¹ Penka ba Yawe kabalabila kuli Mose. ² Pa kasuba akakutanga mu mwenshi wakutaanga uwa bukumo mukanshike umulenda ne tente lyaku kukumaninamo. ³ Muka bikemo imbokoshi ya kumboni mukachi, kabili mukaifimbe mbkoshi ne mapembe. ⁴ Mukengishemo ne tebulu neku fyashika finti umufyelelwe ukwashikwa kwafyo. Popele mukaletepo nekya kutulupo inyali ne kwashe nyali. ⁵ Mukabikemo ne fyakufwitumwinamo ifya golide patanshi ya mbokoshiya kushimika, kabili mukabike ne nsalu ya ku fimba pa mulyango wa mulenda. ⁶ Ukubikamo ne kyonto kyakokelapo ifya mu mulambo ya kyoka pantanshi ya mulyango wa mulenda, itente lya kukumaninamo. ⁷ Ukabikemo ne ka beseni akakulu pakachi ke tente lya kukummaninamo ne kyonto kabili mukabikemo ne menshi. ⁸ Mukasope ne kipango uku kishokolosha, kabili mukakabike peulu ya nsalu pa mulyango wa kipango. ⁹ Mu kapite na mafuta akusuba ne kusuba umulenda na fyonse ifilimo. Muka fyashike anshika na fyonse. Ifyaku boneka bwino kuli nebo; Eli kikalikuba kya mushilo. ¹⁰ Mukasube ne kyonto kya kokelapo imilambo na fyonse ifya ku bomfya fyakiko. Mukanshikelino ikyonto kuli nebo kabili kikali kuli kya mushilo uukulu. ¹¹ Kuli nebo mukasubeko amafuta kwi beseni ne kitako neku tula kuli nebo. ¹² Ukamulete Aloni na bana bakwe abalalume pa mulyango we tente lyaku kumaninamo kabili ukabasafye ne menshi. ¹³ Ukamufwike Aloni ne munkukumba uyo uwa uwatula kuli nebo, ukamusube amafuta ne kumuteyanya achi akali ku mpyungila koti waku tulishya. ¹⁴ Ukalete na bana bakwe ne kubafwika ama kochi. ¹⁵ Ukabasuke koti finta wasubile wishibo ati bakali ku mpyungila koti bakutulisha. Ukusubwa kwabo kwakulenga ukuba aba kutulisha ukutwalilila muku tulishisha kwabo monse mu mufikota fya bantu babo. ¹⁶ Ifi efyo Mose akichile; kaakoka fyonse ba Yawe ba mukabile ukukita. Kaakita ifi fyonse ifintu. ¹⁷ Penka ne mbokoshi kabayashika penka pa bushiku bwa kutanga mu mwenshi wa kutanga mu mwenshi wa bubili. ¹⁸ Mose kaashiko imbokoshi, ne kubika ikitako apa kwikala, kaa emika ama fulemu akyo, ne kubikako imyamba, ne kwimika mbango ne mpanda. ¹⁹ Kaatanda bika ifyaku fimbambako ku mulenda ne kubikako itente peulu. Koti nififyo ba Yawe ba mubulile. ²⁰ Kapinta ne mabwe ukulyana ne ku abika mu mbokoshi. Kabili kaabikapo ne milando pa mbokoshi ne kubikapo peulu tampa waku fuchilako imilandu. ²¹ Kaalete mbokoshi me mulenda. Kaabikako ne nsalu shakufise mbokoshi ya kushimika, koti fintu ba Yawe bamubulile ye. ²² Kaatulamo ne tebulu mwi tente lya kukumaninamo, ku mbokoshi lubali ulwa mulenda, pesonde insalu. ²³ Kaatula ba shinkwa mundonda pe tebulu ku menso aba Yawe, kochi fintu ba Yawe ba mubulile. ²⁴ Kabilamo ne fya kutulapo inyali mwi tente lyaku kumaninamo , ukukimbika ukufuma kwi tebulu, kubali lwa ku mbonshi lwe semwa. ²⁵ Alyashishe nyali pa menso aba Yawe, koti nififyo ba Yawe ba mubulile. ²⁶ Alibikilemo ne kyonto kye golide mwi tente lyaku bunganinamo kuntanshi ya kipembe. ²⁷ Alyokelemo libona uwa finukile bwino, koti finti ba Yawe bamu bulile. ²⁸ Alikobekele kipembe pa mulyango we semwa, ²⁹ Alitulile ikyonto kya kokelapo ifya milambo pa mulyango we semwa, itente lya kubunganinamo. Ali poselepo umulambu wa kokya ne mulambu wa bunga, koti nififyo ba Yawe ba mubulile. ³⁰ Alitulile ne beseni pakachi ke tente lya kubunganinamo ne kyonto, ne kubikamo a menshi akusamba. ³¹ Mose, Aloni, ne bana bakwe abalalume kabasamba ku maboko na kumolu mwi beseni. ³² Ilyo lyonse balikuya mwi tente lyaku bunganinamo neli ili balikuya ku kyonto. Kabasamba abene, kofi nifyo pele Mose ba mubulile ba Yawe. ³³ Mose kasompe kipango ukushokolosha isemwa ne kyonto. Kakobeka ne kipembe pa mulyango wa kipango. Muli fifi Mose kapwisha ne milimo. ³⁴ Popele ne kumbi kali kupika pe tente lya ku bunganinamo, ne buleme bwa ba Yawe bwaliswile semwa. ³⁵ Mose talipo ne kwingila mwitente lya ku kumaninamo pakuchi ikumbi lyali kelepo, kabili pakuchi ubuleme bwa ba Yawe bwaliswile isemwa. ³⁶ Ili lyonse kumbi bali fumyapo peulu lye semwa, abantu ba mu Isilaeli katendekako ulwendo lwabo. ³⁷ Lomba kani kumbi talimine peulu ukufuma pe semwa, ne bantu kakupo ukwenda. Balikeikele ukufika ne kasuba kakulimya peulu. ³⁸ Pakuchi ikumbi lys ba Yawe lyali pe semwa ya kasuba, kabili ne mulilo wabo walikuba peulu ubushilu, pa menso a bonse abo mu Isilaeli mu lwendo lwabo lonse.