¹ Pizepita izi neona angelo folo oimilira pa ngondya folo za ziko, okatishisha mphepo folo za ziko kuti mphepo isakunthe pa ziko, pa nyanja, olo pa chimuti chilichonse. ² Neona mngelo muyakine ochokera ku mmawa, wamene enze na chisindikizyo cha Mulungu wamoyo. Ekuwa na mau akulu kwa angelo folo epasiwa ulamuliro kuchita chiipa ziko na nyanja. ³ "Osachita chiipa ku ziko, na nyanja olo vimiti mpaka tikaike chizindikiro pa mphumi za akapolo ba Mulungu." ⁴ Ndipo nechimvwa chibelengelo cha eikiwa chizindikiri: 144,000, bamene eikiwa chizindikiro kufumira ku mtundu ulionse wa israel: ⁵ Twelufu sauzande kufumira ku mtundu wa Yuda eikiwa chizindikiro, twelufu sausande kufum kumtundu wa Rubeni, twelufu sausande kufumila ku mtundu wa Gadi, ⁶ twelufu sausande kufumila ku mtundu wa Aseli, twelufu sausande kufumila ku mtundu wa Nafitali, twelufu sausande kufumila ku mtundu wa Manase. ⁷ twelufu sausande kufumila ku mtundu wa Simeon, twelufu sausande kufumila ku mtundu wa Levi, twelufu sausande kufumila ku mtundu wa Isakara, ⁸ twelufu sausande kufumila ku mtundu wa Zebuloni, twelufu sausande kufumila ku mtundu wa Yosefe, na twelufu sausande kufumila ku mtundu wa Benjamini eikiwa chizindikiro. ⁹ Pezepita izi nelanga, ndipo kwenze chigulu chikulu chakuti kuti ekwanisha kuchibelenga - kufumira ku ziko chiliconse, mtundu, banthu na vilabilo- oimilira pa mpando wa chifumu pamenso pa mwana wa mbelele Enzevwala mikanjo ituba nonyamula misambo ya kanjeza mmanja mwao, ¹⁰ ndipo enzokuwa na mau aluku: "chipulumuso ni cha Mulungu, wamene onkhala pa mpando wa chifumu na kwa mwana wa mbelele!" ¹¹ Angelo onse enzoimilira kuzungulira mpando wa chifumu na kuzungulira akulu na vamoyo folo, ndipo eponya vinso vao pansi pa mendo wachifumu. Elambira Mulungu. ¹² Nakuti, "Amen! Matamando, ulemelero, nzeru, mayamiko, ulemu, mphamvu, limbiso vinkhale mulungu wasu ku nthawi za nthawi! Amen!" ¹³ Ndipo mmozi wa akulu enikonsha, "nibani aba, bavwala mikanjo ituba, ndipo befumira kuni?" ¹⁴ Ndipo nechiti kwa beve, "mbuye wangu, muziba," ndipo echiti kwa neo, "aba ni bamene bafumira mu chisauso chikulu. Basuka mikanjo yao nakuipanga ituba mu magazi ba mwana wa mbelele. ¹⁵ Kamba ka ichi, bali pansi pa mendo wa chifumu wa Mulungu, ndipo emulambira usiku na mzuba mu kacisi. na wameneonkhala pa mpando wa chifumu abapase chifule chake. ¹⁶ Sakamvwa soti njala, kapena kumvwa soti njota, zuba silikabashoka kapena kumvwa chibe chilichonse. ¹⁷ Pakuti mwana wa mbelele pakati pa mpando wachifumu akabe mchibeta wao, ndipo akabatangulire ku kasupe wa manzi a moyo, ndipo Mulungu akabapukutire misozi yonse mmenso mwao."