¹ Soti echiti kuli beve ,zoona kuuzyani,'' kuli ayakene mwapanama apa simuzafwa mukaliona ufumu wa Mulungu paukuza na mphanvu. ² Peyepita ma siku sikisi, Yesu etola Petulona na Jemusi na Yohane kuluta nao ku lupili itali, atatu tyala beka. Esinthika pamenso pao. ³ Zonvwala zake zeng'animila, kuti kuliye sopo ungatubishe teti. ⁴ Eliya na Mose ebaonekela, olabila na Yeso. ⁵ Petulo eyankha Yeso echiti,'' Rabi, chilibwino tyala kuti tinkhale pamene pano, tiyeni tyala tipange misaka kasa itatu ,wanu umozi umozi wa Eliya na uyake wa Mose.'' ( ⁶ Pakuti enzo ziba lini cholabila, pakuti enze na mantha ⁷ Mkumbi wewela nakubavwinikila. Kwefuma mau kufuma m'makumbi, '' Uyu ndiye mwana wangu. Ndipo munvweleni.'' ⁸ Mwazizizi, pelanga langa, penzenvye munthu pafupi, koma Yesu tyala. ⁹ Penzo seluka kufuma ku lupili , ebalamulila kuti osakamba kamba vamwaona, mpaka mwana wa munthu akauke kwa akufwa ¹⁰ .Esunga ila nkhani pabeve beka, koma enzo labila beka beka'' kuuka kwa akufwa'' kutanthauza. ¹¹ Emukonsha chifukwa alembi akuti Eliya ofuniko yambilila kuwela? ¹² Echtit kuli beve ,'' Eliya akawele kuzowelezyela. Koma nichinji chakwe lembewela kuti mwana wa munthu akanzunzike vinthu vinyinji nakumutola nga ni munthu watyala tyala? ¹³ Koma nukuuzyani kuti Eliya wawela, soti echita vonse venzofuna kuti achite, monga mwa ma malembo akuti pali eve.'' ¹⁴ Pewela soti ophunzila bake ,eona gulu ya banthu ikulu ebazungulukila pamozi na alembi enzo shushana nao. ¹⁵ Pe beona tyala yeso, gulu yonse yedabwa nomuutukila kuyompasa moni. ¹⁶ Ekonsha ophunzila bake mushushana nao chinji?'' ¹⁷ Muyakene mugulu eyankha, M'mpunzisi ,'' Nenze naleta mwana wangu kuli mweo. Alina chimzimu chumulesha kulabila. ¹⁸ Chukonda kumanga nomutaila pansi nopanga phovu kukamwa, kuziluma kuyumilila. Nesenga ophunzila banu kuti achose koma ekangiwa.'' ¹⁹ Ebankha kuti,'' m'mbadwo wosakhulupilila ,ninkhale namwe mpaka lini?'' nimuuzyeni mpaka lini?'' muleteni kwa neo.'' ²⁰ Emuleta mnyamata kuli eve. Chibanda pacheona Yesu pamenen apo chem'ponyela pansi nakumsokoneza. Mnyamata epona pansi nochoka povu kukamwa. ²¹ Yeso ekonsha awisi,'' Wankhala teti kuchokela lini?'' awisi echiti,'' kuchokela akali mwana mtontho''. ²² Chamuponyelako kumulilo olo nthawi ziyakene pa manzi kufuna mphela kuti chimuononge . Ngati mungachitepo kanthu tithandizeni, ²³ Yeso echiti kwa beve,'' ngati mungakwanishe vonse vukwanilishika kwa bala okhulupilila , ²⁴ Pamene apo awisi mwana elira nakuti,'' nakhulupilila thandizani kusakhulupilila kwangu!'' ²⁵ Yeso peona gulu ya banthu kuutuka kuwela kuli eve, echilamulila chimzimu chiipa echiti, Iwe chimzimu chosalabila na chosanvwa ,nukulamulila, fuma, osaloba mwa uyu soti.'' ²⁶ Chelila nakumtaila soti pansi ula mwana nakufuma. Ula mwana enzo oneka nga ni wa wakuti enze wakufwa. Anyinji enze kamba kuti enze wakufwa,'' Niwakufwa .'' ²⁷ Koma Yeso emkata pa kwanja nakumunyamula, uyo enyamuka. ²⁸ Yeso pewela ku ng'anda, Ophunzila bake emukonsha mwakabisila, ''chifukwa seo takangiwa kuchosa chimzimu?'' ²⁹ Yeso echiti kwa beve, mtundu ufuma lini tyala koma na pemphelo (kujungula vakulya) ³⁰ Eluta kufumako kwe benze epita ku Galileya. Enzofuna lini kuti banthu azibe kwe benze, ³¹ pakuti enzo phunzisa ophinzila bake. Echiti,'' Mwana wa munthu akapelekewe m'manja mwa banthu , soti akuyo paiwa. Pakayo pita masiku atatu akuyo uka soti.'' ³² Koma aliyonvwe aya mau, soti enzo yopa kuti akonshe. ³³ Ewela ku kapenao. Penze mnga'nda ebakonsha, Mwenzokambilana chinji munjila pakuza, ³⁴ koma enkhala tyala chete, pakuti pakuza munjila enzo kangana kuti mkulu nibani. ³⁵ Enkhala pansi noita onse thwelufu, echiti kuli beve, ngati aliyense ofuno nkhala oyamba ,ankhale osilizyila pa onse nkhale soti otumikila kwa onse.'' ³⁶ Etola mwana mtontho nakumuleta pakati pa banthu. Emunyamula kwanja nakuti kuli beve, ³⁷ aliyense angalandile uyu mwana muzina langu, walandila soti neo, aliyolandile tyala neo koma pamozi na enituma.'' ³⁸ Yohane echiti, Aphunzisi, teona munthu enzo chosa mizimu iipa muzina lanu temulesha, kamba kakuti tuyenda nae lini.'' ³⁹ Koma Yeso emuuzya kuti ,''Osamulesha, pakuti kuliye munthu anga chite nchito zikulene muzina langu kufuma apo noyambo nyozela neo. ⁴⁰ Aliyense asashushana nase niwasu tilipamozi, ⁴¹ Aliyense anga kupaseni manzi mu kapu kuti mumwe kamba kakuti nimwe ba Yeso, zoona nikuti sakasowa chabwino ⁴² Aliyense anga lengeshe kuti m'mozi mwa bana aba akalipe, chilibwino kumumangilila chimwala chikulu mumkosi nakumu ponya pamanzi. ⁴³ Ngati kwanja yako yulengesha kuti uchimwe uicheke, Chilibwino kuti ukapulumuke na kwanja imozi kupambana kuluta ku mulilo, na manja abili nakuya ku mulilo ⁴⁴ osasila ⁴⁵ Ngati kwendo yako yulengesha kuti uchimwe, itende. Chilibwino kuloba mu umoyo olemala kupamba kuya ku hade na mendo ⁴⁶ abili. ⁴⁷ Ngati menso yanu okuchimwishani ichoseni. Chilibwino kuluta mu ufumu wa Mulungu na linso imozi kupambana kunkhala na menso abili nakuya ku chionongeko, ⁴⁸ kuli nyongolosi zisafwa ,na mulilo usazima. ⁴⁹ Pakuti akaikiwe munyu wamulilo . ⁵⁰ Munyu niwabwino, koma ngati munyu wasila mphanvu yake, mungau wezye tyani? nkhalani na munyu pakati panu, munkhale mwa mtendele pakati panu