¹ Popele apo Yakobi alimine mulwendo lwakwe ne kwisa ku kyalo kya bantu aba kumutule suba. ² Eli aloleshe, alibwene umukalo mu mpanga, kabili ukubona, nikumatanga atatu a ambelele kashilele kulyo kwenka. Ukufuma muli ulya mukalo emo bali kunwisha amatanga, kabili ne libwe ilyo balukufimba pa kanwa ka mukalo iyali likulu. ³ Ili amatanga yonse ya bungene kulya, abembeshi balukulifumyapo pa kanwa ka mukalo ne kushipa imbelele pakanwa ka mukakalo, ne kuli bweshapo pantu paliko. ⁴ Yakobi popele alilabile kuli bo ati, ''Mweba kwasu, mba mutulila pi? Nabo balya sweke ati, ''Twatula ku kalani.'' ⁵ Alilabile kuli bo ati, ''Muli mwishi Labani umwana wakwe Nako?'' Bali labile ati, Tuli mwishibila, ⁶ ''Alilabile kuli bo ati, ''kani ali umutende ye?'' Nabo balilabile ati, ''Ali umutende, ''kabili, moneni kulya, Labeka umwana wakwe uyo alukwisa ne mbelele.'' ⁷ Yakobi alilabile ati, ''moneni, kaba kasuba pakati. Taili nimpindi iya ku bunganya amatanga pamo. Mufwile ukushinwisha imbelele kabili ne kuya ne kuleka shingalya.'' ⁸ Balilabile ati, ''tekuti tushinwishe amenda kani ili amatanga onse abungana pamo. Penka abalalume ba kwalamunako ilibwe pakanwa ka mukalo kabili twakushinwisha imbelele.'' ⁹ Popele ili Yakobi alukulabila nabo, Laceli alishile ne mbelele sha bawishi, pakuti ewalukushembela. ¹⁰ Penka ili Yakobi amumwene Laceli, umwana umwanakashi umwana wakwa Labani, mwisho yakwe, kabili nembelele shakwa Labani, alipalamine, ne kwalumunapo ilibwe pakanwa ka mukalo, ne kumwisha itanga lyakwe Labani, mwisho yakwe. ¹¹ Yakobi penka ali mutomwene Laceli ne kulila ukukulu. ¹² Yakobi ali mubulile Laceli ati ali nemo ndi mulongo waba wiso, kabili ati ali mwana wakwa Labeka. Penkapo ali butukile ne kuya mukweba ba wishi. ¹³ Ili Labani ayo mfwile amashiwi aya kwa Yakobi umwana wankashi yakwe, ali butukile mukumu kumanya ye, ali mukumbatile, uku mutomona kabili ne ku mutwala ku ñanda yakwe. Yakobi ali mubalile ifi fintu fyonse. ¹⁴ Labani ali labile kuli ye ati, ''Webo kine uli fupa kabili ilya kumunofu wangi.'' Penka Yakobi ali kele nakwe koti mwenshi umo. ¹⁵ Popele Labani alilabile kuli Yakobi ati, ''Kani koti winga myungila ukwalukoso pakuti uli umukwasu? Ngebe nemo, ukulambulwa kobe kukalu kuli shani?'' ¹⁶ Lomba Labani ali ne bana babili abanakashi. Ishina ilya mwana umukulu ni Lea, ne shina lya mwanike bwakwe ali ni Laceli. ¹⁷ Kabili ne menso akwa Lea alinakile, sombi Laceli, ali uwakuti bulombe mukubumbwa na mu kumoneka. ¹⁸ Yakobi alitemenwe Laceli, penka ali labile ati, ''Nka mipyungileni imyaka isanu na ibili mukumupoka Laceli, umwana wenu umwanike.'' ¹⁹ Labani kalabila ati, fingelelwe ukumupela ye kuli webo, ukukila ukumupela ye ku mwalalume umbi so. Ikala na nemo,'' ²⁰ Penka Yakobi ali pyungile imyaka isanu na ibili iya kumupoka Laceli; kabili kuli ye shali monekele ishikepele inshiku, pabutemwe ali nabo pali ye. ²¹ Yakobi alilabile kuli Labani ati, mpeleni umukashi wangi, pakuti inshiku shangi shsshila ukwebati muupe ye!'' ²² Popele Labani mu bungenye pamo abantu abapa mupunda alya ne kikite ikitenge kya kulya. ²³ Penka mukyungulo, Labani ali pintile Lea umwana wakwe umwanakashi ne kumuleta kuli Yakobi, uyo uwaile muli ye. ²⁴ Labani alipele umusha wakwe umwanakashi Silipa ku mwana wakwe Lea, ukuba musha wakwe. ²⁵ Ulukelo, ukumona, ali ni Lea! Yakobi alilabile kuli Labani ati ''Mbefi ni findo mwakita kuli nemo? Kanshi nshapyuile Laceli? mba nindo mwantumpaikila nemo?'' ²⁶ Labani ali labile ati, tentambi shesu kuno ukupela umwana umwanakashi umwanike ili umubeli tangapelwa. ²⁷ Ukakumanishe umulungu uwa kyupo uwa uyu umwana umwanakashi, na kabili tukakupela umbi na ye muku bwesha uku myungila nemo nashimbi imyaka shisanu na ibili.'' ²⁸ Yakobi ali kitile fyo, kabili alishili shila umulungu wakwe Lea. Popele Labani alimupele ye Laceli umwana wakwe umwanakashi koti mukashi wakwe naye. ²⁹ Labani naye alimupele Bilya ku mwana wakwe Lacela, ukuba umushakashi wakwe. ³⁰ Naye Yakobi alingile muli Laceli, naye, Lomba ye alitemenwe Laceli makosa ukukila ye Lea. Naye Yakobi ali mu pyungile imyaka imbi isanu na ibili. ³¹ Ba Yawe bali bwene atiLea taba mutemenwe po. Naye bali mwiswile munda, sombi Laceli takwetepo umwana. ³² Lea popele alimitile ne ku fyala umwana umwalalume, kabili ali mwinikile ishina ati ni Lubeni. Pakuti ye alilabile ati, ''pakuti ba Yawe ba ndoleshapo pa kupenga kwangi; ikine bukumo umulume wangi akuntemwa nemo.'' ³³ Nakabili ali mitile ne ku fyala umwna umwalalume. Alilabile ati, ''pakuti ba Yawe balyumfwile ati taba ntemenwe po, eli ba mpela na uyu umwana umwalalume naye, ''kabili ali mwinikile ishina iyakwe ati Simyoni. ³⁴ Nakabili alimitile ne ku fyala umwana umwalalume. Alilabile ati, ''pali ino mpindi umulume wangi aka kumankana na nemo, pakuti na mufyalila ye abana batatu aba lalume. ''Fyopele fyo ishina lyakwe alitilwe ati ni Lefai. ³⁵ Popele apo alimitile limbi ne kufyala umwana umwalalume. Alilabile ati, ''Íno mpindi nakubalemya ba Yawe. ''Fyopele fyo ali mwinikile ishina lyakwe ati ni Juda; eli alekele uku fyala abana.