¹ Saanzi u watulyi, kuti naawe u siye ku watulwa. ² Ka kuti che ikatulo yoo watula cha teni[chaayo], naawe njeeti nno watulwa cha teni: mane nne choku yera koo yera cha teni nkweeti nno yerwa cha teni naawe hape. ³ Mmi hape chinzi hoo woola ku vona chifufu chiina mulyiinso lya mwaako, Ku zwaaho choku lyi tokomolosa ikuni lyiina mulyiinso lyaako? ⁴ Kapa mane koo cho vulye mwaako, imme nni zwiise kafufu mulyiinso lyaako; mmi vone, ikuni nni lyiina mulyiinso lyaako uuwe? ⁵ Muitumukanyi njoowe, lwe ntaanzi zwiisa ikuni mulyiinso lyaako piri; mmi lyiinu nje choo woola kuka zwiisa chifufu mulyiinso lya mwaako ka kuti lyiinu cho woola ku vona nenza[sinte]. ⁶ Saanzi nno lyiki kuha vambwa chijolola, kamba mane ku ziindira zighuluve mavwe aako malotu, Ka kuti ha zimana kua lyaatola cha mateende, zi voola cho kwiiza kuku haloola. ⁷ Kumbiire, mmi koo heewa; sake mmi koo wane; kokote[wodise]; mmi ko wii wulyirwa: ⁸ Ka kuti zumwe nne zumwe yoo kumbiira wiina nno ku heewa; hape mane naaye yoo ghaana wiina nne ku waana; nni kwaalyi yoo wodisa kee wulyirwa. ⁹ Kapa njeeni uuzo muntu mukati keenu; yoo woola ku chita kuti mwaane haamu kumbiira chinkwe[isikono], kaa muhe ingomwe[ivwe]? ¹⁰ Kamba haa kumbiira inswi, kaa muhe inzoka? ¹¹ Mmi lyiinu haiva, uunwe mu fosaheere, muizi kuha zishiyeeme ku vaana veenu, kwiina vulye lyiinu kwe isheenu yo wiina ku iwulu mweeti nnaa heere vamu kumbiira zintu zilotu? ¹² Lyiinu njaaho zintu zonse zoo saka kuti vantu vazi ku pangire[chitire] nnaawe ziva pangire[chitire]: Uuwu nje mulao nne vaporofita. vaangi va ¹³ Winjire cho mulyaango wu tamalyeere[tungulukite,tungukite], ka kuti wu wawukite, nne inzira ya teni inkaando, itwaala ku kufwa, mmi mane yeenda mu yilyi: ¹⁴ Ka kuti mulyaango wu tungulukite, mmi inzira choku puputira, yi twaala ku vuhalo, mmi mane vache vayi waana. ¹⁵ Mulyi tukisereze/lyiise vaporofita va mapa, veeza kweenu che zizwaato ze ikavi lye imbereere, mmi mukati kaavo nni ilyi vaa siibwe vaka fwiire inzala. ¹⁶ Kamu vee zive che zinpangalyikaantu zaavo. Ah mmi vantu vati nniva chera muwoomba mu zisamu ze miiya, kamba mabola mu tungana? ¹⁷ Nniha kuva vulyo lyimwe nne lyimwe isamu lyi shiyeeme lyiha zihantu zi shiyeeme; mmi iilyo lyi saa shiyeeme naalyo lyiha zi saa shiyeeme. ¹⁸ Isamu lyi shiyeeme keeti chi lyiha zihantu zi fosaheere, kamba isamu ivilaala kuha zihantu zi shiyeeme. ¹⁹ Isamu lyimwe nne lyimwe lyi saahi zihantu zi shiyeeme lyi chepuirwa[temenwa] hansi, ku zwaaho choku soherwa mu mulyiro. ²⁰ Cho kuva vulyo lyiinu njeeti nni mu vee zive che misevezi yaavo. ²¹ Ka heena zumwe nne zumwe yoo nni cho kuti, simwiine, simwiine, yeeti nnaake njire mu muvuso wo ku iwulu; mmi mbwiita iiye yoo panga[chita] ku saka kwa taayo yo wiina ku iwulu. ²² Vaangi kava nnicho mo uulo luzuva nni vati, simwiine, simwiine, aa ka heena tu vaalyi ku porofita mu izina lyaako? Mane nne ku zwiisa madimona mu izina lyaako? Mane nne misevezi miingi milotu mu izina lyaako? ²³ Mmi lyiinu njeeti nni nni vacho kuti, ka heena nni va mwiizi; muzwe aha, uunwe mu panga vuvilaala. ²⁴ Lyiinu paaho iiye zumwe nne zumwe yoo zuwa manzwi aangu, choku a chitahaza muni mu swanise nne muntu yoo talyifite[kwanite], yoo zaaka inzuvo yaakwe he ivwe: ²⁵ Mmi invula nni yee tika[yaa soka], nne muunda nni wee iza, nne ummumbwe naaye nnaa humpa, choku nyungoosa iiyi inzuvo; mmi nni yaa vula kuwa: Ka kuti yi vaalyi woondereere he ivwe. ²⁶ Mmi lyiinu zumwe nne zumwe yoo zuwa manzwi aangu a a, choku sa a chitahaza, kaa swaniswa nne muntu we ihaafu, yoo zaaka inzuvo yaakwe mu isekeseke: ²⁷ Mmi invula nni yaa soka[nni yee tika], muunda choku iza, mane nne ummumbwe choku humpa, choku nyungoosa iiyi inzuvo; mmi nni yaa wa; mane kuwa kwaayo nni kwaava ku kaando[ku kulu]. ²⁸ Nni kwaa pangahala kuti, Jeeso cho mana ku waamba iizi zintu, vantu nni vaa shala va komokeerwa mulaeza waakwe: ²⁹ Ka kuti a vaalyi kuva kutaza mane iiri wiina maziimo oku laula, nna saa swani nne vangolyi.