¹ Bakaulengwe, fa motho a tshwarwa mo boleong, lona baitshepi mmuseletseng mo tshiamong ka mowa o o ikobileng. Dira se le itisitse gore le seka la wela mo thaeloeng. ² Rwadisanyang merwalo gore le diragatse molao wa ga Keresete. ³ Fa mongwe a akanya gore ke sengwe e se sepe, o a itsietsa. ⁴ Mongwe le mongwe o tshwanetse go tlhatlhoba tiro ya gagwe,jalo o tla abo ana le sengwe mo pelong se a ka ipelafatsang ka sone, a sa itshwantshanye le ope. ⁵ Gonne mongwe le mongwe o tlaa sikara morwalo wa gagwe. ⁶ Yo o rutilweng lefoko o tshwanetse go kgaogana dilo tsotlhe tse di siameng le moruti wa gagwe. ⁷ O seka wa tsiediwa. Modimo ga a sotlwe,gonne sepe se motho a se jwalang, ke sone se a tlaa se robang. ⁸ Yo o jwalang peo a e lemela mo go tse di bosula, o tlaa roba tshenyego.Mme yo o lemang peo mo tshiamong o tlaa roba botshelo jo bo sa khutleng go tswa mo Moyeng. ⁹ Re seka ra lapisiwa ke go dira bomolemo, go nne mo nakong e e tshwanetseng re tlaa roba thobo fa re sa ineele. ¹⁰ Jalo,fa rena le sebaka,a re direleng botlhe bomolemo,mme bogolo jang ba ntlo ya tumelo. ¹¹ Bona ke dirisa ditlhaka tse ditona jang gole kwalela ka mokwalo wame. ¹² Ba ba batlang go lebega sentle mo nameng, ba le pateletsa gore le rupisiwe.Ba dira se gore ba seka ba tlhokofadiwa ka lebaka la mokgoro wa ga Keresete. ¹³ Le mo go bone ba ba ithupisitseng ga ba tshegetse molao, mme ba batla le rupisiwa gore batle ba ikgantshe ka nama ya lona. ¹⁴ Mme a go seka ga nna okare ke a ikgantsha fa e se ka mokgoro wa Morena Jeso Keresete, Ke ka ga ene gore lefatshe le bapoletswe nna, nna ke bapoletswe lone. ¹⁵ Go rupa kana go sa rupa ga se sepe, mme se se botlhokwa ke sebopiwa se sesha. ¹⁶ Go botlhe ba ba tshelang ka seelo se, a kagiso le mautlwelo botlhoko di nne le bone le mo Eseraele wa Modimo. ¹⁷ Go tswa fano go ya pele a ope a se ntshwenye, go nne kena le matshwao a ga Jeso mo mmeleng wame. ¹⁸ A tshegofatso ya Morena wa rona Jeso Keresete e nne le moya wa lona bakaulengwe. Amene.