¹ Yesu efuma mkachisi ndipo enze kuya pa yeve yeka. ophunzira bake ewela kwa eve kuzomuwonesha ma mangidwe akachisi. ² Koma ebayankha ndipo eciti kwa beve , "Ko muona lini vinthu vonse ivi? Numunzyani chendi, paliye mwala uli nkhale pauyake uti usaka fumyiwe." ³ Penze nkhenzi pa lupiri la oliver, ophunzira ewela kwa eve mofsama nakulabila kuti "Tiuzyeni ni nthawi yotyani pitivikachitike vinthu ivi?" Ko nicizibisho cotyani citi tikaone cakuza kwa mweo na cosilizyira kwa chalo??" ⁴ Yesu ebayankha eciti, "Nkhalani menso kuti munthu muyakine asa. ⁵ Pakuti anyinji aka wele muzina yangu. akanene, 'ni neo chrisitu,' ndipo akasobeshe ba nyinji. ⁶ Mukamvwe za nkhondo na nkhani ya nkhondo. Onani kuti musa vutishiwe lini, pakuti ivi vinthu vufunika uchitika; Koma cisilizyiro chikaliye fike. ⁷ ndaba maiko akaukirane, na ufumu na ufumu uyake.kukabe njala na vibvomezi mu malo osiyana siyana. ⁸ Koma ivi vinthu vonse nikuyamba kwa vobaba pobeleka. ⁹ mwaici akupelekeni kuma nzunzo noku payani.Mukazondewe na vyalo vonse cifukwa ca zina langu. ¹⁰ Ndipo anyinji aka khumudwe, nogulisa muyake no zonda muyake. ¹¹ Anyinji aneneri ba wenye ba ka nyamuke nosobesha ba nyinji. ^{12 13 14} Cifukwa kusasunga lamulo kukapake, cikondi ca nyinji cika welele pansi. Koma ula wati aka limbikile kufwikila kucisilizyo akapulumuke. Uyu uthenga wabwino wa ufumu ukalalikiwe mu calo conse monga umboni ku vyalo vonse.Ndiye pati cimalizo cika wele. ¹⁵ Mwa ici, mukazoona coipa coipa copululusha, celabiliwa na muneneri daniele, cili imilile mu malo atuba" (lekan wala ubelenga amvwishishe), ¹⁶ "Lekan bala bali mu yudea ba utukile mu mapili, ¹⁷ Lekan wala ali palulu ya nanda asa seluke kuyotola chinthu mu nganda yake, ¹⁸ ndipo wala ali mu munda asa welele kuyotola chobvwala. ¹⁹ Koma casoni kulibala bana bana ndipo kwa bala olela ma kanda mu masiku yala! ²⁰ Pephelani kuti kutola kwanu kusaka nkhale mu nthawi ya phepo olo pa sabata. ²¹ pakuti kukabe ma nzuzo akulu, yati yakaliye ukalapo kuyambila chiyambi ca ziko paka lomba,yayi, ndipo siyaka kalapo soti. ²² koma tyala masiku yala yaka fupikishiwe,kuliye munthu wati aka pulumuke. koma kamba ka bala osankhiwa masiku aka fupikishiwe. ²³ Teto ngati muyakine akanene kwa mweo, 'Langa, uyu chrisitu!' olo, 'Uyo wala chrisitu!' mukhakulupilire lini. ²⁴ Pakuti achrisitu na neneri wa wenye aka wele no langizya vizibisho vikulene na vodabwisa, kuti aka sobeshe, ngati kokwanilisika bala osankhiwa. ²⁵ Langa, naku uzhyilantoni nthawi ikaliye fike. ²⁶ Mwaici, ngati onena kwa mweo, 'Langa, ali mu cipululu; musa lute mu cipululu. olo 'Langa, ali mukate muvi phinda; musa khulupilire izi. ²⁷ Pakuti monga kaleza ko nga'nimila kufuma ku m'mawa ku onekela ku mazulo, ndiye mwati kukankhalile kuwela kwa mwana wa munthu. ²⁸ kuli konse kuli nyama yakufwa,kuka nkhale makhubi. ²⁹ Koma pamene pala pavuli pa manzuzo yabala masiku zuba lika fipe, mwezi ikapeleke lini ku unika, na nyenyezi zika pone kufuma kululu na mphamvu zakululu zikagwendezeke. ³⁰ Cizibisho ca mwana wa munthu cika onekele mu mtambo, ndipo na mitunda yonse yapa ziko ikalire. Bakamuone mwana wa munthu akuza mu m'mtambo ya mululu na mphamvu na ulemelelo ukulu. ³¹ Akatume angelo bake na mau akululu a lipenga, ndipo aka bayika pamozi osakiwa bake kufuma ku mhepo zonse,kufumila ku ciyambi camu mtambo kusilizyila kuyakine. ³² Phunzirani ci phunzisho kufuma ku cimuti camkuyu. Pala msambo wankala wantheta no fumya matepo, muziba kuti mvula ili pafupi. ³³ Teto, namweo mukaya ona vonse ivi, muzibe kuti ali pafupi, pamulyango pene pene. ³⁴ Chendi nunena kwa mweo, uyu m'badwo ukapite lini mphaka ivi vinthu vonse vika citike. ³⁵ Lulu na calo vika pite,koma mau yangu yakapite lini. ³⁶ Koma payila siku na ola kuliye oyiziba, olo angelo wa kululu,kapena mwana, koma tyala Atata. ³⁷ Mwenzeli masiku Anoah, ndiye mwati kuwela kwa mwana wa munthu kuka khalile. ³⁸ Pakuti monga mwenzeli masiku yala chikaliye citika cigumula benze kulya na kumwa,kulungula naku lunguliwa mpaka ila siku noah eloba m'ngalawa, ³⁹ Ndipo aliye zibe kanthu mpaka manzi yewela nobatola- ndiye mwati kuwela kwa mwana wa munthu ku kabele. ⁴⁰ Madoda abili akabe mu munda-umozi akatolewe, umozi akasale. ⁴¹ Manina abili akopela pamphelo pa ka phelo kathonto-umozi akatolewe, ndipo umozi akasale. ⁴² Mwaici cenjelani,pakuti muziba lini siku yati Ambuye aka wele. ⁴³ Koma muzibe ici, kuti ngati mwine wa nganda enze eziba nthawi yakuza kwa kawalala, sembe ecenjela no ona kuti nganda yake isa lobewe na kawalala. ⁴⁴ mwaici munkale okonzeka , pakuti mwana wa munthu akawele pa nthawi ya musayembekeza. ⁴⁵ "Teto nibani okhulupilika na wa nchito wa nzelu wati Ambuye bake bamupasa ulamulilo kuti akapase bayake chakulya pa nthawi ⁴⁶ yake.Odalisika ni wala wanchito wamene Mbuye wake akamupenze ocita chala akayo wela. ⁴⁷ Chendi nu nena na mweo kuti munecho akamupasa ulamulilo pa vonse vala ali navo. ⁴⁸ Koma ngati wacito muyipa onena mu mtima, 'Mbuye wangu wacelwa; ⁴⁹ noyamba kunyata bayake bacito, na kulya, na kumwa na bala olezela, ⁵⁰ teto munecho wacito aka wele pa siku yamene wacito soyembekezela na pa nthawi yati soziba. ⁵¹ Munecho akamutende mutu duswa no twala mu malo na bala ba wenye, kwati kukabe kulira naku sheta meno