¹ Pano ikyalo kyonse umutundu umo ne lulimi lumo. ² Kabili abantu elyo baimine ulwendo ukufuma kukabanga balisangile ilungu mu kyalo kya Shinala no kwikala emo baikele. ³ Kabili bali labile abene na bene ati, ''Iseni, lekeni tufyatule amatafwali ne kuokya bwino.'' kabili amatafwali bali yalwile mabwe elyo amanenekela bali yalwile mulobwe. ⁴ Ba lilabile ati, ''Iseni, lekeni tusompe umushi kabili na kaposhi akatali akakufika mu makumbi, kabili lekeni tulinike ne shina fwebene. Nga tatwakite fyo tukapalangena pano pa kyalo kyonse.'' ⁵ Kabili ba Yawe balikele ati moone umushi na kamposhi ifyo ikikota kya Adama kyampanga. ⁶ Moneni, bantu bamo no mutundu umo, kabili batendeka ukukita fii! Ifyo batampa ukukita kino kintu, takwakabepo ikintu nangu kimo ikyo bakaflwa ukikita palifyo bakalanguluka yowo. ⁷ Iseni lekeni twikile panshi tulubakanye kitundu kyabo pakuti babule ukuluku lyufwa abene na bene pa kulabila.'' ⁸ Kabili ba Yawe bali bapalañgenye pa kyalo kyonse kabili balilekele no kusompa umushi. ⁹ Fyenkefyo umushi bali winikele ati Babela, umulandu ba Yawe eko ba fulungeñye umutundu ubaluku labila bonse pano pa kyalo abili no kubapalanganya pa kyalo kyonse. ¹⁰ Kino eikota kyakwa Shemi, Shemi ali ne myaka umwanda umo, elyo afyele Apakaashada nishi papita imyaka ibili ukufuma ku kwisula kwamanika. ¹¹ Shemi alikele imyaa imyanda isanu ukufuma apo afyele Apakashada. kabili alifyele na bana bambi abalalume na banakashi. ¹² Apakashada elyo ali ne myaka amakumi yatatu na tusano, alifyele Shela. ¹³ Apakashada alikele imyaka imyanda ine na tutatu (403) ukufuma apo afyalile Shela. kabili alifyele bambi abaana abalalume na banakashi. ¹⁴ Shela elyo ali ne myaka amakumi atatu, alifyele Ebelu. ¹⁵ Shela alikele imyaka imyanda ine na tutatu ukufuma elyo afyele Ebelu. kabil alifyele bambi abaana abalalume ne banakashi. ¹⁶ Ebelu elyo ali ne myaka amakumi atatu na ane, alifyele Pelega. ¹⁷ Ebelu alikele imyaka imyanda ine na makumi atatu ukufuma apo afyalile Pelega. kabili alifyele bambi abaana abalalume na banakashi. ¹⁸ Pelega elyo ali ne myaka amakumi atatu, alifyele Leu. ¹⁹ Pelega alikele imyaka imyanda ibili na isanu na tune ukkfuma apo afylile Reu. kabili alifyele abaana bambi abalalume na banakashi. ²⁰ Reu elyo ali ne myaka amakumi atatu na abili, alifyele Seluga. ²¹ Reu alikele imyaka imyanda ibili na tune na ibili ukufuma elyo afyele Seluga. Kabili alifyele na baana bambi abalalume na banakashi. ²² Seluga elyo ali ne myaka amakumi atatu, alifyele Nahola. ²³ Seluga alikele imyaka imyanda ibili ukufuma elyo afyele Nahola. kabili alifyele bambi abaana abalalum ana banakashi. ²⁴ Nahola elyo ali ne myaka amakumi abili na asanu na ane, alifyele Tela. ²⁵ Nahola alikele imyaka umwanda umo ne kumi limo na tusnu na tune (119) ukufuma apo afyalile Tela. kabili alifyele na bambi abaana abalalume na banakashi. ²⁶ Kabili Tela elyo alikele ne myaka amakumi asanu na abili, alifyele Abulama, Nahola, na Halama. ²⁷ Pano kino ekikota kya kwa Tela, Tela alifyele Abulama. Nahola, na Halama kabili Halame alifyele Lota. ²⁸ Haran alifwilile mumenso abawishi ba Tela mu kyalo umo afyalilwe mu mushi wa Ula wa beena Kalodeya. ²⁹ Abulama na Nahola balumpile abanakashi. Ishina lya ba muka Abulama bali ne ba Milika, umwana wakwa Halame uwali wishi wakwa Milika na Ishika. ³⁰ Kabili ba Sala bali ni ngumba tabakwetepo umwaana. ³¹ Tela alipichile Abulam umwana wakwe umwalalume, Lota umwana Halama, umwishikulu wakwe, Salai umulokashi wakwe, muka mwana wakwe Abulama, ne kuya nabo bonse ukufuma mu Ula mumushi wabena Kolodeya, ukuya ku kyalo kya Kenani. Pano ba lishile ku Halama nokwikala kwekako. Tela alikele imyaka (205) elyo afwile. ³² Tela alikele imyaka imyanda ibili na isano kabili elyo afwile mu kyalo kya Aloni.