¹ M'mamawa, akulu ansembe ekumana na akulu akulu na alembi na onse olamula milandu Ayuda. Empeleka m'manja mwa Pilato, em'manga Yesu nakumuchosapo. Emusiya kwa Pilato. ² Pilato ekonsha, ''Ko niwe mfumu ya Ayuda?'' Eyankha, Mwati teto.'' ³ Akulu ansembe eleta milandu inyinji yechilakwa Yesu. ⁴ Pilato ekonsha soti, Ko utipa lini mayankho? Ona milandu kupaka yaleta yako!'' ⁵ Koma Yesu aliomuyankhe Pilato, icho chinthu chemudabwisa . ⁶ Lomba pa nthawi yama madyelelo, Pilato nthawi zonse enzokondo masula munthu umozi omangiwa kufuma mu Jere waba-funa banthu. Pamozi na bala oukila mu jere, enzo paya banthu, ⁷ penze munthu enze nazina yakuti Baraba mu jere enze pamo na beze oukila,enze epaya . ⁸ Gulu ikulene yewela kuli Pilato kuzosenga kuti abachitile monga mwakukondo chitila mwakale lonse. ⁹ Pilato ebanyankha kuti,'' Mufuna kuti nikumasulileni Mfumu ya Yuda? ¹⁰ Enze eziba kuti epeleka Yesu chifukwa cha majelasi. ¹¹ Koma mkulu wa nsembe enzo tuntha banthu kuti avomele kumasula Barabas osati Yesu. ¹² Pilato ebayankha kuti,'' Lomba nichite naye tyani mfumu ya Ayuda?'' ¹³ Ekuwa soti, ''Mpachikeni!'' ¹⁴ Pilato ebayankha,'' Ko walakwa cinji?'' koma ekuwa soti ngako, ''Mpacikeni.'' ¹⁵ Pilato enzo funa kukondwelesa banthu, eba masulila Barabas. Emkwalipula Yesu nankupeleka m'manja mwa opacika. ¹⁶ Asilikali empeleka mu ng'anda yoweluzila milandu( likulu ya boma), eita onse asilikali. ¹⁷ Emuvwalika vovwala va pepo Yesu, emuvwalika chisote cha minga. ¹⁸ Eyambo mupasa ulemu enzokuti,'' Weo, mfumu ya Ayuda!'' ¹⁹ Etola chimuti nakumukwapula ku mutu nakumuthunyila mata, Ebelama naku chita ngati ompembeza. ²⁰ Pecimusobelesha, emuvula mkhanjo wapepo nakumuvwalika vake vovwala, nakumupeleka kuti akampachike. ²¹ Ecizo kakamizya enzozipitila na njila enzocokela ku ziko kuzonyamula mtanda wa Yesu, munthu enzo zibika na zina yakuti Simon waku kuleni usuwake wa Alekizanda na Rufus. ²² Asilikali emuleta Yesu ku malo yenzo zibika na zina yakuti Gologota( kutanthauzila kuti mabonzo'') ²³ Emumwesha vinyu osakaniza na maya, koma aliyo kumwe. ²⁴ Empacika nakugabana vovwala vake kucita ngati yenze malonda kuti nibani angakwanishe kugula ²⁵ Pa nthawi ya citatu pecimpacika. ²⁶ Pa cikhwangwane elembapo mlando wake, Mfumu ya Ayuda. ²⁷ Empacika pamozi na bala oukila na opaya banthu, ²⁸ umozi ku lamanja muyake linjele. ²⁹ Enzo pita nanjila emunyoza, egunduza mitu,'' Weo! Unga phwanye chalichi noimanga soti pa masiku atatu, ³⁰ zipulumushe soti choka pa mtanda!'' ³¹ Cimozi mozi akulu ansembe enzo munyoza onse pamozi na alembi, enzo kuti, Epulumusha banthu, koma sangazipulumushe. ³² Lekani Kristu, mfumu ya israele, fuma lomba coka pa mtanda, kuti tione soti tikhulupilile.'' Na bala enze empacika nao pa mtanda enzo tonza. ³³ Pa ola ya namba sikisi, mdima wephimba paziko yonse ya pansi mpaka ola ya namba naini. ³⁴ Pa ola ya namba naini Yesu elila na lizu yapalulu, ''Eloi ,Eloi, Lama sabakatani? Kutanthauza kuti, Mulungu wangu, Mulungu wangu mwani siilanji?'' ³⁵ Enzepeneme pafupi ecinvwa lizu eciti,'' Onani, oita Eliya.'' ³⁶ Eutuka muyakine, eika cinkhupule mu vinyu osasa, eika ku bango kuti amumweshe. Echiti uyo munthu,'' Lekani tione ngati Eliya awele kuzomchosa pa mtanda.'' ³⁷ Yesu elila na lizu yapalulu nakufwa. ³⁸ Cinyula ca mu chalichi cheng'ambika pakati kufuma ku lulu mpaka pansi. ³⁹ Lomba mu kenturiyo epanama nakumulanga Yesu eona kuti wamwalila, eciti, Zoona uyu enze mwana wa Mulungu.'' ⁴⁰ Penze anzimai enzo langa patali. Pakati pao penze Maria Magadalena, Maria (anyina wake Jemusi mtontho wake wa Yose), na Salome. ⁴¹ Penze ku Galileya enze emukonkha nakumtumikila. Anyinji anakazi enze ewela ku Yerusalem. ⁴² Lomba payefwika mcungulo, pakuti yenze siku yokonzekela, siku ya sabata, ⁴³ Yosefe waku Arimateya ewela. Enze munthu olemekezeka m'mozi mwa a milandu, enzo lindila ufumu wa Mulungu. Elimba mtimba eluta kuli Pilato kuyosenga mtembo wa wake wa Yesu. ⁴⁴ Pilato kuti Yesu edabwa kuti Yesu wamwalila; eita mu kenturiyo nakuzomkonsha ngati wamwalila zoona. ⁴⁵ Pechinvwa kuli mu kenturiyo kuti Yesu wamwalila empasa mtembo Yosefe. ⁴⁶ Yosefe egula nyula yabafuta. Emuselusha kuchosa pa mtanda, nakumupomba bwino,nakumuika m'manda yenze yogobewa kumwala. Ekunkhuluzyilapo cimwala pa manda. ⁴⁷ Maria Magadala na Maria anyina wake Yose eonapo pecimuika Yesu.