¹ Ngoco Pilate ua mbatile Yesu naku mu veta makole. ² Na masualale va vindile cilongo ca zimbimba. Kaha va ci hakele ku mutue ua Yesu kaha va mu zikile na cikovelo caku tila ngengu. ³ Kaha vezile kuli ikeye na kuhandeka, ""Hindukenu, muangana ua va Yundeya!" kaha vamuvetele zingusi. ⁴ Kaha Pilato ua yile hambadza na ku handckele navo, "talenu,njikumi nehelaye linga mu taukekeye ngeciz ange ka nja uanene mulonga muli ikeye." ⁵ Ngoco yesh uatuhukile ua zalele cilongo ca zimbimbo na cikovelo ca kutila nguengu. Kaha Pilato ua handekele navo,"Talenu, ou ikeye yala!" ⁶ Ngoco omo vakuluntu va vasasendote na misipayi vamumuene Yesu, vatambekele naku handeka, "mu sukike ha cilindakano!" Pilato ua handekele navo," Mu tambilenu enuva vene nakumu sukika muomo ange ka njaua nene mulonga muli ikeye.'' ⁷ Va Yundeya va mu kuaniene, "tuli na mezi alusiko, na ku mezi alisiko aze na pande ku tsa muomo na lipiusa ivene muana Njambi." ⁸ Ngoco omo Pilato ua vuile lizi eli, ua hianene vuoma, ⁹ kaha ua kovelele naua mundzivo ya vanguvulu kaha ua handekele na Yesu, "Kuliko uafumina?" Vunoni Yesu ka mu kuaniene. ¹⁰ Kaha Pilato ua handekele neni, "Ka ueci na ku yonda kuhandeka nange? tantekeya ngecize ange njilimna ngolo ya kukuecela, kaha njili na ngolo ya kukusukika?" ¹¹ Yesu ua mu kuaniene, "Kaua kele na lusesa hali ange nga kava ku heleyo muilu, ngoco vene ou nanji hiana kuli ove ikeye na hiana vupi." ¹² Kumbuiluiso nkana, Pilato ua lengeyele kumuecela,vunoni va Yundeya va tambekele, va handekele, "Nga umuecele ou yala, kaha kati u kavusamba ua Sezale. Uose ou akulipuisa ivene ngueni muangana na kufumbukila hali Sezala." ¹³ Omu Pilato ua vuile mezi aua, uamunehele Yesu ha mbandza na kumutumamesa kucitumo ca ku sompela kumuhela ua kutambeka "Nguavo ku ala mavue," vunoni mu hevelu muyati, "Ngambata." ¹⁴ Kaha liakele litangua liaku vuikisa pasovala, lia puile ngue ntsimbu ya mu cianu nalimo. Kaha Pilato ua handekele na va Yundeya, "talenu, ou ikeye muangana uenu!" ¹⁵ Ngoco va tambekele, "mu tuale, mu tuale; mu musukike!"Pilato ua handekele navo, "Nji sukika muangana uenu?"Vakuluntu va va sasendote va kuanieneko, "Ka tuesi na muangana ku vanga Sezale." ¹⁶ Ngoco Pilato ua va heleyo Yesu vamu sukike. ¹⁷ Va mu mbatele Yesu, kaha na tuhukile, ua mbatele cilindangano ivene, kucihela civatambekele "Cihela ca cikola,"eci cina kele mu Hevelu muyati ua kusana "Ngolongota." ¹⁸ Kukeko va mu sukikile Yesu ha cilindakana, na ikeye vavali vamala, umo ku nkanda, kaha Yesu ua kele hakati. ¹⁹ Kaha Pilato ua sonekele kantekeyeso na kukaha hacilindangano. Kaha vasonekeleho: YESU UA KU NAZELELA, MUANGANA UA VA YUNDEYA. ²⁰ Ngoco va Yundeya va vengi vatangele kantatekeyo muomu muhela uze Yesu va mu sukikile ua kele ku hiehi na nganda. Kaha kuntantekeyo va sonekele mu Hevelu, na mu Latini, na mu Ngelenu ²¹ Ngoco va kuluntu va va sasendote va ku Yundeya va handekele na Pilato, "Kati u soneke, 'Muangana ua va Yundeya,' vunoni vene, 'Ou nahandeka ngueni, "Yange muanga ua va Yundeya"'" ²² Pilato