¹ Akuli banga kwakele lijwi,na lijwi lyakele na Njambi,cho na lije bene lijwi lya pwile ikeye Njambi. ² Ou ikeye wakele hamo na Njambi kufuma bene kukulibanga. ³ Byuma byoshe bai tangele kwitila muli ikeye,cho nachimo chahi chije batangele kwa kujeneka ikeye. ⁴ Muli ikeye mwakele mwonyo,cho na uje mwonyo ukewoni wakele cheke cha banu. ⁵ Nechi cheke chili nakutwa ndololo mu lithuthulungu,cho na lithuthulungu kulya chi hyanene. ⁶ Kwakele munalume umo uje Njambi watumine,walithzina lya Yowano. ⁷ Wethzile ngwe mukaleho wa kwija kwambulula bya cheke,manganoni boshe bakulahele kwitila muli ikeye. ⁸ Yowano kakele ikeye,cheke olonini wethzile ngechoni athe kwambulula bya chije cheke. ⁹ Echi honi cheke cha buthunga,chijoni chana lyethzi ku banu boshe,chethzile mukaye. ¹⁰ Wakele,mulifuti,cho na lifuti bali tengele kwitila muli iekye,cho na lifuti kulya mu thzubukile, ¹¹ Wethzile kuli baje bapwile bendi, oloni baje bapwile bendi kuba mutambwile embwe. ¹² Chojo kuli bajoni boshe ba mutambwile,baje ba kulahelele mu lithzina lyendi wanene mooko ya kupwa bana na Njambi. ¹³ Aba kuba themukile kwitila mumaninga,nameme kwitila mu kuthzanga cha bunu,indi namemyoni kwangula cha munu,olojo chije cha Njambi. ¹⁴ Na lijwi lya tengulukile kupwa mubila na kuyoya akati ketu. Tuna mono bumpahu bwendi, bumpahu bwa kulifwa na buje bwa uje likalyendilika wa fumumine kuli Ishe,uje washulile na ngothzi na buthunga. ¹⁵ Yowano wabakumbulwile kuli ikeye na kutambeka ngwendi, 'ou ikeye uje inji nendeka ngwange, 'Ou ali na kwija munima yange,mwafwa ikeye wakeleko oho yange kanda njikaleko." ¹⁶ Mwafwa kufuminina mu kushula kwendi tubaboshe tuna tambwilamo ngothzi a kamwa ya ngothzi. ¹⁷ Mwafwa mashiko ethzile kwitila muli Mosesa.Olojo ngothzi na buthunga byethzile kwitila muli Yesu Kilisitu. ¹⁸ Na umo wahi ya manaho laja Njambi,chojo owoni Njambi umo uje bene ali ku nyonga ya Ishe,ikeye bene na sholola Njambi. ¹⁹ Obu bukebwo bukaleho bwanene Yowano omwoni ba Yunda ba tumine tupilisitu na balebi kuli ikeye kufuma ku Yelusalema na kuka mwihula ngwabo, "Yobe iyajo?" ²⁰ Chojo nendi wabalekele buthunga - ngwendi, "Kethi yange Kilisitu embwe." ²¹ Cho ba mwihwile ngwabo, "'Indyoni yobe iya? yobe Eliya tahi ndi?" chojo nendi wendekele ngwendi, "Kethi yange embwe." cho bamwihwile ngwabo, "Choni yobe kapolofita tahi indi?"cho nendi wakumbulwile ngwendi, "Embwe." ²² Chojo bendekele kuli ikeye ngwabo, "Yobe iyoni,mangana tuye nakuleketha bajoni bana tutumu? ²³ Cho nendi wendekele ngwendi, "Yange lijwi lije lili na ku tambeka mumambo: 'Ololeni ngila ya mwene,' kwetheka bene na muje kapolofita Isaya wendekele laja." ²⁴ Cho bamo baje ba faliseo batumine kuli ikeye, ²⁵ bamuhwile na kwendeka kuli ikeye ngwabo, "Kuma biakajo uli na kumbwitikila umona ngwe yobe kethi yobe Kilisitu indi Eliya nambe kapolofita?" ²⁶ Chojo ikeye Yowano wbakumbulwile na kwendeka ngachije ngwendi,"Yange njimimbwitika na mema.Olojo akati keni a nemana umo ou kumwathzubukile. ²⁷ Ou ikeye ali na kwija munima yange,ou ikeye yange njafwilile nameme kuthzitula miba ya bing'aku byendi." ²⁸ Byuma byoshe ebi bya sholokele mu mbetani muthambwa ya Yondani,kuje wakele na ku mbwitikila Yowano. ²⁹ Cho lyamukwabo Yowano wamwene Yesu alinakwija kuli ikeye na kwendeka