¹ Ndipo ayake Afalisi na alembi ewela kwa Yesu kufuma ku Yelusalemu. Beve eciti, ² "cifukwa nicinji ophunzila banu ophwanya mudauko wa akulu? Pakuti beve osamba lini mmanja mwao pakulya." ³ Eve ebayankha na kuti, "ndipo cifukwa ninji mweo muphwanya malamulo a Mulungu kamba ka mudauko wanu? ⁴ Pakuti Mulungu eciti, 'lemekeza auso na anyoko,' na 'Eve olabilila ziipa awisi olo anyina ndithu akafwe.' ⁵ Koma mweo mukuti, 'aliyense okuti kwa awisi olo anyina, "thandizo lililonse lemwenzofunika kulandila kufuma kwa neo lomba ni mphaso yopasiwa kwa Mulungu," ⁶ uyo munthu sofunika kulemekeza awisi.' Mwa iyi njila mweo mupepusha mau a Mulungu kamba ka mudauko wanu. ⁷ Mweo awenye! Esaya eciti bwino ponenela za mweo eve peciti, ⁸ 'aba banthu onilemekeza neo na milomo yao koma mitima yao ili kutali na neo. ⁹ Beve onipembeza neo mwa tyala pakuti ophunzisa ziphunziso zao malamulo a banthu.'" ¹⁰ Ndipo eve eita gulu kwa eve nakuti, "mvwani nakumvwishisha- ¹¹ paliye culoba mukamwa cuifya munthu. Mmalo mwake, cufuma mukamwa, ici niye cuifya munthu." ¹² Ndipo ophunzila ewela nolabila kwa Yesu, "ko mwazib akuti Afalisi akalipa pabamvwa conena ici?" ¹³ Yesu eyankha nakuti, "mmela ulionse waliye cale Atata amululu ukanyuliwe. ¹⁴ Alekeni beka, beve ni osogolela osalanga. Ngati munthu osalanga osogolela munthu muyakine osalanga, onse akaponele mucisengu." ¹⁵ Petulo eyankha nakuti kwa Yesu, "tifotokozeleni mwambi uyu seo." ¹⁶ Yesu eciti, "ko namweo mukali osamvwishisha?" ¹⁷ Ko mweo cupita kuya mumala na kufuma kunja kaya mucimbuzi? ¹⁸ Koma vinthu vofuma mukamwa vufumila kumtima. Veve ndiye vinthu voifya munthu. ¹⁹ Pakuti kumtima ndiye kufumila maganizo oipa, kupayana, cigololo,ciwelewele, kuiba, umboni wawenye, na mwano. ²⁰ Ivi ndiye vinthu vuifya munthu. koma kulya na manja osasamba cuifya lini munthu." ²¹ Ndipo Yesu eluta kufuma kula na kuwelela kuya kumalo a mizinda ya Tilo na Sidoni. ²² Onani, mwanakazi waku Kana ewela kufuma ku malo bala. Eve ekuwa nakuti, "nicitileni cifundo neo, Ambuye, mwana wa Davide! Mwana wangu mwanakazi niwokatiwa na vibanda ngako." ²³ Koma Yesu aliye olo liu. Ophunzila bake ewela nomusenga eve, kuti, "Mupilikisheni, pakuti otikuwilila seo." ²⁴ Koma Yesu eyankha na kuti, "neo niliyetumiwe kumuyake koma kwa mbelele zosoba za ng'anda ya Izraeli." ²⁵ Koma eve ewela nobelamila pansi, nakuti, "Ambuye nithandizeni neo." ²⁶ Eve eyankha nakuti, "nikwabwino lini kutola buledi wa bana notaila tu imbwa tutontho tutontho." ²⁷ Eve eciti, "inde, Ambuye, olo tuimbwa tutontho tutontho tulyako mvumvu zukuwa pa ma thebo ba azimbuya bao." ²⁸ Ndipo Yesu eyankha nakuti kwa eve, "mwanakazi, cikhulupililo cako nicikulu; leka cicitiwe kwa weo monga weo mwawafunila." Mwana wake epoleshewa kuyamba ola ila. ²⁹ Yesu esiya bala malo na kuya kufupi na nyanja ya Galileya, Ndipo ekwela pa culu nonkhala pala. ³⁰ Magulu akulu akulu ewela kwake. Beve ewela nao olemala, osaona, osalabila na banthu ozizila vizo, na anyinji ayake enze olwala. Beve ebaleta ku mendo ya Yesu, na eve ebapolesha. ³¹ Koteto gulu lidabwa pebeona banthu osalabila olabila, ozizila vizo kunkhala bwino, olemala oyenda, na osaona oona. Beve elemekeza Mulungu wa Izraeli. ³² Yesu eita ophunzila bake nakuti, "neo nacita cifundo pa gulu cifukwa beve ankhala nanekale masiku atatu nakuti aliye cakulya. Neo nufuna lini kubamasula akaliye kulya, olo beve banga komoke panjila." ³³ Ophunzila eciti kwake, "nikuni kwatingapeze buledi mumalo yacipululu yokwanila kukutisha gulu likulu teti? ³⁴ Yesu eciti kwao, "buledi mulinayo ingati?" Beve eciti, "seveni, na nsomba zitontho zitontho zocepa." ³⁵ Ndipo Yesu elamulila gulu kuti bankhale pansi. ³⁶ Eve etola buledi seveni na nsomba, pavuli poyamika, eve eisuna buledi noipasa kwa ophunzila. Ophunzila eipasa ku gulu. ³⁷ Banthu onse ecilya nokuta. Pavuli pake beve betola tola maswanda seveni a buledi osuna suna osala. ³⁸ Bala ecilya enze analume folo sauzande, kucosako anakazi na bana. ³⁹ Ndipo Yesu elimasula gulu kuti alute lomba mu boti na kuya ku malo ba Magadani.