¹ Pano Yakobo alyufwile amashiwi yakwa Labani umwana , ifyo balabile , '' Yakobo abula fyonse bawishifwe , kabili fyafuma ku fyabawishifwe eko afunya ubunoshi nbonse .'' ² Yakobo alimwene ukukeba kwa kwa Labani papumi . Alimwene iminbo yonse yalipali ye yakinya . ³ Eli ba Yawe balabile kuli Yakobo . '' Bwelela kupanga yaba wiso nokuba longobobe , kaba na webo . '' ⁴ Yakobo alitumine nokwita Lachele na Leya kwi bala kwitanga lya mikoka ⁵ no kulabila kuli nbo , '' Namona imilangiluko yaba wishinwe pali nemo ya aluka lomba Lesa wa batata ali nanemo . ⁶ Mwa ishiba ati nkumakosa angi uku na lamina ba wishinwe . ⁷ Ba wishinwe babepa ne noku kikya amalipilo imisusa ikumi lomaba ba Lesa taba suminishe ukukita ifi pali nemo . ⁸ Nga bali labile , '' Nga nalilekele inama ukuba amalipilo enu , ' Shimo nga shali malipilo enu .' Penka itanga lyonse muli shinani shifyelwe . ⁹ Pali ishila ba Lesa bafumya po ifilelwa fya ba wishinwe nokupana kuli nemo . ¹⁰ Pa pindi ya kufyala , nali mwene mukiloto imbushi kashi kumisa pa belelepetanga nembushi shalalume shali ondele ishafiseba no ku balala . ¹¹ Ali malaika wa bashikulu kalabila kuli nemo mukiloto , ' Yakobo , ' nalilabile , ' Ndi pano .' ¹² Kalabila , imya amenso noku mona imbushi shonse ishalalume ishali kwenda ne mbelele , shaba ishondele ne mabala mabala no kundoloka pakuti namona ifi Labani alukukita kuli webo . ¹³ Ninemo Lesa wa Befile , apowasamine , apo walilaile ulu layano nanemo . Pano ima no kufuma nokusha ino panga ubwele uko wa fyalilwe . ''' ¹⁴ Lachalo na Leya kaba mweba , '' Kashi kulishelepo akabeya kupusha yaba wishinwe ya ng'anda ? ¹⁵ Tatwa kalamwe kwati bena fyalo ? pa kuchi batushitisha fyebo kabili alya kale ne fyuma fyesu . ¹⁶ Pakuti ubunoshi ubo Lesa afumya ukufuma kulibatata pa no bwesu nabana . Pano kyonse ba Lesa balabila kuli webo , kikinte . '' ¹⁷ Penka Yakobo kaima nokubika abana bakwe nabakashi pambongolo . ¹⁸ Ka ensha ifitekwa kutangile yakwe , nefipe fya kwe fyonse , kubikapo ifitekwa ifi afwaile Panda Alamu . Penka alikele ukufuma no kuya kuli ba wishi ba Izaki mupanga ya Kenani . ¹⁹ Ili Labani alile mukukema mikoko Lakelo kaiba imbushi shaba wishi . ²⁰ Yakobo kabili kabepa Labani milanguluko , ukwa bulo kumweba kwebati alukuya . ²¹ Pano kaima nafyonse akwete bwangu ka abuka imika, no kutwalilila kupanga ya pili ya kyalo kya Gilandi . ²² Pabushiku bwabutatu Labani walyebelwe kwebati Yakobo waya . ²³ Apinta nabalongo kakimupichila ishiku shisanu nashibili mulwendo . Kutalilila mupili ya kyalo kya Gilandi . ²⁴ Pano Lesa kaisa kuli Labani umwina Alameani makilonto ubushiku nokulabila kuli ye , '' Kengela ukwebati ifyo ulabila kuli Yakobo ifiweme nangu ifibipile . '' ²⁵ Labani kamukisha Yakobo , pano Yakobo bika itente mupanga yapili . Labani kabili alikele nabalongo mukyalo kyapili mu Gilandi . ²⁶ Labani kalabila kuli Yakobo , '' Nindo wakinta pakumbepa nemo nokupinta abana bangi kwati nibakaili baku kondo ? ²⁷ Mbani ndo wailile mukufisama nokubepa nokubula ukengeba nemo . Nga nali kutumine kutu tanga ka tusekelele nengibo . Amasese ne filimba ne Tupwili . ²⁸ Tawakisuminisha ukufyopa abeshikulu bangi nabana bangi abanakashi kafike nepo , pano wakinta ukutupa . ²⁹ Kilikumabiko angi ukakanama . Lomba Lesa waba wiso akilabila kuli nemo ubushiku bwapita nokulabila , 'Ukengele kuli fifyo ulabila kuli Labani ifiweme nangu ifibipile .' ³⁰ Pano waya pamulandu walikufwaya ukubwela waibile tulesa twangi ? '' ³¹ Yakobo kabasuka nekulabila kuli Labani , '' Pamulandu