¹ Judha, musenzi waDjeso Kirisitu uye hama ya Tiago, kune aya akadhainzwa, adhikwani muna Mwari, Bhabha, uye akaiguwa na Djeso Kirisitu: ² kuti nyasha uye rugare nerudho ngazviwanzwe. ³ Adhikwani, pandaidzimanikidza kuti ndikutarirei pamusoro poruponeso ratakapiwa tese, ndakapindirana nemwi kuti ndikuvunzei kuti murwe kuitira kuti mumirire nganga pakutenda, kokuti kamwe notchose kakapiwa atswene. ⁴ Nokuti kune anhu amweni apinda tchibhisebhise asikaoniwi.Aya ndiwo anhu okuti kutongwa kwao kakatarwa kare kare; anhu mahedeni, akatchinja nyasha dzaMwari wedhu kudziita zviro zve uhure uye akaramba Ishe uye mudzidzise, Djeso Kirisitu. ⁵ Zvino ndinodhikana kuti ndikorangaridzei, zviro zvamakutozia, kuti Ishe akaponesa rimwe Dzinza, etchiyabvisa munyika yegipita, asi pedzepo Yena wakaputsa ese asina kutenda. ⁶ Uye, ngirozi dzese dzisina kugar pambuto yadzo yokutonga, asi dzakatiza mbuto yadzo yokugara, Mwari warikudzisiya dzakasungwa mutorongo dzisikaperi mudhima kuitira zuwa guru rokutongwa. ⁷ Nomushobho wakatodzana, Sodoma, Gomora uye nomaguta aripaduze nayo, aka hurisa uye otera zvidho zvisina kusikuwa kudharo, akakanduwa sa mufananidzo, pakutambudzwa txipaniso tchemuriro usingaperi. ⁸ Nomushobho umweo, anarume aya akaswipisa mwiri dzao mukurota mwawo, akanyosa simba rokutonga raMwari, uye akashora zvisikwa zvakanaka zviri kudhenga. ⁹ Asi, kunyangwe arcanjo Migueri, pairwisina na sathani ngokudha mwiri waMosesi azikutuka nokusenzesa masoko okutonga, kunze kwazvo, wakati: "kuti Ishe arikukudzingira". ¹⁰ Asi anarume aya arikutuka zvasikabhati. uye zvanoziya ngonguita kunzwa nemwiri dzao, se zvinyama zvemushango, ndizvo zvino aputsa. ¹¹ Hondo kwaari! nokuti anotera gwanza raCaimu, arikudzikhandira mukushaisha maBaramu ngokudha kubhudhirira uye etchipera mukupanduka saCore. ¹² Anarume aya, akaita semapuwe akaigika mumabhiko awo erudho. Aona anodhakara asina nzero, etchidziusha oga bhasi; aona ndimakuta pasina mbvura, anotorwa nodhutu; muti dzenguwa yomubvumbi wembvura dzisika bhari, akafa kairi, akatcherwa nenzinda, ¹³ bhopomo guru rebhahari, retchipangidzira utswerudzi waro; nyeredzi dzakashata, dziya dzokuti kudhima guru ndikokadzitchakandirwa tchose ¹⁴ Uye, pamusoro poanarume aya, Inoki, uyu wetchinomwe mudzinza ra Adamu, wakaporofita etchiti: "Wonai, Ishe arikuya nogumi rezvuru reatswene Awo ¹⁵ kuti atonge pamusoro peanhu ese uye kupangidzira muhedeni wese bhasa rese rakashata, rakaita nomushobho wakashata, uye nozviro zvakanyasa kuoma zvekuti mahedeni atadzi ai porofita kuna Yena". ¹⁶ Anarume aya ndiwagurunyuti, anotchemera nguwa yese, anozikhandira muzvidho zvakashata, watswerudzi, anodzikudza, matsotsi anodzinangira oga bhasi. ¹⁷ Saka, imwimwi, adhikwani, rangarirai masoko akataurwa kare nemapositori aIshe Djeso Kirisitu. ¹⁸ Aona akamuti: Munguwa dzekupedzesera, kutchawa no anhu atchakushorai musiripo uye atchafamba semagwanza awo akashata". ¹⁹ Anarume aya ndiwo anounzisa kupesana; ngonyika anhu aya uye aana Mweya Mutswene. ²⁰ Asi imwimwi, adhikwani, metchi simbisana mukutenda makatchena, ²¹ dzitchengetei murudho raMwari, metchiimira nyasha dzaIshe Djeso Kirisitu kwenda kuupenyu usingaperi. ²² Iwai nerudho neaya atchiri mukuganagana; ²³ uye amweni aponesei metchiabvisa mumuriro; uye, no amweni, iwai netsitsi metchithiya, metchizonda matchira awo, akadzara nozvidho zvenyama. ²⁴ Zvino, Uya anokwanisa kukuitai kuti musambwere uye wokukandai kusure kwe uwepo Wake wakasimba usina kuswipa, munomupfaro wakura; ²⁵ kuna Mwari ega muponesi wedhu, kubhurikidza na Djeso Kirisitu Ishe wedhu, ngakuwe ne nekugwinya, nekusimba, kutonga uye simba rokutonga, munguwa dzese uye nekusingaperi. Ameni.