¹ Lomba mcungulo ba sabata, pekweyamba kuca pasiku loyamba la sabata, Mariya Magadala na Mariya muyakine bewela kuzoona manda. ² Onani kwenze civomezi cikulu, pakuti m'ngelo wa Ambuye eseluka kufumila kululu, nowela kuzokunkhulujya mwala, nonkhalapo. ³ Maonekedwe bake enze monga kaleza, vovwala vake venze vituba monga sinowo. ⁴ Amalonda benjenjemela na mantha nonkhala ngati banthu akufwa. ^{5 6 7} Mungelo ebalabijya manina bala nakuti, musacite wowa, pakuti nuziba kuti musakila Yesu, wamene epacikiwa. Kuliye kuno, koma wauka, monga mwelabilila. Welani muone m'malo mwenzelala. Endeshani nkhoyani mukabaujye ophunzila bake, 'wauka kwa akufwa, onani wakuthangulilani kuya ku Galileya. Kwamene kula mukamuone.' Onani, nakuujyani.'' ⁸ Azimai mwamsanga-msanga becokakao ku manda nacisangalalo cikulene, nakuutuka kuyojya ophunzila bake. ⁹ Onani yesu ekumana nao nakuti, '' tikuoneni''. manina bewela nakuzokata mendo bake na kumulambila. ¹⁰ Ndipo yesu eciti kwabeve, '' osayopa, nkhoyani kauzyeni anekwasu kuti abekuya ku galileya, kwamene kwala bakanione.'' ¹¹ Lomba manina pebenze kuya, onani amalonda bayakine beciya mumzinda nakuujya akulu bansembe vinthu vonse vecitika. ¹² Pebekumana ansembe nabakulu- bakulu nakulabijyana nao pa vecitika, bepasa ndalama asilikali zinyinji nakubaujya kuti, '' ¹³ mubaujye bayakine, 'Yesu' ophunzila bake bewela usiku nakuiba mubili wake petenze lele.' ¹⁴ nkhani iyi ikafika kwa kazembe, timukope nakucosa nkhawa zonse kwa mweo.'' ¹⁵ Teto asilikali etola ndalama zila nakucita mwebaujyila. Iyi nkhani yefalikila pakati pa Ayuda ndipo yupitilijya mpaka lelo. ¹⁶ Koma ophunzila leveni eluta ku Galilya, ku lupili kwamene abaujya Yesu. ¹⁷ Pebemuona, bemulambila, koma bayakine bekaika. ¹⁸ Yesu ewela kwa beve ndipo elabila nao nakuti, ''ulamulilo wonse wapasiwa kwa neo kululu na ziko lapansi. ¹⁹ Moteto nkhoyani mukapange ophunzila mu vyalo vonse. Ba batizeni mu zina la tata, la mwana, na la Mzimu Utuba. ²⁰ Mubaphunzise kumvwila vinthu vonse vinekulamulilani. Onani, nili namwe masiku onse, mpaka masilijyilo ya nthawi.''