¹ Popele, ili twali tekuchi tubene fi, katulanguluka ati kyali weme ukushala kunuma pa Atenai bushimwa. ² Twali mutumine Timote, umukwasu nemo tubelele mu mulimo wa ba lesa mu kyebo kya ba Kilishitu, nekukosesha neku mitekenesha mwebo koti nimukusumina kwenu, fimo ifikindene nefya kakale abakiliki ifya mumalembo kafi pendwa, katutuma Timote, umuukwasu ne mubomfi wamu kyebo kyaba Kilishitu. ³ Ukweba ati tapalipo neli umo uwa kusunkanishiwa pali kuku ukupenga. Pakuchi mwebo mwenka mulishi ati pali fifi tusobwelepo. ⁴ Kyakine, ili twali namwe, katumibulila limo ati tulikuya mupenga ifyakukatasha, kabili kafikitika koti nififyo, fyenka mwishi. ⁵ Pakuchi pali fifi, ili tekuchi ngikalilile muli fifi, nalitumine ukwebati nengeshibba pa kuketekela kwenu. Lomba uwakwesha ali mumpindi imo kamyesha mwebo, le milimo Yesu yali ya lukoso. ⁶ Lomba Timote kaisa kuli fwebo ukufuma kuli mwe nekutuletela mashiwi amashiwi aaweme akuketekela kwenu ne kutemwa. kaatubula ati mwali kwikalilila ne kwanuko kuweme pali fwebo, ati mwali kokwele ukutumona fwebo koti ni fifyo twakokwele ukumimona mwebo. ⁷ Pakuchi pali fifi, mwebakwasu, ka mututekenesha mwebo pamulandu wa kuketekela kwenu, muli fyonse ifyakukatasha nefya kupenshi wa kwesu. ⁸ Pakuchi pano tuli kwikala, kani mulimakene kamukosele muli baShikulu. ⁹ Mba ninsa kutota twengapela ba Lesa pali mwebo, pakusekela konse ukutwali nako kuli ba Lesa wesu pali mwebo? ¹⁰ Ubushiku ne kasuba tulatembela makosa ukwebati twenga bone kilungi kyenu nakumibwena ifyo ifi likufwikwa mukuketekela kwenu. ¹¹ Ba Lesa wesu na ba Tata abene bangi, naba Shikulu ba Yesu, benga tangilile nshila yesu iya kuli mwebo. ¹² Ba Shikulu benga lenga kufusha kwenu ne kukwatwa mukutemwa umo ne mubyakwe ne kutwala kubantu bonse koti nifyopele tumikichila mwebo. ¹³ Bengakosha mitima shenu ukwebati tabalipo ne ka kuba fwisha ne milandu mu kushila pali ba Lesa wesu na ba Tata pakwisa kwa ba Shikulu yesu wesu ne bantu babo bonse aba mushilo.