7 ¹ Ese pakupeza izvi adafamba Djeso mu Galileia; futi nanga atchadi kufamba mu Djudeia, thangwe madjuda wakatswaga kumuulaiya. ² Ese nanga ladipaduze phwando la tabernakulo iyamadjuda. ³ Wadamubvundza nazvinezvi wabale watche: Buda pano, ese ndoko ku Djudeia, kuitira kuti wabale wako basi wawonewo mabasa iyako kuti ukuita. ⁴ Nazvinezvi palibe kuti anatswaga kudziwika anaita zvinhu zvinango nyakabisebise. Ungati unaita zvinhu izvi, zvinadziwika na dziko. ⁵ Thangwe kana wabale watche tchaiwo wakatenda kunaiye. ⁶ Napenepo Djeso adawati: Nguwa iyangu aisati iyaswika; apo nguwa iyanu idagala idatchetchera. ⁷ Dziko aliiti kuti likuzondeni, apo kwaine munandizonda, thangwe kwairo ndinadairira kuti mabasa iyatche ngakunyangala. ⁸ Kwirani imwe ku phwando iri; ine andikwiri kuphwando iri, thangwe nguwa iyangu aisati iyateezeka. ⁹ Ese patche adawabvundza izvi, adagala mu Galileia. ¹⁰ Apo pawo wabale watche wadakwira, napenepo adakwirawo iye basi ku phwando, asi padetcha, apo ninga pakuswisika. ¹¹ Wadamuswaga nazvinezvi madjuda pa phwando, ese wakalanga: Alikupi iye? ¹² Ese pakana kugwenga kukulu kuna mbumba. Wenango wakalanga: Iye ngwamuche; ese wenango wakalanga: Nkabe; iye, nazvinezvi, ambanyengeza mbumba. ¹³ Pazvense palibe akalanga kuna iye padetcha, na urchi wamadjuda. ¹⁴ Nazvinezvi pakati pa phwando Djeso adakwira ku Tembere, ese atchipfunzisa. ¹⁵ Futi wadadzuma madjuda, watchilanga: Zvinaitatani uyu adziwe Zvilembwa, atchinge alibe kupfunza? ¹⁶ Adawadaira Djeso, ese adati: Pfunziso langu alisi langu, apo ande laweneule kuti adandituma. ¹⁷ Angati munhu alikuda kuita kuda kwatche, pa pfunziso anadzalidziwa, angati ndiwa Mulungu, kana ndingati ine ndikulanga patchangu tchaine. ¹⁸ Weneule kuti analanga patchatche tchaye anatswaga kuzvikuza patchatche; apo weneule kuti antswaga kukuza weneule kuti adamutuma, uyu ndiye watchadiko, ese akulibe kunaiye ubvinyiriri. ¹⁹ Alibe kukupasani Mozisi Mutemo? Apo apalibe mubodzi wanu kuti ateeza Mutemo. Thangwe lanyi mulikutswaga kundiulaya? ²⁰ Idadaira mbumba, ese idati: Una domonyo; mbani alikutswaga kukuulaya? ²¹ Adadaira Djeso, ese adawati: Basa libodzi ndidaita, ese mwense imwe mudachamisika. ²² Nazvinezvi Mozisi adakupasani kutchetcheurha (nathangwe akusi kwa Mozisi, apo kwa wababa) ese mumugobera tchetcherani mwamuna. ²³ Angati mwamuna atambira kutchetcheurha mumugobera, kuitira kuti Mutemo wa Mozisi uleke kuphwanyiwa, zvitogoleni naine, thangwe mumugobera ndinalapa naku tchetchetera mwamuna mubodzi? ²⁴ Amusatongi natchimiro, apo tongani na ndzeru zakukwana. ²⁵ Wakalanga, nazvinezvi, wenango waku Djerusalema: Asili uyu wawo walikutswaga kuulaya? ²⁶ Ese kuti iye analanga adanunurha, futi apana anamubvundza; penango ntswatchadi kuti wakulu wanadziwa kuti uyu ndiye tchaye mu Krisitu? ²⁷ Apo uyu muche tinadziwa kuti ngwakupi: Nazvinezvi patche