¹ Petulu, ka positolo ua Yesu Kilisitu, kuli va kamafuti eka vaka kusandiola, vaze vava sakula, kuose ku pontu, ku Ngalata na ku kapandosia, Asia, na Mbilitinia. ² Eci kuesekesa na cilingi ca Njambi Tata, kuhitila muvipangi via muzimu, via kuononoka na via seteko yayindende yakuva sapuila yamaninga a Yesu Kilisitu. Ngecize likozi likale ku lienu, na ku unda cenu civuezeleleko. ³ Ngecize Njambi na ise ya mueni uetu Yesu Kilisitu vamu zumbangeye! Mungozi yeni yakama, na tuhie kusemuka cavuavuno kukulavelela kuyoya kuhitila muze mukusanguka ca Yesu kilisitu kufuma kuvasti. ⁴ Eci ca vusuana vukahona kunonga, kavukakala na ntalaue, na kuhona kucucuka. Cili cakumitulikila muilu. ⁵ Vanamuohiela kuzindzili zia Njambi kuhitila mulustilielo lua kuovoka olu luaviukisiualaza luvakasolola munstimbu a kusulumuina. ⁶ Muna viukilila cikuma halieci, amba cikale ngecize capande vunoni kulienu kuhona kusastuluka mu vihuli viakuli hangunioka. ⁷ Eci cikeko cakumizivilaho lustilielo luenu. Eci cekupangaeua linga lutsilielo luenu vakaluuane linga lukatuhule cizumbo, vumpahu, na vulamba ha kusolola Yesu Kilisitu. ⁸ Kamua mu muene, olondzo muamulema. Kamue kumu mona vunoni, olodzo muatabela muli ikeye na kulivuisa kuviuka acize cikeko kacesi cakuhona kuhia muvungangula na kusulisiua cavumpahu. ⁹ Muli vunoni mukutambula vienu vavene viatuhuka kulutsilielo luenu, ku sanguka ca miono yenu. ¹⁰ Kukundika kulieci kuo voka, va polofueto ava vapolofuetele via ngozi ize yezile kulienu, kutaciela muacili cili cikuma na kuviesekesa muacili mukusisika muvuhasi, ¹¹ Kulohuelela mu vika muntu cipue tsimbu ya mu zimu ua Kilisitu muli vakevo ua kele na kumuesa omuo mua mene kumeso avo nakulumbununa vihuli via Kilisitu na vumpahu vua kukavaho. ¹² Vacisolwele kuli vakevo nguavo kavakele nakuli pangela vavene, olondzoni enu, omuo muvahandekele ha viuma vize hatsimbu eyi vamilekavio kuli vaze vakuambulula mizimbu uaviuka kulienu kuli muzimu uakulela uvatumine kufuma muilu viuma muze vangelo vekuhunanena cikuma. ¹³ Ngecize liviukisenu noho hasulumukila visinganieka vienu. Kati mukale vitakua. Hakenu lutsilielo sulumunu hamozi yivakaneha kulienu omu muvami soluela Yesu Kilisitu. ¹⁴ Hakukala vana vakuononoka, kati mukalingise muono yenu kukavangeya vize vimuakukava mucindzimba. ¹⁵ Olondzo ou umo uamisanene uakala uakulela, enu, nenu, kalenu vakulela mutumamisi yenu. ¹⁶ Muomu casonekeua, "Kalenu vakulela, mukoonda ange njalela." ¹⁷ Ngecize nganjamikeleka, "Tata"ikeye mukusompiesa muntsa kesi kahangu na kupuisa kuvipangi via muntu ha muntu, hamenu ntsimbu yavulungi vuenu mu kuzivilaho. ¹⁸ Muatantekeya nguenu kati nguenu muli mua palata na ulu vue kupola vunoni vamifumisamo muci yoyelo cavumpotokwa cimualilongesele kufuma kuva Isuenu. ¹⁹ Amba muomuo, vanamifumisamo na ndando eyi yamaninga a Kilisitu, ou ngue hamuana mpanga ( mukoko) ua kuhonoua cindza cipue kacitomeka. ²⁰ Kilisitu va muzivile ntsimbu kanda kukale kuala litanda lia kaye, vunoni aha vamu solola kulienu muzitsimbu ziakusulumuina. ²¹ Kuhitila muli ikeye mua tavela muli Njambi, ua musanguile kufuma kuvatsi na kumuavela vumpahu, linga ngueni lutsiluelo luenu nakulavelela vikale muli Njambi. ²² Mua lingisile miono yenu kukala yakulela muomuo yakuononoka ku vusunga. Eci cakele muze hamukonda ua vundambo mucilemo cavuana vua nokuena; ngecize lilemenu umo namukuavo yimo yakulifuako yavantsenkulu ya ngalungu yamba nguayo, mua lingisile muono yenu kukala yakulela ha kuononoka ku vusunga kuhitila mu muzimu. ²³ Enu vana milingisa kusemuka kamuci vali, kati kufuma kuntsani yakupola, olondzo kufuma kuntsani intsa kayekupola, kuhitila mu kuyoya na lizi lia hayaye lia Njambi. ²⁴ Mukonda, "Uose musuni uli ngue muila, ngecise vuose vumpahu vuauo vuli ngue hazintemo ziamumusenge zia muila. Kaha muila ue kuma uma, na zintemo zie kulakumukako, ²⁵ Olondzo lizi lia mueni liekusaho hayaye."Eli lizi likeko muzimmbu ua cili uze uva zimbuile ku lienu.