¹ Uka mwite wenka Aloni umukwanu ne bana bakwe abalalume - Nadaba, Abiu, Eleaza, na Itanali ukufuma mulenka muba mu Isilaeli at bakali ku mbombela koti ba papatishi. ² Ukampangile Aloni umukwanu, ikyakufwala ikyo iki tulilwe kuli nebo. Ifi ifyakufwala fikaba fyabuleme kabilimifiweme. ³ Ukalabile kubantu bonse abo aba mitima sha milangwe, aba aba ngiswishe ne mupashi wa milangwe, ukweba ati benga pange kya ku fwala kya kwa Aloni ukumutula pakabeya muku mpyungila nebo koti mu papatishi. ⁴ Ikyakufwala ikyo iki kaba ikya kubika pa nchibi, na efodi, ne munkukumba, ikoti ne laya lya kupanga ne kiseba, ne nsalu ya pamutwi, ne mushipi. Ba kapange ifya kufwala ne kufikalika limo kuli nebo, fikali kuli fyakwa Aloni umukwanu ne bana bakwe at bali ku mpyungila mubu papatishi. ⁵ Basendwe baka bofye nsalu inakile iya golide, iya makumbi, ikashiklie, neikashiklie kee. ⁶ Ba kapange epodi uwa golide, lya makumbi kumbi, ikashikile, nei kashikile kee ne insalu iya pyata iinakile iya lineni. Ikabe iya kwa mfunjishi uwishibishe. ⁷ Ikali kuli ne fyapa fipeya fibiliifi lundakene nafifyo fibili fya pa mapeya peulu. Nemushipi wakwe uli koti ne epodi uwa nsalu inakile iyaku pyata; ipangiwe ne lubali lumo na epodi, ⁸ upangilwe ne nsalu ya kupyata iya lineni iya golide, iya makumbi, ikashikile, ne ikashikile kee. ⁹ Ukatole ne mabwe abili aa esyo yami ne kilemba pa mashina abana abalalume bakwa Isilaeli. ¹⁰ Amashina asanu na kamo akabe pe bwe limo, nambi asanu nalimo pebwe limbi, mwenika bakonka nine ukufyalwa kwa bana. ¹¹ Kumilmo yawa kwasa pa mabwe, koti kulembwa pa kishikilo, mukabase amabwe abili ne mashina abana balalume abakwa Isilaeli. Mukemike a mabwe mu kwashika kwa golide. ¹² Ukatule amabwe abili pa fyapa mapeya akwa epodi ukuba mabwe akwanushako abana Yawe wa Isilaeli. Aloni akapinta amashina aba pa mapeya akwe abili koti kya kwanukilako kuli ye. ¹³ Ukali kwanshika koti fya golide ¹⁴ ne minyololo shibili isha golide ishi weme koti myanda, kabili ukalunda kanye minyololo kuli fifyo mwaanshikile. ¹⁵ Ukapange ikya pa nchibi ikyo kupangilapo ama langulushi, imilimo yakwa mfundi uwishibile umu musango wa epodi. Mu kipange na golide, ama kumbi kumbi,ikashikale, ne butonge ubukashikile kee, na lineni inakile. ¹⁶ Kalikube yesakene monse, uka futule libili ikya pa chibi ikali kuli ikipanta kimo ubwipi ne kipanta kimo mubutali. ¹⁷ Ika fitule mu milonga ya mabwe abuleme ine, umulongo wa kutanga akali na lubi, topazi na ganeti. ¹⁸ Umulongo wa bubili akabe wa emalodi, safile, na dayimondi. ¹⁹ Ubulongo wabutatu ukabe na jaineti, agale na amtesiti. ²⁰ Umulongo wa bune akali kuli na belya, na onyikis na jasipa, bakafimike mukwanshiwa kwa golide. ²¹ Amabwe baka pange mu mashina abana ba Isilaeli. Akali kuli koti kabasa kwa kya pali lingi wa kwishibilako ishina lonse likali kwimakaninako umukoka umo uwa mube kumi na ibili. ²² Ukapangilepo pa kyapa nchibi iminyololo koti myanda iya kupangwa ku milimo ya golide iiswetelele. ²³ Ukapange ama lingi a golide abili aa kya pa nchibi ne ku alunda konse kubili kumpelo