ua kuanieneko, "Eci cinji na soneka cikeko ci nja soneka vene." ²³ Omo masualele omo va na sukikile Yesu, kaha va nonene vizalo ueni, vavi pangunuine mu uana, umo uaha kati kavo; kaha cikoelo naua. Vuno cikovelo kaca kele na mutongo, vunoni caku tunga mumo lika fume helu na kuheta kuitsi liaco. ²⁴ Kaha ua handekele kuli umosi na mukuavo, "Kati tucita vule, vunoni tu litahelelienuco lyandzo aci tambula, linga cipue ngue omo mu visoneka vike vio nguavo, "Va lipangile vizalo viange ha kati kavo kaha valitahele cikovelo cange." Evi vikiko masualale hahandekele. ²⁵ Ngoco vamene ngecize vene Yesu kuze kuamene ku cilindakana ca naye, na ndumbu ya naye, Maliya mpuevo ya Kelopa, na Maliya Mandalena. ²⁶ Omu yesu ua muene naye na vandongesi uze ana zangile ua mene muhehi, ua handekele na naye, "ove mpuevo, tala, muanove!" ²⁷ Kaha ua handekele na va ndongesi, "Tala , noko!" Hakufuma hantsimbu ize ndongesi ua mu mbatele kundzivo yeni. ²⁸ Munima yevi, omo ua tantekeyele viuma viose vina hulinga cipue ngue mu vi soneka ngueni yesu ua handekele, "Njili na puila." ²⁹ Kuze vana tumbikile ndoho ya ku sula na vindangele, ngoco va hakele siponja ya ku sula na vindangele ku citi ca hisope kaha va ci nehele ku kanua keni. ³⁰ Ngoco vene omo Yesu na tambuile vindangele, ua handekele ngueni, "Vi nahu."Kaha ua kotamene mutue ueni uecelele cimbembesi ceni. ³¹ Ngoco va Yundeya, muomo liakele litangua lia ku vilikisa, linga mivila kati Isale ha vilindangano ku sapalu (muomu litangua lizelia sapalo lia puile litangua lia kama), vamuhile Pilato linga va pokole mikono yavo kaha vava fumise. ³² Ngoco vene masualale vezile va pokuele mikono ya uze yala va kulivanga na yala mukuavo vava sukikile ha vilindano hamo Yesu. ³³ Vunoni omo vanezile kuli Yesu, kaha va muane na tsilaza, kavamu pokuele mikono yeni. ³⁴ Uose, umo hakati ka masualale ua mu tavile ku luhai lueni na likunga, kaha haze vene maninga na mema akele na kutuhuka. ³⁵ Kaha uze na muene na ambulula, vukaleho. Kaha ivene na tantekeya ngecize alina ku handeka vusunga linga enu naua mu ka tsiliele. ³⁶ Muomu evi via solokela linga cipue ngue mu visoneka nguavu, "Na citsiha ceni citsa ka va ka pokola." ³⁷ Kaha naua, visoneka vieka nguavo, "Va ka mu tala uze iva tuvile." ³⁸ Kaha munima yevi, Yosefe ua ku Alimaleya, ikeye ndongesi ya Yesu ( Vunoni muku sueka omo vuoma vua va Yundeya), ua vundilile Pilato linga aambate muvila ua Yesu. Pilato ua mu Tavele. Ngoco Yosefe uezile ua mbatele muvila ueni. ³⁹ Nikondemo uezile, ikeye lika uezile kuli Yesu ku vutsiki. Ha nehele ngue makilu makumi auana na makilu atanu avihemba via kupandakana, via Milla na aloes. ⁴⁰ Ngoco va tambuile muvila ua Yesu va u zengele na zintanga zia liniu hamo na vihemba, ngue ku cilika ca va Yundeya mu ku tsinda. ⁴¹ Vuno ku muhela kuze ku vamu sukikile ha cilindakano kuakele lihia; Kaha mu lihia cihilo ca ciha na mukemuo kanda va hakemo umo. ⁴² Ngoco liakele litangua lia kuviukisa lia va Yundeya vunoni cihilo cakele ca kuazela, va ha kelomo Yesu