^{1 2} Lyinu njokuhi kuvolyerwa Mujuta kwena naako? Mane musula nzi we kufundwa ikavi? Ku kulu che inzira imwi ne imwi. Chentanzi ku zonse, vajuta va sepiwa che kuvoniswa kuzwa Ireeza. ^{3 4} Mukuti vulye haiva vamwi Vajuta ka hena va veena itumero? A kuvula itumero kwaavo ka ku chite kusepahala kwe Ireeza ku vulye musula? Sa nzi kuvi.Kuzelyovulyo, Ireeza ka wanwa naalyi vuniti, nangati muntu umwi ne umwi wiina mapa. Siina mu ku vangolwa, '' Kuti ne mu tondezwa ha mu jolola mu manzwi enu, ne mu woolye ha mwiiza mu ku watulwa.'' ^{5 6} Mi haiva kusashiyama kweetu ku tondeza kushiyama kwe Ireeza, tu woola ku wamba nzi? Ireeza a vula kusashiyama ha lyeta vukalyi vwaakwe, a mweena? Ni wamba kuya che vutalyi vwa vantu. Sa nzi kuvi! Mukuti lyinu Ireza ka watulye inkaanda vulye? ^{7 8} Mi haiva vusakusima vwe Ireeza che mapa angu vu lyeetera iye kutembwa kungu, chinzi ha ni siwatulwa siina muvilaala? Chinzi kwande o kucho, siina mu tu wambitwa ne tu cho, mane siina vamwi mu va haterera kuti tu ti, '' Ka tu chite vuvilaala, kuti kushiyama kuve ni kwiiza''? Iwatulu havo i shiyeme. ^{9 10} Chinzi lyinu? A tu lyi zwiisa mo? Nanta tota.Mukuti che twa hambiriza kalye vonse Vajuta ne Vaherika, vonse, niilyi kunsi lye vuvilaala. Ichi siina mu ku ngolyetwa: '' Ka kwiina yo shiyeme, ni haili umwiina. ^{11 12} Ka kwiina yo zuwiseza. Ka kwiina yo saka Ireeza. Vonse chiva vasanduki. Vonse va vavi kuvula musula. Ka kwiina yo chita vulotu,nanta, ni haili nandi umwiina. ^{13 14} Mu mino waavo ikumbu lyi iwukite. Malyimi avo a va ziyeza. Ipoyizoni ye inzoka yiina kunsi lyi milomo yavo. Milomo yaavo izwiire kukonka ni vusamu. ^{15 16 17 18} Matende avo a werere kwi itira malaha. Kusinya ne manyando zina mwi inzira zaavo. A va vantu ka veeni kwi iziva inzira ye ikozo. Ka kwina ku tiya Ireeza havusu vwa menso avo.'' ^{19 20} Hanu twizi kuti chimwi mulawo chu u wamba, chi wamba naavo veena kunsi lye mulawo. Itchi njo vulyo kuti mulomo umwi ne umwi u woolye kwi iyalwa, ne vulyo kuti inkaanda yonse ni ilyitavire kwe Ireeza. Itchi ivakalyokuti ka kwiina inyama yeeti ni shiyamiswa che misevezi ye milawo mu menso akwe. Mukuti che mulawo kwiiza kwi iziva mulawo. ^{21 22} Mi hanu kuze lye mulawo ku shiyama kwe Ireeza cho ku veziviswa. Ku va vonwa ne mulawo ne Vaporofita, icho nje, ku shiyama kwe Ireeza che itumero mwa Jeso Kirisiti ku vonse va zumina. Mukuti ka kwina ku saswana. ^{23 24} Mukuti vonse va chitite chivi ne va tayera iverengo ye Ireeza va shiyamiswa mahala che isehuhazo yakwe che kuhazwa kwina mwa Kirisiti Jeso. ^{25 26} Mukuti Ireza a va hi Kirisiti Jeso niilyi chizimanini che itumero mu malaha akwe. A va hi Kirisiti nilyi chishupo che kushiyama kwaakwe, cheivaka lye ku sa vala zivi zi vahiti mu kuvainkulonde kwaakwe. Ichi chi va pangahalyiri ku tondeza kushiyama kwakwe mwi yinu inako. Ichi chi vavi vulyo kuti na va wolyi ku lyishupa kushiyama, ne ku shupa kuti u shiyamisa umwi ne umwi cheivaka lye itumero mwa Jeso. ^{27 28} Kwinahi kulyitemba lyinu? Ku zwisizwa.Ha mavaka ahi? O misevezi? Nanta, mi ha mavaka e itumero. Tu wisikiza lyinu kuti muntu u shiyamiswa che itumero kunze lye misevezi ye mulawo. ^{29 30} Nandi Ireza nje Ireza wa Vajuta vulyo? A ka hena Ireeza wa Vahedani naavo? E, nji wa Vahedani naavo. Haiva, vusakusima, Ireza u mwiina, ka shiyamise kufundwa ikavi che itumero, ne kusafundwa ikavi che itumero. ³¹ A lyinu tu nyansa mulawo che itumero? Sanzi kuvi! Kwandevulyo, tu nyemuna mulawo.