¹ Hape choku vona vuungi vwa vantu, a vaayi ku iruundu: mmi chingaa a kee kala, varutwana vaakwe choku ya kwaalyi: ² Mmi nee wula kalomo kaakwe, nnaa va ruta nnaati, ³ Ku sehuheere va humanehete mu luhuho: Che ivaka lyo kuti muvuso woku iwulu ngu waavo. ⁴ Ku sehuheere va lyira: Che ivaka lyo kuti kava humbulyizwa. ⁵ Ku sehuheere va shieeme: Che ivaka lyo kuti kava ve nne vuswa vwe inkaanda. ⁶ Ku sehuheere aavo va fwa inzala nne inyoota yoku saka ku jolola kwe IREEZA: Njo kuti ka va ikuswa. ⁷ Ku sehuheere aavo va fwiira inse: Che ivaka lyo kuti kava fwiirwa inse. ⁸ Ku sehuheere va jolola mu inkulo: Che ivaka lyo kuti kava vone IREEZA. ⁹ Ku sehuheere aavo va sukulwiirwa ku hala vuhalo vu jolola: ¹⁰ Che ivaka lyo kuti muvuso woku iwulu ngu waavo. ¹¹ Mwiina mikoonde haiva vantu nni va mu tuka nne ku mu nyaandisa, mane nne kumu waamba vuvilaala voonse vumu saa pangi che ivaka lyaangu. ¹² Mu saange cho kulyi tumera, ka kuti ituwero yeenu inkaando ku iwulu. Mu kuti che iiyi inzira vantu va va nyaandisa vaporofita va va halyi ha vusu vweenu. ^{13 14} Njo uunwe mu isawutu lye inkaanda. Mmi haiva isawutu chi lyaa zoverwa ku luunga kwaalyo, ^{19 20} Chingi lyiinu haiva kwiina yeeti nna choolye iiyi milawo mane nne ku vamwe kuti va choite vo vulyo kaa suumpwa muniini mu muvuso we iwulu. Mmi zumwe nne zumwe vulyo yeeti nna a yi pangahaze nne ku yi ruta ka a suumpwa mukaando mu muvuso we Ireeza. ²⁰ Aaho nni mulwiirite mbwiita haiva ku jolola kweenu ku zaamba kwa vangolyi nne Vafarasayi, ka kwiina mweeti chi mu injira mu muvuso we iwulu. ⁴⁶ Ka kuti chi mu sunu vulyo aavo va mu suni, ituwero yeenu nje yihi? Aa vateresa ka va chiti chi swana vulyo? ⁴⁷ Mmi haiva mu rumeresa vulyo vaa kweenu, mu mu ku chita inzi chi zaamba cha vamwi? Aa nne vantu ve inkaanda ka va chiti chi swana? ⁴⁸ Lyiinu mu lukeere kuti mu pange nenza, siina nje Isheenu yo wiina ku iwulu mwa shiyeeme.