wamweso no kulanguluka ukwebati ukopinta abana benu ukufuma kuli nemo namakosa ekyo nali fishile pakuya . ³² Uyo onse waiba balesa wenu takafwalilile ukwikala no bumi . Mu kyeni kyaba longo besu , sololeni ikili kuli nemo kyenu kitaleni .'' Yakobo ta ishibile kwebati Lebeka waiba ba lesa bakwa wishi . ³³ Labani kaingila mwitente lya kwa Yakobo , namwitente lyakwa Leya . Namwi tente lya banakashi babili ababonfi , Lomba taba sangile . Nangu kamo , Kabili kaingile muli Leya no kulingile Lakelo mwitente . ³⁴ Pano Lakelo ewapichile balesa bamung'anda , nokubika musapanto yabangamela , nokwikalapo . Labani kafwaya mwitente monse , lomba tasangile nangu kintu . ³⁵ Kalabila kuli wishi , '' Mwefitwa , kapa , kwebati ninge makana pano kutangile yenu , pakuchi nduku ba ne pindi yangi .'' Kabili kafwaya lomba tasangile balesa bang'anda yakwe . ³⁶ Yakobo alifitilwe nokupachika na Labani . Kalabila kuli bo , '' Nisa mulandu ? Ububi bwangi pakwebati mukyushe panuma yangi ? ³⁷ Pa kuchi mwafwailisha mufintu fyangi fyonse . Mwasangapo fyonse ifipe fyamung'anda yenu ? Nokubika pano kutangile yabalongo , pakwebati batupingule pakati kabubili bwesu . ³⁸ Pamyaka ikumi naibili nali na mwenbo ikulinba shenu ne mbushi shanakashi tafinga lubapo , nangu kulya ing'onbe ukufuma mwitanga . ³⁹ Nangu ikyalilwepo kunama yakanga nabulile ukuleta kuli mwebo . Palififi , nangu ukuloba ukulufya . Lyose mwaluku ndipilisha pakyaluba kinama nangu kwiba akasuba nangu bushiku . ⁴⁰ Kulya nali , akasuba umutima walikusomenwa . Nokukulukuta ubushiku ; shalukulala . ⁴¹ Pamyaka ikumi naibili nali pa ng'anda yenu . Nali pungile pamyaka ikumi na tune . Pabana benu babili abanakashi , kabili isanu naibili imyaka ukukema kwitanga lyenu . Mwa kingya ububeni bwangi imisasa 100 . ⁴² Kani ba Lesa baba tata , ba Lesa ba Abulama , naumo Izaki alukutina , ali nanemo , mukine pamo kuchi mwatuma ukumanama no kupyunga namakosa . kabili , no kukukanya ubushiku bwapita . '' ⁴³ Labani kabasuka nokulabila kuli Yakobo , '' Abana banakashi bana bangi , abeshikulu beshikulu , amatanga matanga angi . Fyonse umona fyangi . Lomba ifi nakita lelo kubana bangi , nakubana banbo aba bafyala ? ⁴⁴ Pano lekeni tupangane ululayano , webo na nemo . '' ⁴⁵ Penka Yakobo katola ilibwe nokulibika lyakusaminako . ⁴⁶ Yakobo kalabila ku balongo bakwe , '' Bungisheni amabwe . Penka kaba tola amabwe nokulenga ikisamino . Kabili balilile palya pafisamino . ⁴⁷ Labani kaitapo yaka Sala o afwa , lomba Yakobo alitilepo ati Ngilenda . ⁴⁸ Labani kalabila , '' Kino kisamino ni bakaboni webo na nemo lelo . '' Penka ishina twitapo Gilenda . ⁴⁹ Kyalitilwe kabili Mizapu , pamulandu Labani kalabila , '' Lekeni ba Lesa ba mone pai nemo na wenbo , ilyo takukali mona umo na ubi . ⁵⁰ Nga taukasunga bwino abana bangi abanakashi nangu kupilako babi kubana bangi , nangu tapali nangu umo pali fwebo , moneni Lesa nikaboni pali webo na nemo . ⁵¹ Labani kalabila kuli Yakobo , '' Moneni pa kisamino , kabili napaku pamashiki , ifinabika pali webo nanemo . ⁵² Kino ni buka nboni neshiki pamo nikaboni kwebati shikapitailepo ukukilapo pali tawakakilepo yoo pali nemo , ukukitapo ukukanama . ⁵³ Ba Lesa ba kwa Abulama Lesa wakwa Naho ba lesa baba wishanbo , bapingule fyenbo . '' Yakobo alilapile ukutina ba wishi ba Izaki . ⁵⁴ Yakobo kapana ikitapisho palupili nokwita abalongo nokulya ifyakulya . Balilile no kulala palupili . ⁵⁵ Kumakya makya Labani kabuka , nokufyopa abeshikulu nabana banakashi nokuba pesha . Penka kabasha noku bwela kumushi .