¹ Kaha Yesu mua handekele evi, ua nduile meso eni muilu na kuhandeka ngueni, "tata, ntsimbu ineza, zumbangeya muanove linga muanove aku zumbangeye ovee ² ngue omu ua muhele ndzili ku tsitu yose linga a hane muono ka ue kuha kuli vose va una muhie. ³ Ou ukeko muono kane kuhea, ku ku tanekeya ove, Njambi umo lika ua vusunga, na uze ina tumine, ikeye Yesu Kilisitu vene. ⁴ Njina kuzumbangeyele haavu. Njina manusula vipangi vize viua njihele kulinga. ⁵ Vunoni, tata, nji zumbangeye nove ivene na vupahu vuze vu nja kele navuo homo nonove omute mavu kanda. ⁶ Nja soluele lizina liove ku vantu vaze va ua njihele ha kati kavaka mavu. Va puile vove, kaha ua nji helevo.. Kaha vana niunga lizi liove. ⁷ Vunoni vatantekeya viose vize vi ua njihele nguvo via fumine ku liove. ⁸ Muomu mezi ose aza a ua njihele nja va helelo. Kaha va atambuile mua vusunga va tatakeyele a nguavo nja fanine ku liove, va tsitielele nguavo ove ua nji tumine. ⁹ Njava vundilila, kanja vundilile vaha mavu vunoni vaze va ua nji hele, muomu vanapu vove. ¹⁰ Kaha viose viange vikevio viove, na viove vikevio viange, kaha va nji zumbangeyele muli vakevo. ¹¹ Kaha ange ka njesi ha mavu naua, kaha ava vantu vali mu mavu, ange njina kuiza ku liove. Tata a ua lela, va munge mu lizina liove vaze va na njihele linga va kale umo, ngue omu etu tu umo lika. ¹² Omu nja kele hamo navo, nja va nuingile mu lizina liove, vaze va uanji hele. Kaha nja va mungile, kaha na umo uahi ua nongele, shinia uze muana kunonga kaha, linga cipue ngue ku visulisa vi vasoneka. ¹³ Vunoni vuo vuno njiza ku liove, kaha evi njina ka vihandeka hono ha mavu linga ndzohela yange ika sule muli vakevo vavene. ¹⁴ Nja vahie lizi liove, kaha vaka mavu vana vazindi muomu vakevo kati vaka mavu, ngue emu ange kati nji muka mavu. ¹⁵ Kanja vundikilile uka va fumise ha mavu, ha mavu, vunoni uka va niunge kuli uze muka vupi. ¹⁶ Vakevo kati vaka mavu, ngue omu yange kati nji muka mavu. ¹⁷ Va lelese mu vusunga. Lizi liove likeko vusunga. ¹⁸ Ngecize muze mu ua nji tumine mavu ngecize vene nja vatumu mu mavu. ¹⁹ Kaha omu vakevo nja lilelesa ange ivene, linga vakevo vavene va lele muvusunga. ²⁰ Kati ava lika nja vundikilila, vunoni vaze naua vaka nji tsiliela mu lizi liavo ²¹ linga vakevo vose vapue umo, ngue omu ove, Tata,uli muliange, linga vakevo vakala muli etu naua linga va mavu va tsiliela nguavo ua nji tumine. ²² Kaha vupahu vuze vuna njihele, vu njina vahie, linga vapue umo, ngue etu tu njihele, vu njina vahie, linga vapue umo, ngue etu tu umo: ²³ Ange muli vakevo, nove muli ange- linga vaka yantuluke mu kupua umo, linga vaka mavu vaka, tantekeye nguavo ove ua nji tumine, kaha ngecize nguavo ove ua va lemene ngue omu mu na nji lema ange. ²⁴ Tata, nguange vaze vaua njihele nji ka kale navo ku nji kakala, manga vaka mone vupahu vuange, vupahu vuua njihele muomu ove ua nji lemene omu te kanda va tanga luvula lua mavu. ²⁵ Ove Tata muka vu viuke, vaka mavu kavaku tantekeyele, vunoni cinge nja kutantekeya; nava naua vaziva nguavo ua njilumine. ²⁶ Vahanjina va kutantekeyasa lizina liove, kaha njika liombulu la linga cilemo cilemo cize ziuna njileme naca cikale muli vakevo, nange muli va kevo."