anauya Krisitu, apalibe anadzadziwa kuti ngwakupi. ²⁸ Akatchamisika nazvinezvi Djeso muTembere, atchipfunzisa, ese atchiti: Ese ine munandidziwa, futi munadziwa ndine wakupi; ese ine andilibe kubuda patchangu; apo weneule kuti adandituma ndiye watchadiko, wakuti imwe amumudziwi. ²⁹ Nadyali ine ndinamudziwa, thangwe kwaiye ndine, ese iye ndiye andituma. ³⁰ Wakatswaga nazvinezvi kumusunga, apo apalibe adaiga boko kuna iye, thangwe nguwa iyetche nanga aisati iyaswika. ³¹ Ese wazinji wapambumbawadatenda kuna iye, futi wakalanga: Patche Krisitu anauya, anadzaitazve futi zvidzindikiro zvakuwanda kupinda kuti uyu alikuita? ³² Wadazvibva Mafalisi kuti mbumba ikagwenga zvinhu izvi pamusana patche; ese wafalisi na wakulu wa maprisita wadatuma wakulu kuti wamusunge. ³³ Adawati nazvinezvi Djeso: Panguwa idoko ndirinamwe pabodzi, ese napenepo ndinadzaenda kuna weneule kuti adandituma. ³⁴ Imwe mutchadzandiswaga apo amudzandiwoni; ese kwangu ndiripo amukwanisi kundiwona. ³⁵ Wadati, nazvinezvi, madjuda wogawoga: Kupi kwatche atchadzaendauyu, kuti atidzamuwoni? Penango iye atchadzaenda kuna wagrigi wadabalalika, ese atchipfunzisa tchigrigi? ³⁶ Ndi masoko iyanyi eneya kuti adati: Imwe mutchadzandiswaga, apo amudzandiwoni; futi kwangu ine ndiripo imwe amudzakwanisi kuuya? ³⁷ Ese pakupezesera futi ntsiku ikulu iyaphwando Djeso adaema, ese adahcamisika: Angati munhu ananyota, ngauye kuna ine, ese ngamwe. ³⁸ Weneule kuti anatenda kuna ine, ninga zvinalanga Zvilembwa, maludzi iya madzi iyaupenyu iyanadza thamanga mukati wamwiri waiyo. ³⁹ (Ese iye adati izvi ku muzimu kuti unatambira wenewale kuti kuna iye wanatenda; napenepo Muzimu wakutchena nanga ausati wauya, thangwe Djeso nanga asati akuziwa). ⁴⁰ Napenepo wazinji wapa mbumba, watchibva masoko eneya, wadalanga: Tchadi tchaiko uyu ndiye muprofiti. ⁴¹ Wenango wakalanga: Penango auya mu Krisitu waku Galileia? ⁴² Ayasi kulanga malembwa kuti krisitu atchadzauya pa mbeu iya David, ese wamutunhu wa Betrehema, kudabuda David? ⁴³ Nazvinezvi pakana kugawana kwanzeru za mbumba nathangwe latche. ⁴⁴ Ese wenango wawo wakada kumusunga, apo apalibe adaiga boko kuna iye. ⁴⁵ Wadauya napenepo wakulu wamadikoni na wafalisi; ese iwo wadawati: Thangweranyi amulibe kumuuysa? ⁴⁶ Wakulu wakulu wadadaira: Apalibezve adalanga dalyi ninga mwamuna uyu. ⁴⁷ Wadawadaira, nazvinezvi, wafalisi: Imwe basi muliku penzwiwa? ⁴⁸ Penango unango wa wakulu kana wamafalisi alikutenda kuna iye? ⁴⁹ Apo mbumba iyi, kuti aidziwi Mutemo, idatukwa ndiyo. ⁵⁰ Adawati Nikodimo, kuti tchinauya kuna iye pakati nausiku, kuti akalimubodzi wawo: ⁵¹ Penango Mutemo wathu unatonga munhu awalibe kutanga kumubva, ese watchiita zvinafunga iwo? ⁵² Wadadaira iwo, ese wadati: Ndiwe iwe basi waku Galileia? Tswaga, ese wona kuti apalibe muprofiti adamuka waku Galileia. ⁵³ «Ese mubodzi namubodzi adaenda kumuyi watche.