¹ Popele apo kyalishile panuma lyo ba Lesa ba mweseshe Ablaamu . Ba lilabile kuli ye ati , '' Ablaamu ! '' Ablaamu alilabile ati , '' Ninemo kuno . '' ² Lomba ba Lesa balilabile ati , '' Pinta umwana obe , umwana uo uli enka , uyo utemenwe , Isaci , ne kuya kukyalo koti mulambu uwa kokya palupili lumo kuya , ulo nika kubula . '' ³ Popele Ablaamu alimine ulukelokelo , nekusamike mbongolo yakwe , kabili ne kupinta po abasankwa babili pamo na Isaci umwana wakwe . Kabili , ali tebule nankuni ishakontelapo umulambo , penka ne kutatika ulwendo kuya ku kifulo ba Lesa ba mubulile . ⁴ Pakasuba akalenge inshiku shitatu Ablaamu alimwene ikifulo pantashi yakwe apatali . ⁵ Popele Ablaamu alilabile ku basankwa bakwe ati , '' Ikaleni pano ne mbongolo , lomba nebo ne mwana wangi twa kuya kulya . Popele twa kulemya ba Lesa kabili ne kubwela kuli mwebo . '' ⁶ Popele Ablaamu alipintile inkuni ishaku ko kalapo umulambo ne kumutwika Isaci umwana wakwe . Kabili alipintile umulilo mumaboko akwe umwine ne mupeni ; ne kuya pamo bonse bobilo . ⁷ Isaci penka kalabila kuli Abalaamu wishi ati , '' Tata '' Kabili alilabile ati , '' Ninemo kumo , we mwana wangi . '' Alilabile ati , '' Moneni , umulilo uno ne nkuni , lomba mba ulipi umwana wa mbeleleuwakokyaumulambu ? '' ⁸ Ablaamu alilabile ati , '' Ba Lesa abene eba kutupela umwana wambelele uwa kokya umulambu , we mwana wangi . '' Popele balile , bobilo bonse pamo . ⁹ Lomba ili bafikile ku kifulo ba mubulile ba Lesa , Ablaamu ali pangile ishiko ne kubika inkuni peulu . Penka ali kakile Isaci umwana wakwe , kabili ne kumulalika pe shiko , peulu ya nkuni . ¹⁰ Ablaamu Penka alimishe ukuboko kwakwe ne kubulo umupeni ati epaye umwana wa Kwe . ¹¹ Lomba malaika waba Yawe yali mwitile ukutula kwiulu ne kulabila ati , '' Ablaamu , Ablaamu ! '' kabili ne kulabila ati , '' nebo uno . '' ¹² Kabili alilabile ati , wibika ukuboko kobe pa mwana obe , neli ukumuti ikya ku musonesha neli kimo . Pano naishiba ikine ula batina ba Lesa , nabona ati tawacikanya umwana obe , umwana obe enka , ukufuma kuli ne bo . '' ¹³ Popele Ablaamu aliloleshe kwiulu na kunuma , penka ne kumona imbelele iya lalume iliketwe ku masengo mu kimpupu . Ablaamu kaya ne kupinta imbelele iyalalume ne kuipela yo koti mulambo wa , kokya ukupingakena mu mwana wakwe . ¹⁴ Penka po Ablaamu alipenikile pa ikifulo apo ati , '' Ba yawe balamwena , '' kabili kyalabilwa kuli buno bushiku ati , '' Pali luno lupili ulwa ba Yawe fikapelwa . ¹⁵ Nakabili malaika wa ba Yaawe kamwita ilya bubili Ablaamu ukufuma kwiulu . ¹⁶ Kabili ne kulabila ati uku ekulabila kwa ba Yawe -, nemo nalapa nipakuti wakita ikikintu , kabili taukenye umwana obe , umwana uyu uli enka so . ¹⁷ Ikine kine nka kushukisha kabili nkabafusha aba nukikota kyobe koti tubabga banga twa mwiulu , kabili koti musenga wakumbali ya kishiba , kabili abana bobe bakaswana umu lyango wa tupondo twabo . ¹⁸ Kabili mu bana bobe emo ifyalo fyonse fi kashukila , nipakuti wanakila ishiwi lyangi , '' ¹⁹ Popele Ablaamu alibwelele kubasankwa bakwe , kabili balimine ne kuya bonse ku Beyasheba , kabili alikele ku Beyasheba . ²⁰ Penka po panuma pali fyo fyonse ifyo Ablaamu ba mwebele ati , ''Milika ali mufyalile abana , na ya , umukwanu Nako . '' ²¹ Bali Use umubeli wakwe , na Buse umukwabo , na Kemweli wishi Atamu , ²² na Cesedi , Yoso , Piliwishi , Yidilafi na Betwali . ²³ Kabili Batwali alibele wishi wakwa libaka . Aba bali basanu na batatu abana bakwe Milika ebo amufyalile Nako , umukwabo Ablaamu . ²⁴ Umukashi wakwe umbi , uwali ne shina lyakwe nyiLeuma , Naye LI fyele Teba , Gayami , Tayashi na Mayaka .