13 ¹ Hang isa katika, hang ungkup Antiokhia, bakumpul kawan nabi andri kawan guru, hanye yeru hi Barnabas ,Simeon sa na antuh hi Niger,Lukius teka Kirene, Menahem sa na ampihante sameh-sameh andri hi Herodes, Raja wilayah, andri hi Saulus. ² Haleung ulun-ulun yena sambayang ma Tuhan nelang ba puasa, Roh Barasih kaeua," Khususkanleh hi Barnabas andri hi Saulus ma Aku umak ngaraja tugas sa daya yeru here na herau daya Ku." ³ Kamulek,udi here ba puasa andri ilakudua, andri nganak tangan here hang amau ulu hi Barnabas, andri hi Saulus, here ngutus karuehni tulak. Barnabas andri Saulus hang pulau Siprus ⁴ Balalu, udi nautus tulak daya Roh Barasis, hi Barnabas andri hi Saulus minau ma Seleukia, teka yaru here balayar ma Siprus. ⁵ Tawuk here hampe ma Salamis, here ngabar lengan Alatalla hang lewu sambayang ulun Yahudi, balalu here ngenei pada hi Yohanes nengau here. ^{6 7 8} 6 Tawuk here tulak nyasar katuluh pulau hampe ma Pafos, here panalu erang kaulun panyihir, erang kaulun nabi palasu Yahudi, isa bangaran Baryesus. 7 Hanye andri Prokonsul hi Sergius Paulus, erang kaulun isa pintar, isa ilaku hi Barnabas andri hi Saulus hawi nunung hanye hamen nyandrengei lengan Alatalla.