¹ Kumukulu umutemwikwa wakwa Ngeusa, uyu ntemenwe muli bukine. ² Mwebatemwikwa, itembelo lyangi lyakwebati ifintu fyonse fikomyendela bwino, kabili nekubona ati limbi mwaba abatuntulu. ³ Pano nji usangalele, ukwakuti ili abakwasu baishile mukufukamina bumboni bwabukine bwenu, ili mulukweda muli bukine. ⁴ Nshinge kalapo nekusangalala ukukulu ukukila pali luno, pakumfwa ati abana bangi baleenda muli bukine. ⁵ Mweba batemwikwa, mulukukita ifya bukine ili mulepyungila abalongo nabeni. ⁶ Abo abafyelwe nabumboni bwakutemwa kwenu, pameenso ekelesha, mulukukita bwino ili mulebatuma mulwendo lwabo, mumano ayo alingilwe bu Lesa. ⁷ Pantu kyali kya pamulandu weshina, ekyalengele ukuya ukwa kubula ukupintapo nelikimo ukufuma kuba Njentile. ⁸ Nangaba nifyifyo, fwebo tulilingile ukupokelela koti nififi pakwebati tukabe mumulimo umo nabo muli bukine. ⁹ Nali lembele ifintu kwikelesha, Diotelefwadhi uyo watemenwe ukuba waakutampilapo pali bonse, tatupokelelapo yowo. ¹⁰ Pano ngankese nkesha ukufwailisha bwino imibele iyo alepanga, lyo kutufwitikisha namashiwi anakile abufi akubula ukutondwa. Kabili tali kwenka ukukana ukupokelela abakwabo umwine, alakanya nababo abafwaya ukubapokelelabo nekubatamfya, ne kubafumyamo mwikelesha. ¹¹ Mwebatemwikwa tekwesha ukukopela ifibipile. kani ifiweme, uyo ukita ifiweme ewaba Lesa, imbifi tashi bwenepo ba Lesa. ¹² Ndumptulusa alipokele bumboni ubuweme ukufuma kuli onse, nabukine ubwine. Kabili nalelo kiki pela bumboni bwakwe, mulishi ati bumboni bwesu bwakine? ¹³ Nali nefintu ifingi ifyakumilembeleni mwebo, pano nshilefwaya ukumilebeleni, kukale mbesho ka inki. ¹⁴ Pano naketekele uku baboneni bukumo kabili tukambala impumi ne mpumi. ¹⁵ Imtende ibe namwebo, kabili abanangi bamipasha, posheni aba nesu uko, mwishina lyaba Yesu.