¹ Ba Yawe kabalabila kuli Mose na Aloni mukyalo kya Ijipiti. ² Kabalabila, ''Pakuti kuli mwebo, uno mwenshi wa kuba mwenshi wakutachika, umwenshi wakutanga mu mwaka kuli mwe. ³ Babuleni aba Isuleli, 'Ba bungane pano pakasuba ke kumi uno mwenshi umuntu onse apinto mwana wa mbelele nangaba imbushi inini iyabo abene, ikifyanshi kyonse kingalikukite fi, umwana wambelele pañanda. ⁴ Kani iyo iñanda ikepele ku mwana wa mbelele, uyo muntu neba apalamine nabo benga pinte mbelele neli ninama ya mbushi iyo iyenga fikilamo ukukumana bonse abantu. Ingaba iingi kumuntu onse ukulya, ati benga pinte nama yakulya abantu bonse. ⁵ Imbelele neli nimbushi inini taili ili ne bulema, iilume iili ne mwaka umo. Kuti mwa pintapo pa mbelele nangu ni pa mbushi imo. ⁶ Mukaisunge ukufika pa bushiku bwe kumi nenshiku shine isha uyo mwenshi. Popele lyonse bumba lya ba Isuleli lyakumene bengepaye shi nama pa kyungulo bushiku. ⁷ Mukapintepo imilopa shimo nekushisuba peulu yakibi kya ñanda umo mukali kulile nama. ⁸ Mukalikulye nama bulya bushiku, pakupwisho kokye ya kutatwilapo pamulilo. Mukalye na bashikwa abakubule mbisho, nefilulile. ⁹ Tekwesho kulye ibisho neli kuteka mu menshi. ¹⁰ Lomba, muka yanike ku mulilo nemutwi waiko, amolu ne fyamukachi. Tekushapo fimo ukufina kumakya mukolye: fyonse ifika shalapo kumakya. ¹¹ Shipishenu, ne makwabilo ku molu, enu ne mukombo mu mukuboko. Kobe mukailye wangufya. Uku kwabuka kwaba Yawe. ¹² Ba Yawe kabalabile fi: Nkapitañgana monse mukyalo kya Ijipiti bulya bushiku nekwipaya bonse ababele babantu ne nama mukyalo kya Ijipita. Nkaleto kupensha kwa ba Lesa bonse abali mu Ijipiti. Ene Yawe. ¹³ Imilopa shikaba keshibilo pa mañanda enu. pakwisa kwangi uko kwenu. Ili nkabone milopa, nkamipitaila mwebo ili ntatulo buleme ikyalo kya Ijipiti. Uyu mwalo taukesapo kuli mwebo neku myonaula. ¹⁴ Aka kasuba kakesa kuba kasuba ka kwanuka kwenu, mwebo Aka mukali kukatalila nekulya kuli Yawe; nakufifyashi fyenu - ikya kwibaka iki mukali kusunga koti kya kusekelela. ¹⁵ Mukali kulya bashikwa bakubulo mbisho impindi ya nshiku shi sanu na shi bili. Akasuba ka kutanga mukali kufumye mbisho mu ma ñanda enu. Uyo onse ukali kulya bashikwa bali ne mbisho ukutatula pa kasuba ka kutanga ukufika naku bushiku bwa busanu na bubili, uyo muntu mukamufumyeko kuba Isuleli. ¹⁶ Pakasuba kakutanga pakaba ukulongana uko ukwa anshikwa ukufa kuli nemo, naba kasuba ka busanu na shibili kukaba kubungana. Kumbi ukwa fyenka filya takukabapo ubombe milimo palishishi nshiku, sombi ukuteka kwa muntu onse ukulya. Isho emilimo so ishi mukali ku bomba mwebo. ¹⁷ Mukali kwanuka ne kulya bashikwa ba kubulo mbisho pakuchi pali kaka kasuba epo na namiletele ukwabana ukufuma mukyalo kya Ijipiti. Mukali kwanuka aka kasuba ukupita monse mu bantu ba fisolo fyenu koti kimikwa kya myaka. ¹⁸ Mukali kulya bashikwa bakubulo mbisho utatula pa kyungulo bushiku ubwa nshiku ikumi na shine mu menshi wa kutanga kwa mwaka ukufika naku kingulo bushiku ubwa nshiku amakumi abili nebushiku bumo ubwa mwenshi. ¹⁹ Muli shishi nshiku shisanu na shibili, imbisa tashi kasanganwapo mu ma ñanda enu. Uyo onse ukali kulya ba shikwa abali ne mbisho ali ne kufumishiwapo mukimasamasa kya Isuleli, nangaba uyo muntu mwenshi neli ni uyo uufyalilwe mukyalo kyenu. ²⁰ Mwekalya ikintu kyonse ikili ne mbisho. Konse uku mukali kwikala, kamulya abapangilwe ukwa kubulo mbisho.''' ²¹ Popele Mose kaba kolonganika bonse abakulu bamu Isuleli nakulabila kulibo, ''Kamuya musale imbelele neli twana uto utukafulo kulisha ififyashi fyenu nekwipaye mbelele ya kupitaila. ²² Mutalole ne mupo wa isopi neku tumpa mu milopa iso ishikaba pa kibakuli. Mukasube imilopa shapakibakuli peulu ya kibi napa fibamba fibili. Neli umo uwa muli mwebo ukufuma mukibi kya ñandda yakwe ukufika na kumakya. ²³ Pakuchi ba Yawe bakapitamo