¹ Yalifikile ipindi ili bantu batatikile ukufula pa kyalo kabili naba abanakashi bali fyelwe mulibo. ² Ukwebati abana ba ba Lesa ba mwene abana abanakashi aba bantu kabamoneka bwino. Balibopile abanakashi, onse balo kufwaya. ³ Ba Yawe kabalabia, ''Umupashi taikalikilwepo mu muntu umuyayaya, pakuti munofu. Bakekala umwanda umo na makumi yabili.'' ⁴ Abantu abakosele abapafi bali pa kyalo muli shilya shiku, kabili napatangile, nefi fyalikitikilwe ili abana ba ba Lesa balyupile abana ba bantu, nokwikala nabana, aba bali abantu bakale abakosele nokwina, nokwishibanikwa. ⁵ Ba Yawe bali mwene ukwebati ububi bwa bantu bwa fula mu kyalo, kabili muli fyonse ifya bwikashi na malangulushi ya mu mitima fyali twalilile mukubipa. ⁶ Ba Yawe bali langulukile ati bali pangile umuntu pa kyalo, kabili kakimusomena kumutima wakwe. ⁷ Ali ba Yawe kabalabila,'' kapuma abantu bonse abo balengele ukufuma pa kyalo - umuntu, inama ne fikalaba panshi fyonse ne fyumi fya mwiulu, ba kumishabo na pangile. ⁸ Lomba Nowa alisangile ikumbu kumenso aba Yawe. ⁹ Ifi efyakichile Nowa. Nowa wali bwenekele ukoloka umuntu, wakubula ububi pa bantu baikele papindi ilya. Nowa alyendele naba Lesa. ¹⁰ Nowa ali wishibo wa bana babili Shemi, Yamu na Yafeti. ¹¹ Ikyalo mwali ubonon kutangile yaba Lesa, nokwisulamo nobupondoshi. ¹² Ba Lesa kaba mona ikyalo; boneni, mwali ubono pa minefu yonse nobono mushila yabo pa kylo. ¹³ Ba Lesa kabalabila kuli Nowa, ''Namona ukwebati ipindi yafika ya kupelako kumuntu, pakuti ikyalo mwaisula ubupondoshi monse. Ikine, nkonaula bonse ne kyalo. ¹⁴ Panga wemwine umwakufisamo nekichi kya kalafulu. upangemo ifumba muli alaka kabili ukifimbe ne tete mukachi naposonde. ¹⁵ Afyo ukapange; ubutali bwa alaka akabe imyanda itantu ama kyubiki namubwipi ama kyubiki amakumi asanu, na peulu ama kyubiki amakumi atantu. ¹⁶ Upange umutenge wa alaka, kabili nokupwisha nakyubi ukufuma peulu ya lubali umo. ubikepo umulyango mumbali ya-alaka nokubwesha panshi, ikyabubili, nabatantu. ¹⁷ Ufwishe, ndikubwipi ukulenta ukwisulwa pa kyalo, nokonaula ifya myeo fyonse ifilimo nefipena panshi yeulu. fyonse ifilimo pa kyalo filinokufwa. ¹⁸ Lomba kabika amalayangano yangi na mwebo. Mukesa mubwato. webo, nabana, nabakashi bobe, nabakashi babana bobe. ¹⁹ Nafyonse ifya myeo. fibili ikilume ne kikashi. mukafilete mubwato. ukusungwa ifitutulu na mwebo. ²⁰ Na kufyoni nakumisango yonse, nakunama, nakuli fyonse ifikalaba panshi ku mushili na fyo fibilo ukufilama nobumi. ²¹ Bungisha akalyo konse mu musango ifiliwa nokulama. fikambe fya kulya fyobe na bana. ²² Nowa alikitile. Ukulingana ifyo ba Les bamukambishe, alikitile.