ngweni, ''Tala,Manga ya Njambi uje aje aka fumitha bubi bwaba kakaye! ³⁰ Ou ikeye uje unjendekele,unje akenja munima yange wanjihyana manene,mwafwa wakele ha lutwe lyange.' ³¹ Cho kunjamuthzubukile naku mbwitika na mema manganoni nji munjombolole kuli baka Isilaele." ³² Chojo Yowano wambulwile bukaleho obu, nakwendeka ngwendi, "Njamwene mundthzindthzime uli nakushuluka ngwe katela kutunda mwilu,cho nakutula hali ikeye. ³³ Yange kunjamuthzubukile,oloni uje wanjitumine kuya na kumbwita ku mema wendekel kuli yange ngwendi, 'Hali ou bene ukamona mundthzindthzime ukashuluka na kutongama hali ikeye,cho ikeye bene owni aka mbwitika na mundthzindthzime wa kuthzila.' ³⁴ Cho njalimwena yange babenya cho na kwambulula nji nambulula bukaleho bwa kulinga ngwabo ou chili bene ikeye Muna Njambi." ³⁵ Cho lalo,lya mukwabo, omwo Yowano wemanene na bandonthi bendi babali, ³⁶ bamwene Yesu ali nakwendangana, na Yowano wendekele ngwendi, "Kenga,Munga ya Njambi!" ³⁷ Cho baje bandongethi bendi babali bamithzibile omu mwendekele ebi cho bakabangeyeye Yesu. ³⁸ Omwoni Yesu watalele kunima na kumona bali na kumu kabangeya,wendekele kuli bakebo ngwendi, "Bika mushaka?" Bamukumbulwilengwabo, "Lambi" (kulumbununa " mulongethi'), "Kulijo kuwakala?" ³⁹ Cho wendekele kuli bakebo ngwendi, "Ijeni mumone." Cho bethzile na kwa kumona kuje kwakele na kutumbama; batumbamene nendi lije litangwa,mwafwa ya keloni thimbu ya mangwethzi. ⁴⁰ Omo wabaje babali bathzibile kuli Yowano cho na hanima bamukabangeyeye Yesu wakele Anduleo,ndolome ya Simona Petulu. ⁴¹ Chojo wabangele ku wana ndolome yendi Simona na kwendeka kuli ikeye ngwendi, "Tuna wana Mesiya" (kulumbununa ngwabo Kilisitu). ⁴² Cho wamunenele kuli Yesu,cho Yesu wamutalele na kwendeka ngwendi, "Yobe Simona muna Yowano. Bakuthana Kefesi" (kulumbununa Petulu). ⁴³ Chojo lyamukwabo,omwoni Yesu wakele na kushaka kuyak ku Ngalileya,cho wawanene Filipu cho wendekele kuli ikeye ngwendi, "Njikabangeya." ⁴⁴ Ou Filipu wekele nakufuma ku Mbetesainda ,munganda ya Anduleo na Petulu. ⁴⁵ Cho Filipu wa wanene Natanele cho wendekele kuli ikeye ngwendi, "Uje wabamo ba Mosesa ubathonekele mulishiko,nakuli tupolofita,tunamuwana: Yesu muna Yosefa,waku Nazalata." ⁴⁶ Olojo Natanele wendekele kuli ikeye ngwendi, "Chuma cha chibwa chi natha kutundilila ka Nazalata?" Cho Filipu wendekele kuli ikeye ngwendi, "Ija umone." ⁴⁷ Cho Yesu wamwene Natanele ali na kwija kuli ikeye cho wendekele kuli ikeye ngwendi, "Tala,,ouni chilibene ka Isilaele,muli ikeye kumwethi ku kwitha embwe." ⁴⁸ Cho Natanele wendekele kuli ikeye ngwendi, "Wanjithzibuka batijo yange?'' "Cho Yesu wa mukumbulwile na kwendeka kuli ikeye ngwendi, "Thimbu kanda Filipu akuthane, muje wakele muje mwithi ya muti wa Mukuyu, Yange njakumwene laja." ⁴⁹ Cho Natanele wakumbulwile ngwendi, mulongethi,yobe Muna Njambi! yobe mwene wa baIsilaele!" ⁵⁰ Cho Yesu wamukumbulwile na kwendeka kuli ikeye ngwendi,"Unataba mwafwa njendeka kuli yobe ngwange,'mwafwa njinendeka kuli yobe ngwange, 'Nja ku mwene muje mwithi y uje muti wa mukuyu tahi indi; uli na kumona byuma bya kama bya kukoketha kutubakana ebi." ⁵¹ Cho wendekele lalo ngwendi, "Chili,chili,njikuleka ngwange,ukamona lilu lina shokoloka,cho na tungelo twa Njambi baka londa na ku shuluka ali Muna Munu."