¹ Waka baita bali kumi otobile atomwi oku bapa nguzu obulemu ku ma dimona onse oku ponya malwazi. ² Waka batuma koka mbauka bwami bwa Leza oku ponya bachiswa. ³ Waka bambila, ''Mu tanyamuni kufumbwa ku musizo wenu-kakutakwe chibelesyo,chikwama, chilyo,mali,ape nokuba ngubo. ⁴ Kufumbwa nganda mwata mukanjile, mukakale kusikila buzuba bo kwika. ⁵ Kufumbwa kuba tayomu tambule, mwakuzwa muli eyo taindi,muka kukumune suku kumaulu enu chitondezyo chokutendelana ambaba.'' ⁶ Ponyina baka mwaika okwinka ku minzi, kukambauka manjwi mabotu oku ponya konseni. ⁷ Ino Herodi nakavwa zyonse zyaka chitika, wakakata zingwa, kambo bamwi bali kwamba kuti,Johani Mubabatizi wabuka kubafu, ⁸ Ape chakambwa kuti Elija wakali bonya, mwendi omwi waba sinsimi bechindi wabuka. ⁹ Herodi wakamba kuti,'' Ndaka mutenda mutwe Johani,ino ngwani oyo ngwevwa uchita zintu ezyo?'' ape waka sola kumu bona. ¹⁰ Niba kapiluka ma apostola, baka mwambila zyonse ziba kachita. Waka ba bweza anguwe,Ponyina bakainka chaku sisilikizya ku ndolopo lya Bethsaida. ¹¹ Ponyina bantu banji bakavwa namu, baka muchilila waka batambula oku ambola ambabo waka ba ambila zya bwami bwa Leza,ponyina waka ponya abo bali kuyanda ku ponisingwa. ¹² Ino izuba nilya katalika kumbila , ponyina bali kumi otobile baka muzinda oku mwambila,''Batande bantu bainke kumizi yomuzibaka zya fwifwi muchisi baka jane malalo echilyo,kambo tuli abusena buli abulike.'' ¹³ Kono waka bambila kuli mbabo,'' Mubape chimwi chintu chokulya. Bakamba ,''tatunjesi zinkwa zinda zyone enswi zyobile-ati twinke tukabaulile bonse aba bantu.'' ¹⁴ (kwali bantu bali myele yosanwe.) Wakambila basikwiya bakwe amu babike bakale mutubunga ali makumi osanwe.'' ¹⁵ Baka chita namuya,Ponyina bantu baka kala. ¹⁶ Waka bweza zikwa zyone, enswi zyobile,waka zinya muna mujulu,waka zileleka oku zikomona mumatuli,oku zipa ba sikwiya kuti bazipe bantu. ¹⁷ Bonse bakalya baka kuta. Ponyina zyaka syala zyaka bwezingwa- zizuma zili kumi otobile zyako zyakomwedwe. ¹⁸ Chakaba Jesu nali kuli kombela,wali aba sikwiya bakwe. Waka babuzya mubuzyo, Bantu bandamba kuti ndime ni?'' ¹⁹ Baka taba ,''Johani Mubabatizi. Kono bamwi bati Elija,ape bamwi bamba kuti uli umwi waba sinsimi bechindi waka buka.'' ²⁰ waka bambila kuti,''Ino mwamba kuti ndime ni?'' Petro wakataba,'' Kristo wa Leza.'' ²¹ Kono waka bachenjezya chenguzu kuti batambili muntu, ²² wakati, ''Mwana o Muntu ulukende kupenga zintu zinji ape okukakwa kuba kambaunsi bapati oku balembi,uyo jayingwa ape mubu zuba bwatatu uyo busingwa.'' ²³ Waka bambila bonse,''Na omwi uyanda kundi chilila,ulukende kulikaka oku nyamuna panda buzuba obuzuba oku ndi chilila . Kufumbwa oyo ubamba bumi ²⁴ Bwakwe oyo bu swekelwa, Kufumbwa oyo uyo swekelwa bumi kambo kangu oyo bubamba. ²⁵ Ino nimpindunzi muntu njatayobole nyika yonse oku swekelwa bumibwakwe? ²⁶ Kufumbwa oyo ulisenda kuli mebo oku manjwi angu, Omwana Muntu uyolisenda akusika ku bulemu bwakwe, oku bulemu Bwainsi abangelo basalala. ²⁷ Nda mwambila mansipe, kubali baivwi awa batayolabili lufu kaba tana kubona bwami bwa Leza.'' ²⁸ Ino naka kwana mazuba ali osanwe otatwe naka mana kwamba Jesu manjwi aya,waka bweza atomwi Johani o Petro o Jakobo ponyina bakainka mujulu achilundu kuyokomba. ²⁹ Nali kukomba chiwa chakwe chaka chincha, ezi zwato zyakwe zyaka tuba bu. ³⁰ Amubone, balumi bobile balikwambola anguwe Musa o Elija, ³¹ waka libonya mubu bontu. Baka ambola kumwaika, kwali kuyanda kweta kumaninizya mu Jerusalemu. ³³ Petro abo mbakali ambabo baka njatwa ngonzi,kono niba kabuka, baka bona bulemu bwakwe abalumi bobile bainvwi anguwe. ³² Nibali kwinka kuzwa kuli Jesu, Petro wakamba ,''Mwami,kunono kuliswebo kunjanika okuno. Tupange zitele zyobile chomwi chako chomwi cha Musa a cha Elija.''