¹ Kyali kitikile mushiku ili aba pingushi balulukulama pakuchi mwali kipowe mukyalo, kabili kwachi nomuntu umbi wamu Betelemu Yuda waile mukwikala mupanga yabweni mu Moabu nabakashi nabana babili abalalume. ² Neshina lya uyu muntu wali Elimeleki ,neshina lya mukashi wali ni Noami. Amashina yabana babili ali Malona na Kilyoni, abali abena Efulati wa ku Betelema wamu Yuda. Balifikile mu kyalo kya Moabu nokwikala kulya. ³ Penka Elimeleki ,mwata wakwe Naomi alifwile, nokushala bushimwa na bana bakwe babili abalalume. ⁴ Aba bana balyupile abakashi mu Moabu; ishina lya umo ni Olipa umbi ni Luta. Balikele mulya imyaka ikumi. ⁵ Penka bonse Maloni na Kilyoni kabafwa, no mwanakashi alishele ukwakubula bana abalalume nokwakubula abalume. ⁶ Ali aimishe abalokashi nokubwelela ukufuma ku kyalo kya Moabu pantu alyufwile ukwebati mu kyalo kya Moabu ba Yawe bapepula abantu pakubapela ifya kulya. ⁷ Pano kansha ipusha iyo aliliko na balokashi bakwe babili abanakashi, kabili nokwenda panshi mumusenbo ukubwela ku kyalo kya Yuda. ⁸ Naomi kalabila ku balokashi bakwe abanakashi babili ati, ''Abiyeni, bweleni onse, muli mwebo, kuli banyina ku ñanda. Ba Yawe bamikitileni ikumbu mwebo,fyenka mukita ikumbu kubafwile na kuli nemo. ⁹ Ba Shikulu benga mipela ukusanga ukutusha, ukuweme muli mwebo muñanda imbi iya balume. ''Penka kabafyopa ye, kabili kabemya amashiwi nokulila. ¹⁰ Kabalabila kuli ye, ''Yo-o! Tukabwela na mwebo ku bantu benu.'' ¹¹ Lomba Naomi kalabila, ''Bweleni, mwebana abanakashi! Mba nindo mwengaya na nemo? Kanshi ndipo na bana abalume mukapafu kangi, ukwebati babe abalume benu? ¹² Bweleni, mwebana abanakashi, kabiyeni ne shila yenu, pantu nemo nakonta ukubana balalume. Nga nemo na lalabila, 'Nemo na ketekela ukuba na balume buno ubashiku,' kabili nokufyala abalalume, ¹³ nga mwa kipembela kabakula? Kabamisala ukubula ukupa abalume? Yo-o, mwebana abanakashi! Shikyufwilepo bwino nemo kulubali kwenu ukwebati ukumboko kwaba Yawe kwafuma pali nemo.'' ¹⁴ Penka abalokashi bakwe kabasaula amashiwi nokulila kabili. Olipa kafyopa abako bakwe nokubasokona, lomba Lute kamukakatila ye. ¹⁵ Naomi kalabila, ''Kutika, umu byobe umulokashi abwela ku bantu bakwe nakuli ba lesa bakwe. Bwela nomukwanu umulokashi mu byobe.'' ¹⁶ Penka Lute kalabila, ''Mwelenga nemo ukumisha, nokubwela kunuma ukubula ukumikoka mwebo, uko mukoya, nanemo eko koya; uko mukekala, nanemo eko kekala; abantu benu ebakaba bantu bangi, kabili Lesa wenu eba Lesa bangi. ¹⁷ Apo mukafwila, nanemo epo kafwila, apo mukashikwa nanemo. Ba Yawe bengamanika nemo, ukukilapo takulipo ikintu, lomba ifwa eikatulekanya fwebo. ¹⁸ Ili Naomi abwene ukwebati Lute afwayaisha ukuya naye, kakileka uku mupatikisha. ¹⁹ Pano bbubili bwabo balyendele nokufika mumushi wa Betelemu. Kyali kitilwe ili bafikile mu Betelemu, umushi onse mwali sangalashi palibo. Aba banakashi kabalabila, ''Uyu ni Naumi?'' ²⁰ Lomba kalabila kulibo, ''Mwengita nemo Naumi. Ngiteni ukulula, pakuti Abakililepo bakita ukulula ukukilile pali nemo. ²¹ Nemo nalile kangisule, penka ba Yawe babwesha ukubulisha neli kamo. Pano koti mwangita shani Naumi, ukumona kwati ba Yawe bapingila nemo, pakuti abakililepo namakatasho nemo?'' ²² Pano Naumi na Lute umwina Moabu umwanakashi, umulokashi, ukufuma mukyalo kya Moabu. Balishile pampindi yakutendeka ukukesa mbali.