¹ Lomba penzokuya ku Yerusalem, enze pafupi na Betefaje na Beteniya, Pa lupili ya Olivi, Yeso etuma abili ophunzila bake , ² echiti kwa beve,'' nkhoyani pamunzi ulangana napano. Mukangoloba , mupeze bulu akaliyo sebenzeshewapo. Mumasule mulete kuli neo. ³ Aliyense wati amkonsheni, kuti mutwali kuni?' muyankhe kuti ,' Ambuye ofuna lomba apa teti awelele soti kuno.'' ⁴ Eluta nakuyopeza bulu omanga pa chiseko, ndipo em'masula. ⁵ Banthu enze pafupi echiti kuli beve,'' ko muchita chinji''. tumasula bulu?'' ⁶ Elabila mwebatumila Yesu, ebalola kuti amtole bulu nakuya nae ⁷ Ophunzila abili emuleta bulu kuti akwelepo, noika vovwala vao kuti Yesu apitepo. ⁸ Anyinji banthu eika vovwala vao panjira, ayakene eika mashasha bechithyola m'minda. ⁹ Kwenze bala esogola soti na bala enzo konkha kuvula enzo kuwa , ''Hosanah! odalisika niwala akuza muzina ya Ambuye. ¹⁰ Odalisika ni ufumu ukuza wa usuwasu atata Davite! Hosanah ku lulu. ¹¹ Apo Yeso eloba mu Yerusalem eloba chalichi nolanganga vonse mkati mwala. Lomba, nthawi yenze yepita, eluta ku Beteniya na bala thwelufu. ¹² Siku yachibili, pewewla ku Beteniya, Yeso enzekunvwa njala. ¹³ Eona patali chimuti cha mkuyu chenze na matepo, eluta pafupi kuti athyole mkuyu. Pefwika pafupi, aliopezemo kanthu koma tyala matepo, pakuti yenze lini nthawi ya vipaso. ¹⁴ Elabila nacho chimuti,'' Ophunzila bake emunvwa. ¹⁵ Ewela ku Yerusalem, eloba mu chalichi noyambo pilikisha banthu enzo gulisa malonda mu chalichi. Epindimula ma tebo yabala enzo sintha ndalama na mipando ya bala enzo gulisa nkhunda. ¹⁶ Aliyolole munthu aliyense kuti atolemo kanthu kalikonse mu chalichi kakuti angagulise. ¹⁷ Ebaphunzisa kuti,'' ko chilio lembewe,' ng'anda yangu ikaitiwe kuti ng'anda ya pemphelo ku vyalo vonse'? Koma mwaipanga kunkhala ng'anda ya akawalala,'' ¹⁸ Akulu ansembe na alembi pechinvwa vechilabila, eyamba kusakila njila yakuti angampaile. Pakuti enzo muyopa kamba kamba kakuti anyinji enzo dabwa mwezo phunzisila. ¹⁹ M'mazulo mukafwika, enzo fuma mu mzinda. ²⁰ Penzoenda m'mawa, eona chimuti cha mkuyu chayuma kufuma mizyu. ²¹ Petulo ekumbuka echiti, Rabi, onani! Chimuti chamwetembelela chauma.'' ²² Yesu ebankha kuti, NKhalani chikhulupililo mwa Mulungu. ²³ Nikuti kuli mweo aliyense angakambe ku lupili kuti, ' Choka apa nkhoya ukazitae mu pa nyanja,' ngati okaika lini mumtima mwake koma okhulupilila kuti vawakamba vichitike, ndiye vatachite Mulungu. ²⁴ Lomba nukuuzyani : vonse vamupemphelelapo na vamusenga , khulupililani kuti mwandilandi, ndipo vinkhale vanu. ²⁵ Muka panama mufuno pemphela, khululukani kalikonse kamulinako mumtima, kuti Mulungu ali ku lulu akukhululukileni viipa vanu ²⁶ namwe.'' ²⁷ Ewela soti ku Yerusalem. Apo Yesu enzo enda mu chalichi, akulu ansembe, alembi, pamozi na akulu akulu onse ewela kuli eve. ²⁸ Echiti kuli eve,'' Pa ulamulilo wabani wamuchitila vonse ivi? Soti nibani ekupani ulamulio kuti mukochita vamene ivi? ²⁹ Yesu echiti kuli beve,'' nikukonsheni konsho imozi. Niuzyeni soti nikuuzyeni nuchita ivi kufuma ku ulamulilo wa bani. ³⁰ Ubatizo wa Yohane, wenze waku lulu olo waku banthu? Niuzyeni.'' ³¹ Epangana mwabeve beka noshushana, ''Tikati, niwaku lulu,' akambe kuti,'' chifukwa muliokhulupilile?' ³² Koma soti tikati,' ...enzoyopa banthu, pakuti aliyense enze ekhulupilila kuti Yohane enze Mneneli. ³³ Ndipo Yeso emuyankha kuti,'' Tuziba lini.'' Yesu ebayankha kuti nane sini kuuzyani nipa ulamulilo wabani wanu chitila ivi vinthu.''