Mango 1
1
Hakuputuka hakele lizi, kaha lizi lia kele hamo na Njambi, kaha lizi lia kale Njambi.
2
Ou likeye hakuputuka uakele hamo na Njambi.
3
Viuma viose vavitengele kuhitila muli yikeye, kuhona yikeye, kaha yikeye nacimo cuma catange le cahi.
4
Muli yikeye muakele muono, kaha muono uakele ceke ca vantu.
5
Kaha ceke cekuminika mumilima, kayi kavindika ceke.
6
Kuakele yala i vatumine kufuma kuli Njambi, lizina lieni Yoano.
7
Uezile kupua cinjiho ua kulumbununa ceke, uose akatavela kuhitila muli yikeye.
8
Yoano kakele yikeye ceke, kaha uezile alumbunune ceke.
9
Vusunga vua ceke, vue kuneha ceke ku vantu vose, uezile mu cifuti cose.
10
Uakele mu cifuti, kaha cifuti ua citangele kuhitila muli yikeye, kaha cifuti kavamu tantekeyele.
11
Uezile muimbo leini. Kaha vantu veni kava mu tambuile.
12
Kaha vavengi vavengi vamutsilile, mulizina lieni, uavahele ceke mangana vana va Njambi.
13
Ava ka vasemukile muma ninga, kati mumu suni, kati mu cizango ca muntu, Sina mu cizango za Njambi.
14
Kaha lizi liakele mumu suni na kukala mukati ketu. Tua muene vumpau vueni vumpau ve kuvutambula kaha kuli muana uze vene umo kufuma kuliyise, kusulu na lisesa navusunga.
15
Yoano uambuluile hali ikeye nakutambeka mutambi, ngueni, "Ou ikeyeuze yi njahandekele, yikeye akeza munima yange, nanjipulakana ange, ou va keleko nsimbu kanda ange.'"
16
Kaha kufuma ha vusunga vueni tua tambuile lisesa halisesa.
17
Muomu zisimbi vazihanene kuhitila muli Mose. Lisesa na vusunga vuezile kuhitila muli Yesu Kilistu.
18
Na umo uahi ua mona laza Njambi; Likeye kaha Njambi uze uli kutambaua, ua ise, yikeye namu lumbununa Njambi.
19
Aua akeko mezi ambuluile Yoano nsimbu va Yundeya va tumine va Sasandote nava Levi kuli yikeye kufuma ku Yelusalema naku muhula, "Yove ya?"
20
Likiye ualisoluele- kali suekele, ngueni- katiyange Kilistu."
21
Kaha vamuhuile, kaha vuno yove ya,"nivuno yove ya? Kaha yove Eliyani?" Ua handekele ngueni kati yange." Kaha uakumbuluile,"ngueni, cahi."
22
Kaha vahandekele kuli yikeye nguavo, "Yove ya, mangana tukambulule kuli vaze vatutu mine? Vuno muna handeka vati vuno ove lia vene ualitumbula vati ove livene?
23
Ua handekele ngueni, ange njilizi,"Lize lia kutambeka mu mpambo: Viu kisenu njila ya muangana kuisungamisa,'ngecize muambele kapolofeto Isaya."
24
25
Kaha vamo vafumine kufaliseo vava tumine vamu huile nakuamba,kaha va muhuile na kuamba nguavo, "Muomu vika vika viukumbatizila ngue kati yove Kilisitu cipue Eliya ni kapolofueto?"
26
Yoano ua vakumbuluile ngueni,"Angenjili naku vambatizila na mema. Hakati kenu hamana umo yimuna kuziva.
27
Likeye umo akeza munima yange, kanjikasa kuzitula miva ya mendelo."
28
Evi viuma via solokele ku Betani mu sinia ya Yondau, muze Yoano mua kuvambatiziela.
29
Tangua lia kaveleho Yoano ua muene Yesu akuiza kuli yikeye nakuamba ngueni, "Talenu muana mpanga ua Njambi likeye na fumisa indzi ku cifuti cose!
30
Ou keye uze yinjambele, yikeye umo akeza munima yange nanjipulakana ange, uakeleko nsimbu kanda ange.'
31
Kanjamu muzivise, kaha hakumbatiziela mangana asoloke ku Isalela nguavo njezile mukumbaliziela na mema."
32
Yoano uambuluile, nakuheka,"Njamuene muzimu ua kulela kufuma muilu ngue livembe kaha ua tulille hali yikeye..
33
Kaha kanja mutantekeyele, kaha uze ua njitu mine kanja muzivile, likeye uze unjitu mine kumbatiziela mumema uahandekele kulia nge,'kaha uze yi muamona muzimu uakulela vakatumama hali yikeye, likeye umo uze va kambatiziela mu muzimu uakulela'
34
Nange naua njamu muene na kuhandeka nguange ou yikeye muana Njambi."
35
Kaha naua, tangua likuavo, muze Yoano uamene nava ndongesi zieni vavali,
36
va muene Yesu akuenda liaze, kaha Yoano ua handekele,"talenu, muana mpanga ua Njambi!"
37
Va ndongesi zieni vavali va muvuile kuhandeka evi kaha va mukavele Yesu.
38
Kaha Yesu ulumukile nako vatala vamukavele kaha uavambele ngueni, "Vika munatondo vika?"Kaha vakumbuluile, "Rambi"( ngumbu yikiye napu "Mulongesi"), "Ulina ku kala kuli?"
39
Ua handekele kuli vakevo, "tuayenu mumone."Kaha vezile na kumona kuze kuakele naku kala, kaha vezile na kukala hamoneni halitangua lize, kaha hakele likumu liansimbu.
40
Umo hali vaze vavali vakuivua Yoano akuhandeka kaha va va kavele Yesu vakele Andeleo, muanayeya Simona Petulu.
41
Hakatete ua uanene muanaye Simone umbeleneni ngueni,"tunamono mesiya (kaha nkumbayikeye Kilisitu).
42
kaha vamuncele kuli Yesu, kaha Yesu ua mutalele na kuamba ngueni, "yove Simone muana Yoano. Vakakusana nguavo Kefase"(Kaha nkumba yalio Pelulu).
43
Kaha litangua lia kaveleho, omu Yesu uatondele kuya ku ngalileya, uauanene Filipu na kuamba ngueni, "njika venu,
44
Kaha Filipu ukufuma Betisainda, muimbo lia Andeleo na Petulu.
45
Filipu ua uanene Natanele na kuhandeka neni, vize via sonekele Mose mulusiko nava polofueto, tunamu uana: Yesu muana Yosefa ua ku Nazaleta."
46
Natanele ua handekele neni, "Kaha viuma via cili vineza kufuma ku Nazaleta?"Filipu ua handekele neni, "tuaya umone."
47
Yesu ua muene Natanele kuiza kuli yikeye na kuhandeka neni, "Tala, vusanga vaka Isalela, va kuhona kulionga!"
48
Natanele ua handekele neni, "una njitantekeya vati ange?"Yesu ua kumbuluile na kuhandeka neni,"nsimbu kanda Filipu kukusana, ha uakele muisi yaya mukuyu niaku muene."
49
Natanele ua kumbuluile, lambi,"u muana ua NJambi! Umuangana ua va Isalela!"
50
Yesu uamu kumbuluile ngueni, 'muomu njina handeka nove, "nja muene ove una mana muinsi ya mukuy,' una tavela? ukamona viuma via kama kupulakana evi."
51
Kaha ua handekele, "vusunga, vusunga, njinahandeka njino handeka nove, ukamona melu ana sokoloka, natungelo vanjambi va londele kuya nakutumama kuli muana muntu."