ya kyapa chibi. ²⁴ Uka lundike iminyololo shibili sha golide kuma kona abili aa kya pa nchibi. ²⁵ Ukalundike na fimbi ifya kumpela ya minyololo sha ku pyata kuli fibishi ifi ba teyanya. Penka uka lundike nefya pa mapeya akwa epodi pantanshi. ²⁶ Uka pange ama lingi a golide abili , uka abike pa ma kona ambi abili apo kya panchibi, kumbelo wa kumpelo ukukonka pa kamukachi ka kumupaka. ²⁷ Muka pangilepo malingi ambi a a golide, kabili akalundwe kunshi ya fya fibili ifya pa mapeya pantanshi ya epodi, kiipi na pupelo peulu ya munshipi wakupikula bwino ulwa kwa epodi. ²⁸ Mukakile ikya pantibi kuma lingi akikao na kuma lingi a epodi na kamwando ka makumbi kumbi, ati kaka lundikane panini peuli ya mushipi waku pyata uwa epodi. ²⁹ Ili Aloni akengila mu mpushe ishilile ali kupinta amashina abana bakwa Isilaeli peulu ya mutina wakwe mu kyapa ntibi ya katumba kaku patwilamo imilandu koti kyaku twalilila kwanukilano ba Yawe. ³⁰ Ukabike ulimi na tenimi pakya ntibi kyaku kkeselano imilandu, ati fikali kuli peulu ya mutima wakwa Aloni ili akali kwingila mukachi ku menso aba Yawe. ³¹ Ukapange iminkukumba wakwa epodi kinsalu iipwililikile iifutuluka kati likumbi. ³² Ikabe ne linso pakachi umwa kwingisha mutwi. Ilinso likabe ne mukombelo waku pyata ushokolokele ukweba ati twitabukilepo. Iyi kali kuli milimo yangi mupikula. ³³ Kwishi yako, ukapangileko ama pomegalanti ama kumbi, iikashilukile yonse ukushokolosha na mabelu a golide akabe pakachi kao ukushokolosha. ³⁴ Pakabe belu wa golide na pompyalanti, belu wa golide na pomegalanti - na fyenkefyo _ ponse ukushokolosha kumpelo ya mu nkukumba. ³⁵ Umu nkukumba ukali kufwala Aloni ali kubomba, ukweba ati kikali kumfwanika ili akengila mulya umwa mushilo kuli ba Yawe napa kufuma , ifi kili ati tafwile. ³⁶ Ukapange nsani ya golide iiweme ne kulembapo, kotimalembo apa kyabubwenako, " umushilo kuli ba Yawe. ³⁷ Ukalunde iki kyalulembapo ne mwando wama kumbi kumbi kuntashi ya kyapa mutwi. ³⁸ Kikali kuli pa mpumi ya kwa Aloni; akali kupinta pa mpindi yonse uku bifya uko uku kali kuba kumilambo sha mushilo isho aba Isilaeli lkali kutila kuli ba Yawe. Kikali kuli pakilingi kyakwe lyonse koti kyaku pokelela kuli ba Yawe. ³⁹ Ukapange kochi ku nsalu iinakile, kabili uka pange ikyapa mutwi ne nsalu iinakile. Ukapange ne mushipi, imilimo ya mutungishi. ⁴⁰ Kubana balalume bakwa Aloni ukapange ama kochi, imishipi, ne fyapa mitwi ifya buleme bwabo ne bulembe. ⁴¹ Ukamufwike Aloni umukwanu, ne bana bakwe abalalume naye. Ukabasube ne mafuta, ne kubasuminisha, ne kubalekanya kuli nebo, ukwebati bakali kumpyungila koti ba papatishi. ⁴² Ukaba pangile utwa mukachi utwa kufise minefu sha fya nsoni fyabo, ifikali kuba fimba ukufuma kulubunda ukufika kufiiso. ⁴³ Aloni nebana bakwe abalalume bakali kufwala ifi ifya kufwala pa kwingila mu tente iya kukumaninamo nangaba ili ba palama ku kyonto pa kupyunga mu nkende ya mushilo. Bakalikukita fi ukweba at taba sangilwe ne milandu kani yowo bakafwa. Uyu mushilo wakwa Aloni neki fyashi kya kwe panuma yakwe ifikalikilwe nshiku shonse.