¹ Ba Lesa balibalile ifyebo fyonse fino: ² "Ninemo ba Yawe ba Lesa benu, uwa mifumshile mu mushi wa Ijipita, kufuma mung'anda ya busha. ³ Tamufwile uku kwata tuba lesa tumbi bali nemo. ⁴ Tamufwile uku lipangila ifya kubusa mu kulipashanya no kuli kyonse kili mwiulu nangu panshi ya kyalo, nangu ikili mu menshi ⁵ panshi.Tamufwile ukufukama panshi mukuba popwela, pakuti nemo, ba Yawe ba Lesa, aba bukwa. Ndabakanda abashakulu pa kubifya kwabo pa kuleta uku kandwa pa ba konkapo, mukikota ku kya butatu ne kyabune kya balya aba pachile. ⁶ Lomba ndalanga butemenwe uwa muyayaya ku kitota kya balya aba temenwe ne kulama mikambisho yangi. ⁷ Tamulingile ukupinta ishina lya ba Yawe ba Lesa wenu, mu kafye ne, pakuchi shaka bulepo uku sanga kwakubula umulandu uli onse upinta ishina lyangi mukafye. ⁸ Kamuba aba kufuluka ubushiku wa Sabbata, ku lyabanyako no kuli bika lyangi. ⁹ Mufwile mwa bomba kabili no kukita imilimo shenu shonse mu shiku shisanu na kamo. ¹⁰ Lomba akasuba ka kisanu na tubili ka Sabbata ya Ba Yawe ba Lesa wenu. Bushiku walyo tamulingile ukwikatamo ili yonse, mwebo nangu umwana wenu umwanalume, nangu umwana wenu umwanakashi, nangu umubofi wenu umwanalume nagu umwanakashi, nangu ifi tekwa fyenu, nangu mwisa uli mu mushi wenu. ¹¹ Pakuchi mu shiku shisanu na kamo ba Yawe bali lengele iulu ne sonde, ne nika, kabili na fyonse filimo, kutusha pa kasuba pa kisanu natu bili. Pakuchi ba Yawe pal;ipalile kasuba ka Sabbata no kuba nyaka. ¹² Kinjika ba bwiso na ba noko, pakuchi wikale ishiku ishingi mu mushili ba Yawe ba Lesa abe balekupela. ¹³ Te kwesha ukwi paya uli onse. ¹⁴ Te kwesha ukukita ubu chende. ^{15 17} Te kwesha ukwiba kuli onse. Te kwesha ukuba bakamoni aba bufi kwima kenaubyo. ¹⁶ Te kwesha ukupoka ing'anda ya mubyo nangu ukupoka umukashi wa mubyo umu bofi wakwe umwanalume, umubofi wakwe uwanakashi, ing'ombe yakwe, kafelo wakwe nangu ikili kyonse ikwa mu byobe. ¹⁸ Abantu bonse balimwene ikilulumo kabili no kubashya, kabili ne kuntwa ikilimao ikya lusengo, kabili bali mwene ne mpili ufutumuko bwishi. Abantu ifyo bamwene , bali kukile ne kwimakana kutali. ¹⁹ Bali labile kuli Mose, "Labila kuli fwebo, kabili twa kunfwa; lomba wileka ba Lesa balabile kuli fwebo, nga yowe iwa kufwa. ²⁰ " Mose alabile ku bantu, "mwiba aba mwenso, pakuchi ba Lesa baisa muku myesheni pakuchi umunema wabo ube muli mwebo, kabile pakuchi mubule ukukita ububi," ²¹ Pakuchi abantu bali makene kutali, kabili Mose alile uktela mupepi ne kikulu ikichi kime kinfinfi umwali ba Lesa. ²² Ba Yawe balilabile kuli Mose, " Ifi efyo uye webe abena Isilaeli: ' Mwebo mwebene mwamona kweba ati nalabila na mwebo kufuma kwi ulu. ²³ Tamwaipangile mwebene tu ba lesa tumbi kuba nanemo, tuba lesa utwa siliva nang tuba lesa utwa golide. ²⁴ Mu fwilinge uku panga ikyota kyangi ikwa panshi, kabili mufwile uku tapishapo ifya bupe ifya kokya, ifya bupe fy mukwisa pamo,imbelele ne ng'ombe. Mu nkende yonse eyo nalenge kweba ati ishina lyangi lilemye, nkens kuli mwebo kabili ne kumi paleni. ²⁵ Unfwa mwampangile kyota kya mabwe, mwikapanga na mabwe aya kuputulwa, pakuchi ifyo mwa bofya ifyela fyenu, ekweba ati mwaki shikula. ²⁶ Te kwesha kuya pa kyota kyangi ne kumolu, pakuchi umulekese wenu ta uwuletelwe apatubile."