¹ Ili Abulama akumenye imyaka yakwe amakumi asanu ane ne myaka isanu na ine, Ba Yawe ka bamoneka kuli Abulama ne kulabila kuli ye ati,'' Ne ene Lesa wa makosa onse, uleendo pa menso angi nekuba utubile. ² Eli kapanga ukulayana pakati kobe na nemo, kabili mukafula makosa.'' ³ Penka Abulama kapona ne mpumi panshi naba Lesa kabalabila nakwe, ati, ⁴ ''Palwandi, mona, ukulayana kwangi kuli na nemo. ukaba wishi wa ba mitundu yonse. ⁵ Ishina lyobe talya katwalilile ukwitwa Abulama, sombi ishina lyobe likaba Abulama pakuti nakusala wishibo wa mitundu yonse. ⁶ Kakufusha apakulu, kabili kalenga imitundu ya bantu ukufuma muli webo ne mfumu kufuma muli webo. ⁷ Nkekalika ukulaana kwangi pakati kobe na nemo ne kifyashi kyobe panuma yobe, ukupita mufitentekwa monse ukulayana kwa muyayaya; ukuba Lesa kuli mwebo na kufifyashi fyenu fyonse panuma yobe, ⁸ Nkapela kuli webo, nakukifyashi kyobe panuma yobe, ne mushili ayo mwalikwikalapo, ikyalo kyonse kya Kenani ukuba kyenu imyaka yonse, kabili nkaba lesa wabo.'' ⁹ Penka ba Lesa kabalabila kuli Abulama ati,'' kuli webo ukalukulama ukulayana kwangi,'' webo ne bamu kifyashi kyobe panuma yobe mufitentekwa fyonse. ¹⁰ Uku ekulayana kwangi, ukooo mufwile kusunga pakati kangi na webo ne kifyashi kyobe panuma yobe: Umwalalume onse muli mwebo bakakopolwe. ¹¹ Mukakopolwe kumubili wa busuti bwenu, kabili kakaba keshibilo kakulayana pali nebo na webo. ¹² Umwalalume onse uwashiku shisanu na shitatu akakopolwe mufitentekwa fy bantu bobe bonse, Iki kubikapo fye onse uwafyalwa muñanda yobe naulya uwashitwa ne ndalama ku mwensu uli onse utalipo wa mukifyashi kyenu. ¹³ Onse uwafyalwa muñanda yobe nalya uwashitwa ne ndalama akakopolwe. pakuti ukulayana kwangi kukaba mumunefu wobe ukuba kulayana kwa muyayaya. ¹⁴ Umwalalume onse uwakubula ukukopolwa utakopwelwepo ku munefu wa kalomolomo kakwe ali ne kufumishiwapo ku bantu bakwe. Aonaula ukulayana kwangi.'' ¹⁵ Ba Lesa kabalabila kuli Abulama ati,'' kumukashi wobe Salai, wika mwitapo ishina ati Salai libili pakuti ishina lyakwe likaba ati Sala. ¹⁶ Ndine kumupala, kabili nkakupela no mwana umwalalume kupichila mui ye. Nkamushukisha, ne kuba nyina wa kyalo kyonse. Imfumu sha bantu shikali kufuma muli ye.'' ¹⁷ Penka Abulama kapona ubwifuneme panshi ne mpumi yakwe, ne kuseka, ne kulabila mumutima wakwe ati,'' kanshi umwana kuti afyalwa ku muntu uwa myaka umwanda umo? Nga Sala uwa myaka amakumi asnu ne ane ne myaka isanu ne ine, enga fyala shani umwana?'' ¹⁸ Abulamu kalabila kuli ba Lesa ati,'' Ishimeli ekala ne mweo kuntanshi yobe!'' ¹⁹ Ba Lesa kabalabila ati,'' Yowo, pakuti Sala umukashi wobe akakufyalila webo umwana umwalalume, ne kumwinika ishina Isaki. Nkekalila ukulayana kwangi kwati kulyana kwa muyayaya ne kifyashi kyobe panuma yakwe. ²⁰ Pakuti pali Ishimeli, nakumfwa. mona, namushikisha kabili ndine kumufusha apakulu makosa. Akalikuli ni wishi wa bana bamfumu ikumi na babili ne kumulenga ukuba umukoka umukulu. ²¹ Pakuti ukulayana kwanga uko ukekalika na Isaki uyo Sala akafyala kuli webo pali ino impindi mu mwaka ulu kwisa.'' ²² Ili apwishishe ukulabila nakwe ba Lesa kabafumako kuli Abulama. ²³ Penka Abulama kapinta Ishimeli umwana wakwe, nabalya bonse aba fyelwe muñanda yakwe, nabalya bonse abashitilwe ne ndalama shakwe, aballume mukati kabantu bamuñanda yakwe Abulama ne kukopolwa utulomolomo twa mibili yabo muli kenka kalya kasuba, kwati fintu Lesa alabile kuli ye. ²⁴ Abulama ali myaka akumi asanu na ane ne myaka isanu na ine, ili asembulwilwe akalomolomo kamubili wakwe. ²⁵ Ishimeli umwana umwana wakwe ali ne myaka ikumi na itatu ili asembulwilwe akalomolomo ka mubili wakwe. ²⁶ Penka pakasuba kamo Abulama na Ishimeli umwana wakwe bonse balikopwelwe pamo. ²⁷ A bantu bonse aba muñanda yakwe bakopwelwe naye pamo, pamo fye nabalya abafyelwe muñanda yakwe, naba lya abashitilwe ne ndalama kubensu.