mukwipaya abena Ijipiti. Ili bakabone milopa peulu ya kibii napa fibamba fibili, ba kapitaila pakibi kyenu nekwitabisho wa konaula ukwingila muñanda yenu nekumipaya yowo. ²⁴ Mukali kukitefi mukwanuka. Uyu ukali kuli mushilo kuli mwense nebana benu. ²⁵ Ili mukengilo mukyalo kilya ba Yawe bakamipela mwebo, koti nifyenka bamilayile ukukita, muli kwanuko uyu musango wakutota. ²⁶ Ili bakamipusha bana benu, 'Ngoyu musango wakutota ukolondolole ndo?' ²⁷ kabili mukalabile, 'uku kuli pana kwa ba Yawe ukwa kupitaila, ama ñanda abena Isuleli' mu Ijipiti ili alukukite abantu ba mu Ijipiti. Katukakuluila ama ñanda esu.''' Kabili abantu kabafukama panshi ne kutota ba Yawe. ²⁸ Aba Isuleli balile nekukita mwenka ba Yawe ba babulile ba Mose na Aloni. ²⁹ Kyali kichikile pakachi ka bushiku ili ba Yawe ba tulile ubulemo bonse ababebele mukyalo kya Ijipiti, ukutatwila ku mubele wakwa Felo, uyo uwaikele petebe lyakwe ilya bufumu, naku mubele wa uyo uli mu kifungo na bonse ababeli ba shonse nama. ³⁰ Felo kabuko bushiku - ye, nabonse aba milimo bakwe, nabonse abena Ijipiti. Mwali imisowe shikulu mu Ijipiti, pakuchi tamwalipo iñanda umutamwalipo uwa fwile. ³¹ Felo kabeta ba Mose na Aloni ubushiku nekulabila, ''Bukeni, fumeni mu bantu bangi, mwebo ne bena Isuleli. ³² Kamuya, katoteni ba Yawe, koti fyenka mwalabila ati muli kufwayo kukita. Pinteni mbelele shenu ne ñgombe, koti fintu mwalabila, nekuya, kabili unshukishe.'' ³³ Abena Ijipiti bali pubawishe ukwakuchi ukubatamfya ukufuma mukyalo, pakuchi kabalabila, ''Bonse twakufwa.'' ³⁴ Popele abantu kabatola mifuba shabo ukwakubulo kubikamo imbisho. Ne nongo shaku bumbilamo shalikakilwe mu nsalu shabo na pa mapeya abo. ³⁵ Penka abantu ba mu Isuleli balikichile ifi Mose. Ababulile ukukita kabepusha abena Ijipiti pa fintu fya siliva, ifintu fya golide, ne fyakufwala. ³⁶ Ba Yawe kabalenga aba Ijipita ukufwaisha ukubasekesha abena Isuleli. Penka abena Ijipita kababapela bo fyonse ifi babalombele, Muli iyi nshila, aba Isuleli kaba sompaula fintu fyabo. ³⁷ Aba Isuleli bali palwendo ukufuma ku Lamesis ukufika ku Sikoti. Bali koti 600,000 abalalume pa makasa, ukulundapo kubanakashi ne bana. ³⁸ Ukubasankanya ne mabumba nao alile nabo, pamo ne mbelele ne ñgombe, nempendwa likulu iya nama. ³⁹ Kabapanga bashikwa abakubule mbisho mumufuba uyu bafumishe mu Ijipiti. Yali yakubule mbisho pakuti bali ifumishe mu Ijipiti yali iya kubule mbisho pakuchi kaifuma mu Ijipiti kabili tekukokolo ku teyanya kalyo. ⁴⁰ Aba Isuleli balikele mu Ijipiti imyaka 430. ⁴¹ Pakupwe myaka 430, pali kenka kalya kasubakasuba bonse aba nkondo amabumba kabafuma mukyalo kya Ijipiti. ⁴² Ubu bwali bushiku bwakulola, ubo ba Yawe ukubaleta bo ukufumya mukyalo kya Ijipiti. Bwali bushiku bwa ba Yawe ubwa kubakenketa kuli bonse abena Isuleli ukupita mukachi ka bantu ba fikota. ⁴³ Ba Yawe kabalabila kuli Mose na Aloni, ''Uyu mushilo wa kupita: Takuli mwina fyalo uwa kulya nenu pamo. ⁴⁴ Lomba, onse umusha wa mwina Isuleli, uwashichilwe ne ndalama, enga lya pana mwa mukopola ye. ⁴⁵ Abena fyalo ne bakuteula abasha tekulyako akalyo akali konse. ⁴⁶ Akalyo bakakalile muñanda imo. Tekwesho kupintapo inama ukufuma muñanda, kabili mwekamokola po ifupa ili li lyonse. ⁴⁷ Kyonse kimasamasa kya ba Isuleli bakalyeko. ⁴⁸ Kani umwina fyalo alekala nenu kabili ali kufwayo kulyako akalyo kakupitaila kuli ba Yawe, bonse abalongo bakwe abalalume baka kopolwe. Eli bengesa kulyako. Akuba koti muntu wafyalilwe mukyalo. Lomba, takuli po uwakubulo kukopolwa uwenga lyako akalyo akali konse. ⁴⁹ Uyo umushilo umo ukakitwa kuli bonse umwina fyalo na uyo mwikala nakwe.'' ⁵⁰ Na bonse abena Isuleli kabakita mwenka ba Yawe ba babulile ba Mose na Aloni. ⁵¹ Kakafika koti ni kenka kalya kasuba ili ba Yawe letele Isuleli ukufuma mukyalo kya Ijipiti ne bumba lta bashilika.