¹ Yesu ayile kumpili ya Oliveta, ² Pulundundu yaci cimenemene ezile kucikunguluilo ceka naua, na vantu vose vezile; atumamene nakuvatangesa. ³ Kaha uakakusoneka nava Faliseo vanehele puevo ou ivakuatele anakulinga vupangala. vamunehele mukati. ⁴ Kaha vahandekele kuli ikeye nguavo, "Longesi, ou puevo vamukuata anakulingi vupangala. ⁵ Vunoni mulusimbi, Mosesa asindiyileetu kuasa mabue vantu vamutundu ou; ukuhandekaho vati ou puevo? ⁶ Vahandekele evi mangana vamukuate ikeye muangana hamosi vakukala nacuma vamuvangeziekele ikeye, kaha Yesu anongamene na kusoneka hamavu namunye ueni. ⁷ Tsimbu vatualeleho nakumuhulisa ikeye vihula, akatukile na kuhandeka kuli vakevo ngueni, "Umo hakati kenu cu kesi na vupi muecini akale uakatete nakuasa libue hali ou puevo," ⁸ Cekanaua atumamene, nakusoneka hamavu namunye ueni. ⁹ Ha tsimbu vabuele eci, vagile umo na umo, kuputukilako vakuluntu. Kutsongo yaco Yesu asalele lika lieni, na puevo uze akele mukali. ¹⁰ Yesu akatukile nakuhandeka kuli ikeye, "Ove puevo, vakuvangeziekela ove valikuliko? Naumo uahi nakupayesa?" ¹¹ Ahandekele ngueni, "Naumo uahi, muangana."Yesu ahandekele ngueni, "Cipue ange kanjikuku payesa ove. Hamoye kati ukavulumune ceka." ¹² Cekanaua Yesu ahandekele kuli vakevo nakuamba ngueni, Anga yange ceke ca futi; uze akunjikavangeya ange kali kenda vunoni akakala na ceke ca muono." ¹³ Va Faliseo vahandekele kuli ikeye nguavo, "Unakuambulula bukaleho oveyavene; Kuambulula cove kati cavusunga." ¹⁴ Yesu uavakanyene nakuhandeka kuli vakevo vuange vuavusunga. Njaziva oku kunjafumune nu ku kunjili na kuya. ¹⁵ Enu muekusompesa kuesekesa na muvila; Ange kanji kusompesa cipue umo uahi. ¹⁶ Vunoni ngue njikusompesa, kusompesa cange cavusunga muomu kanjesi likalyange, vunoni njili na Tata ou anjitumine. ¹⁷ Mukeko, mulusimbi luove vasoneka nguavo vukaleho vuantu vavali vuavusunga. ¹⁸ Ange yange uze njahandekele vukaleho vuange kaha natata uze anjitumene ange ahandeka vukaleho vuange." ¹⁹ Vahandekele kuli ikeye nguavo, "Iso ali kuli?"Yesu uava kuanyene ngueni, "kamuanjintantekeyele ange cipue tata; ngue muanjintatekeyele ange, muantantekeyele na Tata naua." ²⁰ Ahandekele mezi aua kuze kuvekulamena vupite omu muakele nakutangesa mucikunguluilo, kaha naumo uahi amukutile ikeye mumuo tsimbu yeni te kanda yiheta. ²¹ Ahandekele ceka naua kuli vakevo ngueni,"ange njinakuya: mukanjitonda ange mukatsa navupi vuenu. Okukunjili nakuya, kamukuasa kuyako." ²² "Vayundeya vahandekele nguavo, "vuno akulitsiha ivene? Kumani mukeko muali nakuhandeka ngueni kunjikuya kamukuasa kuyako?" ²³ Yesu ahandekele kuli vakevo ngueni,"Muafuma hetsi; ange njafuma helu. Enu muli vamuno mulifuti; ange kanjesi uamuno mulifuti. ²⁴ Kufuma hazee, Njahandekele kulienu nguange mukatsa muvupi vuenu. Kuvanga mutsiliele nguenu ANGE YANGE ngue cahi mukatsa na vupi vuenu." ²⁵ Vahandekele ngoco kuli ikeye, "Yove iya?"Yesu ahandekele kuli vakevo ngueni, "Vanja handeka kulienu kufuma hakatete. ²⁶ Njili naviavingi via kuhandeka na kumisompesa enu. Cipue tuhanoco, uze znjitumene uavusunga; na viuma vinjabuile kufuma kuli ikeye, vikeko vinjili na kuhandeka kuli futi. ²⁷ Kavavuisisile nguavo akele nakuhandeka kuli vakevo kutalesa hali ise. ²⁸ Yesu ahandekele ngueni, "Tsimbu mukuzundula helu muana muntu kaha muatela kuziva nguenu ANGE YANGE, kaha njikulinga viahi ange yavene. Kuesekesa nomu muanjitangesele Tata ange, Njahandeka evi viuma. ²⁹ Uze anjitumene anga ali nange, kaha kanjisile likaliange, muomu njekulinga vize viekumusuhuluisa ikeye." ³⁰ Omu Yesu akele nakuhande evi viuma, vavengi vatsilielelele muli ikeye. ³¹ Yesu ahandekele kuli vaze va Yundeya