakebo ngwendi, "Yange uno" belukile chithetanima cho wawililile hathi. ⁷ Cho lalo wabehwile ngwendi,"Iyajo muli nakutonda?" bamukumbulwile lalo ngwabo,"Yesu wa ku Nazaleta." ⁸ Yesu wabakumbulwile ngwendi, "Njinamileke ngwange yange uno.cho nga mulinakunjitonda yange,echeleni ebi biye." ⁹ Echi chapwile cha kushulithila majwi aje wendekele ngwendi,"baje boshe una njana,naumo wahi nathzimbalaho." ¹⁰ Cho Simona Petulu,uje wakele na mukwale,waushomwene na kuteta litwi lya chilyo lya ngamba ya mukulunu wabakulombelela.Cho lithzina lyauje ngamba wa pwile Mauchusi. ¹¹ Yesu wendekele kuli Petulu ngwendi,"Shomeka mukwale wobe muchindalo.Nkumani kunjatelele kunwa nganja eyi Tate nanjanayo?" ¹² Cho chije chendo cha maswalale na bakulunu babo,na tupitau baba ka mafuti,bakwatele Yesu na kumukuta. ¹³ Hakulibanga bamutwalele ku Anase,mwafwa wapwile tolomweno ya Kayafase,uje wapwile mukulunu wa ka kulombelela uje mwaka. ¹⁴ Cho Kayafase ikeye wanangwile baka mafuti ngwendi mwa mubwa munu umo kuthsila banu. ¹⁵ Simoni petulu wakabele Yesu,na ndongethi mukwabo.cho uje ndongethi bamuthzibukile kuli mukulunu waba kakulobelela,cho wakobelele hamo na Yesu mukati ka chipango cha mukulunu waba kakulombelela; ¹⁶ Oloni Petulu wemanene haja ku chikolo.nauje ndongethi mukwabo,uje bathzibukile kuli uje mukulunu wabakakulombelela,watuhukile hanja wendekele kuli uje wanyungile chikolo,cho wakobelethele Petulu mukati. ¹⁷ Cho uje ngamba wa munakathzi,muka kunyunga chikolo,wendekele kuli Petulu ngwendi,"Yobe lalo kuwapwile umo wa ndongethi ba munalume ou ndi?" cho wendekele ngwendi,"Kethi yange." ¹⁸ Cho baje bangamba na bakukupanga bemanene kuje,cho babwekele tuhya twa manungu,mwafwa kwatonwele,cho bakele nakwota tuhya.Petulu lalo wakele nabo,wemanene kuje na kwota tuhya. ¹⁹ Mukulunu wa bakalulombelela wehwile Yesu bya bandongethi na habilongetha byendi. ²⁰ Yesu wamukumbulwile ngwendi,"Njinakala nakwenda chitona mesho kuba kaye.Njinakele na kulongetha mu ma Sinangonga na mu tembele muje boshe baka mafuti bejile hamo.Kunjendele chuma chima mukushweka. ²¹ Omwo bikajo munjihwila? ihukeni baje bathzilbile bije njakele na kwendeka.Tala,aba banu banathzibuka bika njendekele." ²² Omwo Yesu wendekele ebi,umo wa baka kunyunga wemanene naku mupupa Yesu cho wendekele ngwendi,"Mukemwo mu ukumbulula mukulunu muakaka kulombelela ndi?" ²³ Yesu wamukumbulwile ngwendi,"Ngwe njinendeka mwa mubi,endeka obu bubi,oloni ngwe cha chibwa,choni bikajo unji pupila?" ²⁴ Cho Anase wamutumine kuli Kayafase mukulunu waba kalulombelela oku bana mukutu. ²⁵ Cho Simoni Petulu wemanene na kwota tuhya.Banu bendekele kuli ikeye ngwabo,"Yobe lalo kuwapwile umo wa bandongethi?" wabyanene na kwendeka ngwendi,"Embwe kethi yange." ²⁶ Umo wabaje bangamba bamukulunu wabakakulonmbelela,uje wapwile kabushoko yauje munalume uba batwile litwi kuli Petulu,wendekele ngwendi,"Kuma kunjakumwene hamo nendi muje mulihya?" ²⁷ Cho Petulu wabyanene lalo;aje bene ndemba watambekele. ²⁸ Batwaelele Yesu kumufumitha kuli Kaefase ku lipela lya ngubulu,wapwile mutondo tondo,cho kuba kobelele mu lipela lya ngubululinga kethi bali jwalethe ngechi bakathe kulya ku chiwano cha Paseka. ²⁹ Cho Pilato watuukile hanja nakuya kuli bakebo cho wabehwile ngwendi,"Mulonga muka muna muwana nawo ou maunalume?" ³⁰ Bamukumbulwile ngwabo,"ngwe ou munalume kapwile muka bilinga bya bibi,ngwe kutwa munenele kuliyobe." ³¹ Pilato wendekele kuli bakebo ngwendi,"mwambateni yeni babenya,muka musompethe muje mwaya lishiko lyeni." Baka mafuti bendekele kuli ikeye ngwabo,"kuchitaba kuli yetu kuthsiya munu." ³² Bendekele ebi linga majwi endekele Yesu ali shulithilile aje endekele akumbula kuthsa muka akathsa nokwo. ³³ Cho wakobelele mulipela lya ngubulu lalo wathanene Yesu wendekele kuli ikeye ngwendi,"Yobe mwene wa Yunda ndi?" ³⁴ Yesu wakumbulwile ngwendi, ulina kwendeka yobe babanya indi,indi banu nanakuleka byange?" ³⁵ Pialato wendekele ngwendi, "Kethi yange mu Yunda,indi njinapu? Banu bobe na bakulunu bakakulombelelela bakebo bankwana kuli yange.Bikajo unalingi?" ³⁶ Yesu wamukumbulwile ngwendi,"Bumwene bwange kethi bwahona ha kaye.ngwe bumwene bwange bwapwile bwa baka kaye,ngwe bangamba bange banalu kutewetha banjana kuli a ba Yunda. Oloni bumwene bwange kethi bwana hano." ³⁷ Pilato wamwihwile ngwendi, "Nkumani yobe unapu umwene ndi? Yesu wamukumbulwile ngwendi, "Unendeka ngwobe nji mwene.Hamulonga wechi njathemukile,na hachuma echi njethzile muno mukaye,kwambulula buthunga.Woshe uje napandama kubuthunga atolilla ku lijwi lyange." ³⁸ Pilato wendekele kuli ikeye ngwendi, "Buthunga bukebwo buka?" omwo wamanetheele kwendeka ebi,watuhukilile hanja lalo kuli ba Yunda na kwendeka kuli bakebo ngwendi, "Kunja muwanene na mulonga ou munalume. ³⁹ Oloni muli nachithemwa linga njimyechelele umo munu kuli yeni ha Paseka.Cho mushaka nji myechelele mwene waba Yunda ndi? ⁴⁰ Batambabakanene manene na kwendeka ngwabo,Kethi ou munalume,Mbalambasa." Mbalambase wapwile lipwepwe.