¹ Yesu elabila na gulu ya banthu na ophunzila bake. ² Eciti, ''alembi na afalisi onkhala pa mpando wa Mose. ³ Ndaba ya ici vili vonse vakuku ujyani kucita, citani nakulangishisha muvilondola. Koma musaatolele vocita vao, bolabila vinthu koma osavicita. ⁴ Indeomanga mitolo ikulu yovuta kunyala, nakuika pa ma phewa ya banthu. Koma beve boikako lini cimbombo cao kuinyamula. ⁵ Bocita vinthu ivi vonse kuti banthu abaone. Opangisha nkhope zao zioneke patuba, nokulisha vovwala vao. ⁶ Okonda mipando yama fumu pa madyelero na mipando ya ma fumu mumasunagoge, ⁷ na moni wa ulemu mumisika, noitiwa 'aphunzisi' na banthu ⁸ Koma mweo osaifiwa ophunzisa kamba kakuti muli na mphunzisi m'mozi, ndipo monse ndimwe pokwanu. ⁹ Ndipo musaite munthu pa ziko la pansi kuti abe wisi wanu, ndaba uli na umozi wisi wanu, ndipo ali kululu. ¹⁰ Osaitiwa 'ophunzisa' pali mphunzisi m'mozi wamuli naye Kristu. ¹¹ Koma wala onkhala opambana mwa mweo ankhale otumikila. ¹² Aliyense ozikwezeka yeka akacefyeshewe, nawala ozicefya akakwezekewe. ¹³ Koma soka kwa mweo, alembi na afalisi, awenye muvala ufumu waku lulu kuti asalobemo banthu. Poti mweo mukalobemo lini. Nakuti mulesha bala ali pafupi noloba kuti asalobemo. ^{14 15} Muli namasoka, alembi na afalisi, awenye! ndaba mukuya ku nyanja nakumtunda kupangisha munthu acimwe, nakuti akabe ngati ocimwa, mumpanga kuba ocimwa kabili ngati mwana wa gehena ngati mweo. ¹⁶ Munasoka mweo musogolela aliye menso, mweo mukuti, 'aliyense olapila chalichi, paliye kanthu. Koma onse olumbila golide wamu chalichi, onkhala omangika na cawalumbila.' ¹⁷ Mweo visilu vilye menso! cikuleni nicini, golide olo chalichi yupangisha golide kuba mtuba? ¹⁸ Nakuti, '' aliyense olumbila pa guwa, paliye kanthu, Koma aliyense olumbilamphaso zili pa guwa, omangiwa na mau bake. ¹⁹ Mweo banthu osalanga! cikuleni nicini, mphaso olo guwa yulengesha kuti mphaso zinkhale zituba? ²⁰ Apa, wala olumbila pa guwa, olumbilapo na ciliconse cilipo. ²¹ Wolumbila kutomola chalichi, olumbila onkhala mwamene mula. ²² Na olumbila kutomola kululu, olumbila mpando wa Mulungu, na onkhala pampando wake. ²³ Soka kwa mweo, alembi na afalisi, awenye! ndaba mutwala imozi imozi ymagao teni ya mbeu zonunkhila, naka mphilipili, na citobe, nosiya vikulu va lamulo, vili ciweluzocacilungamo, nakucitila cifundo na cikhulupililo. Koma izi mwenzofuna kucita, osaleka nazo izi. ²⁴ Osogolela osalanga mweo, obinga imbu nomela ngamila. ²⁵ ''Soka kwa mweo, alembi na afalisi, awenye! poti musuka kunja kwa kapuna mbale, koma mkati ndimwe ozula na cigolo na kusazilesha. ²⁶ Mweo afalisi wosalungama, yambani kusuka mkati mwa kapu na mbale, kuti kunja kwake kunkhale soti kutuba. ²⁷ Soka kwa mweo, alembi na afalisi, awenye! ndaba mulingana na manda oika njereza, yooneka yabwino kunja kwake, koma mkati mwake nimozula na mabonzo ya banthu akufwa na vonyanyisa vonse. ²⁸ Cimozi- mozi namweo, mweo knja muoneka acilungamo kwa banthu, koma mkati mwanu nimozula na cinyengo nosaweruzika. ²⁹ Soka kwa mweo, alembi na afalisi, awenye! ndaba mumanga - manga manda ya aneneri nakukongolesha manda ya banthu olungama. ³⁰ Mweo mukuti, 'kuti tenze mmumasiku ya makolo basu, nsembe tiliyekatijyane nao pofumya magazi ya aneneri.' ³¹ Pamene apo mucitira umboni mweka, kuti ndimwe bna ba bala epaya aneneri. ³² Mweo muzujya soti muyeso wa ausuwanu. ³³ Ndimwe njoka mweo. Mwebadwa ku mamba, mukwanishe tyani kuutuka ciweruzo caku gehena. ³⁴ Ndaba ya ici, langani, nutuma kwa mweo aneneri na banzeru na alembi. Bayake mwa beve mukabapaye, mukabapanyike, na bakine mukabakwapule muma sunagoge banu nakubanzunza kufumila ku mzinda uyake kufwika ku mzinda uyakine. ³⁵ Zufumamo nzakuti akafwike kwa mweo magazi onse yotaika pa ziko lapansi, kufumila pa magazi ya Abelo wacilungamo, mpakilaa magazi ya Zakaliya mwana wa Balakiya, wemwe paya pakati pa chalichi na guwa ya nsembe. ³⁶ Zoona nulabila kwa mweo, vinthu ivi vikafwike ku mbadwo uno wa lomba. ³⁷ Yerusalemu, Yerusalemu, weo upayha aneneri, nakubatema na myala bala otumiwa kwa weo! neo nefuna funa kusonkhanisha bana bako kangati, monga nkhuku yufungatila bana bake m'mapiko bake, koma weo uliye fune! ³⁸ langa, n'ganda yanu yasiiwa muliye onkhalamo. ³⁹ Pakuti mulabila kwa mweo, mukanione lini neo, kufuma lomba, mpakamukanene, wolemekezeka niwala akuza mzina ya ambuye.