vaze vatsilielelele muli ikeye ngue, "Mukukala mulizi liange, kaha vusunga muli vandongesi ziange; ³² Kaha muntantekeya vusunga, kaha vusunga vakamizitula kufuma mavundungo." ³³ Vamukuanyene ikeye nguavo, "Etu tuli cisemunuino ca Avilahama kaha kanda tukalaho laza vandungo kuliuose; kaha ukuhandeka vati nguavo, mukazituka muvundungo?" ³⁴ Yesu uava kuanyene vakevo ngueni, "vusunga, vusunga, njikuhandeka kulienu nguange, uose akalinga vupi ali ndungo ya vupi. ³⁵ Ndungo kekukusala mundzivo haya muaka; mwana ekusala haya muaka. ³⁶ Kaha vunoni, ngue muana na kufumisa muvundungo, ove vakufimisa vene cavusunga. ³⁷ Njantantekeye nguange muli cisemunuino ca Avilahama; muakele nakunji tondondo mangana munjitsihe muomuo mezi ange ka asi na cihela mukati ken. ³⁸ Njina kuhandeka vinjimono na Tata, kaha nenu muatela kulinga vize vimunevu kuli Tata yenu." ³⁹ Vamu kuanyene nakuhandeka kuli ikeye nguavo,"Tata yetu ikeye Avilahama. Ngue muakele vana va Avilahama muatelele kulinga vipanga vipangi vua Avilahama. ⁴⁰ Vunoni, muatondele kunjitsiha ange, muntu uze namileka vusunga vuavuile kufuma kuli Njambi. Avilahama kaci lingile eci. ⁴¹ Enu lingenu vipangi vuatata yenu, "Vahandekele kuli ikeye, "katuasemukile muvu pangala; tuli na Tata umo: Njambi." ⁴² Yesu ahandekele kuli vakevo ngueni, "Ngue Njambi akele tata yenu menga muanji leme ange, omu mu njafumene kuli Njambi kaha ange njili hono; kanjalizililile ange yavene cahi, vunoni ikeye anjitumine. ⁴³ Muomuo vika vimunakuhona kuivuisisa mezi ange? Cili ngoco muomu kamuesi nakuivua mezi ange. ⁴⁴ Enu muli tata yenu, ua santan, muekusinganyeka kulinga muvakele na kutsiliela ca tata yenu. Akele mu kakutsiha kufuma kukatete kaha kekumona muvusunga muomuo vusunga vuahi muli ikeye. Tsimbu, akuhandeka makuli ekuhandeka kucisemua ceni evene muomuo uamakuli kaha ikeye Tata ua makuli. ⁴⁵ Vunoni, muomuo njekuhandeka vusunga, kamuanji tsilielele ange. ⁴⁶ Iya muli enu akunjipayea ha vupi? Ngue njikuhandeka vusunga, muomu vika vimunakuhona kunjitsiliela ange? ⁴⁷ Uze uose akundama kuli Njambi ekuivuilila muekuhandeka Njambi; Kamuekuivua muomu kamuakundamene kuli Njambi." ⁴⁸ Va Yundeya vamukuanyene nakuhandeka kuli ikeye nguavo, "Katuesi muvusunga kuhandeka nguetu yove kasamaliya uli na santana?" ⁴⁹ Yesu ava kuanyene ngui, "Ange kanjesi na santana, vunoni njalemesa Tata, kaha enu kamuanjilemesele ange. ⁵⁰ Kanjalitondelele mpau ange yavene; kuli ou ana kutonda kaha na kusompesa. ⁵¹ Vusunga, vusunga, njikuhandeka kulienu nguange, uli uose akulama mezi ange, kali kamona kutsa." ⁵² Va Yundeya vahandekele kuli ikeye nguavo, "Aha vunoni tuaziva nguetu uli na santana. Avilahama na tupolofueto vatsa; Vunoni una kuhandeka nguave, 'Use akulama lizi liange kuli katompa kutsa.' ⁵³ Kuuahambakanene Tata yelu Avilahama uze atsa, ove? Tupolofueto navakevo vatsa. Iya yikulingisa kukala?" ⁵⁴ Yesu avakuanyene ngueni, "Ngue njikulisangezieka ange yavene, mpau yange yangecevene; kuvanga Tata ikeye ekunjisangezieka ange uze imuekuamba ngueni Njambi yenu. ⁵⁵ Kamuamuzivile ikeye, vunoni ange njamuziva. Ngue njiku handeka nguange, 'Kanjamuzivile ikeye,' njikukala ngue yenu, vama kuli. Cipuetuhu ngoco, Njamuziva nakulama Lize lienu. ⁵⁶ Isuenu Avilahama aviukililile hakumona litangua liange; alimuene kuha aviukililile." ⁵⁷ Va Yundeya vahandekele kuli ikeye, "Ove kanda uheta mumuaka mukumi atanu mukukola, kaha uamono Avilahama?" ⁵⁸ Yesu ahandekele kuli vakevo ngueni, "Vusnga, vusunga, njikuhandeka kulienu nguange, tsimbu kanda Avilahama kukolako, Ange yange." ⁵⁹ Vanonene Mabue nakumuasa ikeye, vunoni Yesu alisuekele yivene nakufuma mucikunguluilo.