¹ Penka ba Lesa bali shukishe Nowa ne bana bakwe, no kulabila ati kuli bo, ''fyaleni, no kufula, kabili isusheni ikyalo, ² Ukumitineni no kumifwanyeni kukaba pa kintu kyonse ikyumi pano pa kyalo, napa kyoni kyonse ikipupuka, napakitu yonseikiya panshi, ne masabi ya mufishiba. Fyonse fyepelwa mukuboko kobe. ³ Kyonse ikintu ikyenda ikili no mweo fikaba ya kulya fyenu. Fyenka ifinamipele imbeu ishilimwa, pano namipeleni fyonse. ⁴ Pano tekwesha ukulya iinama ishili no bumi - uyo emulopa washiko - mulisho. ⁵ Pano pa mulopa wenu, ubumi ubuli mu mulopa wenu, kaufwaila ukulipilwa. kaufwaila ukufuma ku kuboko kenu kwanama shonse eko kaufwaila. ukufuma kumaboko amuntu onse, ekwebati, ukufuma kuli uyo onse ukepaya umukwabo, ka bafwaila bukamboni pabume bwa muntu. ⁶ Uyo onse ukechila umulopa wamuntu, kumuntu umulopa wakwe ukuchilwe, pantu mu kimpasha kyakwe emo amupangile umuntu. ⁷ Kabili mwebo, fyaleni no kufyalulula, mufule, nokufya lulwisha.'' ⁸ Ba Lesa balilabile kuli Nowa na bana bakwe no kwebati, ⁹ ''Kwatini nemo, ufweni! Nemo kekalika amalayangano yangi kui webo kabili naba mukikota kyobe abakalikwisa munuma yobe kabili na fyonse ifyumi ifyo muli nafyo, nefili notoni, fyonse ifitekwa ifili no bumi. ¹⁰ Kabili na kyonse ikili no mweo kili kuli mwebo ne fyenu, nakufitekwa kabili ne na fyonse ifya bumi ifili muli nafya, ukufuma kuli filya fyufumine mubwato, Nakuli fyonse ifya mweo pano pa kyalo. ¹¹ Kabili nkekalika imilaye yangi pali mwebo ati ifitu fyonse ifya mweo tafyakonaikepo no kwisula kwamanika. Takwakabepo libili ukwisula kwamonika uu konaula ikyalo.'' ¹² Ba Lesa balilabile ati, ''Iki ekya kumweneko kya milaye eyo ndelayangana nenu nem na mwebo kabil na kyonse ikili no mweo ikyo muli na kyo, kufika na ku kikota ikikesa. ¹³ Nabika akakongolo mu makumbi, ekakaba keshibilo ka milaye iyo ndela ¹⁴ Kakesa kana naleta amakumbi mwiulu elyo akabangabanga kakamoneka mu makumbi. ¹⁵ Penkapo kalanguluka pa milaye yangi. Eyo ili pakachi kangi na mwebo kabili ne nefili no mweo ne mubili. Amenshi takapangepo ukwisula kwa manika ne konaula fyonse ifya mweo. ¹⁶ Penka akakongolo kakaba mu makumbi kabili nkakamona ati, kalukwanuka imilaye ya muyayaya pakati ka ba Lesa na pali fyonse ifili no mweo no mubili pano pa kyalo. ¹⁷ ''Penkaba Lesa kabalabila kuli Nowa ati,'' Aka ekeshibilo ka milaye iyo naikalilile pakati kangi ne fili ne mibili fyonse ifili ne mibili pano pa yalo. '' ¹⁸ Abana bakwa Nowa abafumine mubwato bali ni Shemi, Ama na Yafiti. Ama ali ni wishi wakwa Kenani. ¹⁹ Aba batatu bali baana bakwa Nowa, kabili ukufuma muli aba ikyalo yonse kyaliswile. ²⁰ Nowa alitampile ukuba umulimi, kabili alilimine ibala lya faine. ²¹ Alinwine ifisunga ifibiile ne kumpendwa, kabili alilele ukwakubula ukulifimba ilyo ali mwitente. ²² Pemka Ama wishi lya kwa Kenani, alimwene ubwamba bwa ba wishi kabili kabula abakwabo babili pesonde. ²³ Kabili Shemi na Yafeti kabatola umunkunkumba no kukobeka pamapeya yabo ne kufuma ulufutenuma nokufimba ba wishi pabwamba bwabo, Ifilungi fyabo baliloleshe kumbi pakuti babule ukumona ubwamba bwa ba wishibo. ²⁴ Penka ba Nowa elyo ba mpendulukile, alishibile ifyakichile umwana wakwe kuli ye. ²⁵ Kabili alilabile ati,'' Afingwe Kenani. Akekale uwakubombele ababombela abakwabo. ²⁶ Kabili alilabile ati lekeni ba Yawe. Lesa wakwa Shemi, ashukwe, kabili Kenani ekale uwakubabombela. ²⁷ Lekeni ba Lesa bakushe ikende yakwa Yafeti, kabili lekeni asompe umushi mumatente akwa Shemi'' kabili kena akaba wakumubombela na ye.'' ²⁸ Pa kupwa umuyulo Nowa alikele imyanda itatu na isano. ²⁹ Yonse imyaka yaikelo Nowa yali imyanda isano na ine ne makumi asno, penka naye alifwile.