¹ Penka ba Yawe kabalabila kuli Mose ati, "Pano lomba wa kubona ifi ndekita kuli Falo. Ulemona ifi,pantu ulebaleka ukuya umulandu wakukosa kwa kuboko kwangi. Pamulandu wakukosa kwakuboko kwangi, alebafumyamo muli kino kyalo." ² Kabilibaba Lesa kabalabila kuli Mose ati, Nine Yawe. ³ Nine namonekele kuli Abulamu, nakuli Isaki na Yakobi, ne Lesa wa maka onse; penka pe shina lyangi." Ilya ba Yawe, shaishibani kilwepo kulibo. ⁴ Kabili nali kalilile ukulayana kwangi nabo, ati umulandu wakubapela ikyalo kya kenani, ikyalo iki balei kalamo lukoso ubweni, Iki bali kupitang'anamo. ⁵ Nangaba ifyefyo, naumfwa ukulilishanya kwabana aba Isilaeli abo aba nonkelwe ubusha kubena Ijipiti, kabili na anuka nekalango kangi nekulayana. ⁶ Kabili nalabila kubena Isliaeli ati, 'ninemo Yawe. Nduku mifumyeni mu busha bwa bena Ijipiti, ne kumikakuleni kumakosa abo. Ne kumipulusha ukupichila mu makosa ang, i ne miketo ikulu iya kupingula. ⁷ Popele nkamipokeni ne kuba abantu bangi, kabili nkaba nine Lesa wenu. Ali mukeshiba ati ninebo Yawe Lesa wenu, uwamifumishe mubusha mu kyalo kya Ijipiti. ⁸ Popele nkami leteni ku kyalo iki nalabile ukupela Abulamu na Isaki, na Yakobi. Nkamipeleni kikobe kyenu.Nebo ninebo Yawe." ⁹ Mose ili alu kulabila kubena Isilaeli, bo tabalu ku mumfwilapo pakuti paku penshiwa ukukulu ukwa busha. ¹⁰ Popele ba Yawe kabalabila kuli Mose ati, ¹¹ "Ima kamwebe Falo, imfumu ya bena Ijipiti, leke abena Isilaeli bafume mu kyalo kyakwe. ¹² Mose kalabila kuli ba Yawe ati, kani aba bena Isilaeli teti bangufwile nemo,mba Falo kochi angufwa nemo ne nshishilepo ukulabila bwino?" ¹³ Ba Yawe kabalabila kuli Moses na Aloni. Ali bapele umulaye uwa bena Isilaeli ne wakwa Falo, imfumu yabena Ijipti ukuba bwesha abena Isilaeli ukufuma mu kyalo kya Ijipiti. ¹⁴ Popele aba ebakulu bamu fifyashi fyaba wishibo:abana bakwa lubeni, umubeli wakwe Isalaili, bali Anoki, pelu, Eshiloni, na Kemi. Aba ebali kakolwe ka kifyashi kyakwa Lubeni. ¹⁵ Abana bakwe shimyoni bali ni Yemweli, Yamini, Owad, Yakini, Soyali na Shauli umwana wa mwanakshi umwina Kenani. Aba ekyali kakolwe ka kifyashi kya kwe Shimyoni. ¹⁶ Kabili aya emashina abana bakwa Lefi, ne fikolwe fyabo. Bali ni Geshomu, Koyati, na Melali. Lefi alikele ukufika ne mpindi iya fikishe imyaka umwanda umo ne makumi atatu ne myaka isanu nai bili. ¹⁷ Kabili abana bakwa Geshomu, ni Libina na Shimeo, ku fikoto fyabo. ¹⁸ Kabili abana bakwa Koyati niba Amulamu, Yisakali, Ebuloni, na Yusheli. Koyati alikele imyaka umwanda umo ne makumi atatu na tutatu. ¹⁹ Kabili abana bakwa Malali bali ni Maili na Musi. Aba ebaishile mukuba kakolw neki fyashi kyabena Lefi, pamo ne kifyashi kyabo. ²⁰ Popele Amulamu alyupile Yokebedi, inkashi yaba wishi. Kafyalilamo ne bana Aloni na Mose. Amulamu alikele imyaka umwanda umo ne makumi atatu ne myaka ISanu naibili nekufwa. ²¹ Kabili abana bakwe Isakale bali Kola, Nefili, na Sikili. ²² Kabili abana bakwe Yusheli bali ni Misheli, Elesefani, ne Sitili. ²³ Popele Aloni alyupile Elisheb umwana umwanakshi wakwe Aminadaba inkashi yakwe Nashoni. Ali mufyalile abana Nadabi,, Abiyu na Eleasa na Itamali. ²⁴ Popela abana bakwa Kola bali, ni Asi na Elekana, na Abiyasafi. Aba ebali kakolwe ne kifyashi kya bena Kola. ²⁵ Popele Eleasa, umwana wakwa Aoli, alyupile umwana wakwa Puteli umwanakashi. Alimufyalilemo umwana we shina lya Finakashi. Aba ebalibakulu baba wishibo abena Lefi, ukulingana na kakolwe. ²⁶ Aba abantu babili Aloni na Mose emo balabilile ba Yawe ukuba beswesha abena Isilaeli ukubafumya mu kyalo kya Ijipiti, ukupichila mu mabumba abo ankondo. ²⁷ Aloni na Mose kabalabila na Falo, imfumu yabena Ijipiti , pa mulandu waku basuminisha abena Isilaeli ukufuma mu Ijipiti.Abo ebopele ba Mose na Aloni. ²⁸ Popele apo ba Yawe balilabile kuli Mose mukyalo kya ijipita, ²⁹ kalibila kuli ye ati, "Nebo nine Yawe. Labila kuli Falo. mfumu yabena Ijipiti, fyonse ifi ndekweba." ³⁰ Lomba Mose kalabila kuli ba Yawe ati, "Nebo nsshibilepo ukulabila bwino, mba Falo kochi aumfwashani kuli nebo?"