¹ Chiinga a suuka ku iruundu, vantu vaangi choku mu shaala mu masulye. ² Mmi, hape vone nni kweeza mulweere we imbingwa choku iza ku rapera, nnaati, simwiine, haiva u saka nni joloza. ³ Mmi Jeeso nna mu viika iyaanza lyaakwe, nnati nni saka; koo jololye, Mmi choku hweera imbingwa yaakwe choku mana. ⁴ Mmi Jeeso nna mucho kuti, vone kuti ka kwiina yoo lwiira; mmi lyiyeendere; ka toondeza mupurisita, mane ka zwiisa zaa va laulyi Mushe, kuti ive vupaki ku valyi. ⁵ Mmi lyiinu Jeeso chiinga e njira mwa Kaperanama, choku iza kwaalyi Musencharona, nna mu kumbiira, ⁶ Nnaati simwiine muhikaana waangu u daansi choku lwaala koku zuminina, chaa sukuluka a hulu maaswe. ⁷ Mmi Jeeso nnaa waamba naaye nnaati, mmu nniize nni muhoze. ⁸ Musencharona nne tava nnaati, simwiine, kani lyikeene kuti uuwe u woola mane ku iza nne ku sika mu malyivera e inzuvo yaangu; mmi waambe vulyo lyinzwi, muhikaana waangu mwa holye. ⁹ Ka kuti nni muntu nniina mu kulaula, nniina masolye haansi lyaangu: nniina nno[e] kucho muntu kuti, kwiiya, ku zwaaho u yeenda; mmi ku zumwe, nniti, wiize; ku zwaaho wiiza; mane nne ku muhikaana waangu, chini cho kuti chite ichi, choku chi chita. ¹⁰ Mmi Jeeso chiinga zuwa vuti[viti], nnaa komokwa, choku lwiira vonse vava musheere ku masulye, cho kuizula nni mulwiirite, ka niini ku kopana nne itumero inkaando vuti, ee, nanta[isinyi] mwa Isiraere. ¹¹ Mmi nni mucho kuti, vaangi kava kazwe kuvu zwee izuva nne kuvu imino, cho kuiza ku ikala haansi nne Aburahama, nne Isaka, nne Jaakovo, mu muvuso we iwulu. ¹² Mmi vaana vo muvuso kava vukuntirwahaanze ku keerima: Kweeti nni ku kwiina ku boonda nne ku lyira inkunkumma. ¹³ Mmi Jeeso nnacho Musencharona, lyiyeendere; siina mu waa zumin, kuku veere mboona vo vulyo. ¹⁴ Mmi Jeeso chiinga eza mu inzuvo ya Piita/Pitorosi; nna vona vaa nyinazaalaakwe nni va lyeere choku lwaala ifiiva. ¹⁵ Mmi nnaa woonda iyaanza lyaavo, mpaaha ifiiva ha yaa zwa mu valyi; mmi choku vuuka, choku taanga kuva chitira. ¹⁶ Chi teengwaana chiinga cha sika, vantu choku ka mulyeetera ziburumusi ziingi; mmi nnaa zwiisa madimona maangi che lyinzwi lyaakwe, mane choku hoza vonse va vaalyi ku lwaala: ¹⁷ Ku vaalyi ku chitira kuti zaa va waambi muporofita Isaya zii zuzirizwe, chooti, Iiye a vaa hiindi malwaalyira etu, mane choku kulyika matuku etu. ¹⁸ Lyiinu Jeeso chiinga vona vantu vaangi nni va mu zumbulukite, nna laula kuti ku yiiwe ku yimwe imbalyi. ¹⁹ Zumwe yoo ngola nneeza, choku mucho kuti, Unkosi, muni mu ichirire kumwe nne kumwe ku muya. ²⁰ Mmi Jeeso choku mucho kuti, vaa siibwe veena mariindi, mane nne zizuni ze inkaanda ziina zi zuumbo; mmi mwaana wo muntu iiye keena haa viika mutwi waakwe. ²¹ Mmi zumwe wa varutwana vaakwe nnaa mucho kuti, Simwiine ka muni siye nni ka wuunge vataayo. ²² Mmi Jeeso nnaa muta[mucho] kuti nnii chirire, mmi siye vafu valyi wuunge. ²³ Mmi lyiinu chiinga enjira mu chisepe varutwana vaakwe choku mu ichirira. ²⁴ Hape vone, nni kwaa vuuka u mmuumbwe mu iwate, ku chita kuti masuunda a teni, mu a vaalyi ku wuumba chisepe; mmi iiye chaa ava lyi laalyiiza. ²⁵ Varutwana vaakwe mpaaha ha veeza kwaalyi nni vati, simwiine tu haze, chi tufwa. ²⁶ Mmi iiye nnaa vati, chiinzi ha mulyi kalyilyirwa, uunwe ve itumero iniini? Ku zwaaho choku vuuka, choku kalyimera luuho nne iwate; choku shaala ku tontweere mane poo[tuu]. ²⁷ Mmi aava vakwaame nni vaa shaala va komoketwa, nni vati, mukwaame nzi uuzu, yoo chita kuti inhuuho nne iwate zimu zuwa choku teeka! ²⁸ Mmi lyiinu chiiga aya ku yimwe imbalyi ku inkaanda yi veena Geregesenese, choku kopana nne voo vere ve njiirwa madimona, nni va kazwa ku makumbu, choku tiizika a hulu kamba ku kalyiza, ku chita kuti ka kwiina muntu yaa vaalyi ku woola ku hita inzira ya teni. ²⁹ Mmi vone nni vaa kuwa nni vati, twa ku pangaanzi uuwe, uuwe Jeeso, mwaana wee IREEZA? Ah u kee ziriire ku iza kutwi ihaya inako nni yi seeni ku sika[ku kwana]? ³⁰ Kuzwa hava veena ka vakazana ku vaa kweete kulyia muraka we ziguluve ziingi. ³¹ Mmi vajavulusi nniva mukumbiira kuti, haiva mootu vukuntire haanze, vutuka tu siye tu kenjire mu ziguluve. ³² Mmi nna vata[vacho] kuti, mu kwiya. Mmi lyiinu chiinga vaazwa, choku kee njira mu ziguluve: mmi vone, muraka wonse we ziguluve nni waa ngombola choku burumuka mane choku ka suukira hee komwe lye iwate, choku wiira mu menzi choku fwa. ³³ Mmi valyisani vaazo mpaaha havaa ngombola, choku kee njira mu muzi, choku ka waamba zonse, mane nne zivaa pangahalyiri va vaalyi ku burumuka. ³⁴ Hape, vone, muzi woonse nni weeza ku katanyeza jeeso: mmi chiinga vamu vona, vava mu kumbiiri kuti choova sutukira mu ingolo zaavo.