(talizi chali kwamba.) ³⁴ Nachili kwamba namu,ijoba lyaka zoza lya bavumba,ponyina bakayowa niba kanjila mujoba. ³⁵ Injwi lya kazwa mujoba kwamba kuti ''Oyu ngo Mwana angu, wakasalwa; amu muvwinde.'' ³⁶ Nilyaka ambola injwi, Jesu waka janika alike. Baka umunina takwe ngu baka mbila muma zuba ayo kuli ziba kabona. ³⁷ Ino nibwa kacha, niba kapiluka kuzwa ku chilundu,Bantu banji baka zoza kuzo mubona. ³⁸ Amubone, mwalumi mubantu banji waka ongolola, kwamba,''Bayi,ndakumbila amu bone mwana angu mushimani,kambo ngo mwana wangu alike. ³⁹ Mwabona,muya mubi waka mwendelezya ponyina waka kwila;chaka mwetela ku zwa kofu kumulomo ape chali kushupa kuzwa kumusiya alike ape chali kumwetela kuli chisa. ⁴⁰ Nda kombelezya basikwiya bako kuti bachi songelezye kuchi ngwisizya anze,kono bakachilwa.'' ⁴¹ Jesu wakataba wakati, ''Nwebo nomutashomi anwibo nomu kasindwe kulunyungu nda chindi chilafu buti cheyokala anwibo oku mubozezya moyo? Mwete kuno mwana ako.'' ⁴² Nali kobuza mushimani,ma dimona akamu fusila ansi aka muzenganya chenguzu. Ponyina Jesu waka tanda muya mubi okumuponya mushimani,oku mupilusya kuli baisi. ⁴³ Bonse baka komokwa kubu pati bwa Leza. Ponyina bonse bali kukomokwa kuli zyonse zyali kuchita, waka mbila basikwiya bakwe kuti, ⁴⁴ Aya manjwi mwavwisisye: Mwana Omuntu uyo kakwa mumaza abalumi.'' ⁴⁵ Kono takwe nibakavwa kambo aka. Kalilisisinde kuli mbabo, takwe niba ka ziba zyali kupandulula,kono bali yowinde kubuzya kambo aka. ⁴⁶ Ponyina kushupana kwaka talika akati kabo Kuti nguni akati kabo oyoba mupati. ⁴⁷ Kono Jesu, wali nzi zibali kuyela mumyoyo yabo,waka bweza Mwana munini aku mubika ambali lyakwe ⁴⁸ oku bambila kuti ,''Kufumbwa oyo utambula oyu Mwana muzina lyangu;oyo utambula mebo,utambula waka ndi tuma. Kambo kufumbwa munini ali nwebo ngo mupati.'' ⁴⁹ Johane waka taba, ''Mwami, twabona wali kusongelezya ku ngwisya ma dimona muzina lyako ponyina twa mukasya, kambo tendeli amwi aswibo.'' ⁵⁰ ''Nimwata mukasya,'' kufubwa uta mulwanisi uli kulubazu lwenu.'' ⁵¹ Ponyina mazuba naka swena oku bwezingwa,wakayeya kwinka ku Jerusalemu. ⁵² Waka tuma basiku tumwa bakwe kuzulula,ponyina bakaika kuyo njila mu munzi Samaritan komu bambila zyonse. ⁵³ Kono bantu bokuya takwe niba kamu tambula, kambo wali wajesi kuyeya kwinka ku Jerusalemu. ⁵⁴ Kono basikwiya Jakobo o Johane nibaka bona namuya,bakamba kuti, ''Mwami, ulayanda kuti twambilizye mulilo uze kuzwa kujulu uzo banyonone?'' ⁵⁵ Kono wakaima oku bakasya, ⁵⁶ ponyina bakainka kuli umwi Munzi. ⁵⁷ Ponyina nibali kobwenda munzila,umwi wakamba kuli nguwe. ''Ndila kuchilila kufumbwa koto inke.'' ⁵⁸ Jesu waka mwambila, ''Basiluwe bo musaka bali jesi bulyango,Utu yuni mujulu tulijesi tuvumbo kono Mwana o Muntu takwe kokulala.'' ⁵⁹ Bakamba kuli omwe owo mwi,''ndichilile,'' ⁶⁰ Kono wakamba ''Mwami,lekezwa ndinke ndika zike batate. ''Ponyina waka mwambila. ''leka bafwinde balizike. Kono yebo koya uka kambauke kule konse kubwami bukujulu.'' ⁶¹ Ponyina umwi wakamba,''Ndila kuchilila, Mwami, kono leka ndika laizye kunganda'' ⁶² Jesu waka taba,''takwe ubika manza kuchikekele okulanga musule ulelende bwami bokujulu.''