¹ Ndipo ebauzhya fanizo mwati akopemphelera nthawi zonse nakusankhala osalimbikishiwa, ² nakuti, "ku mzinda uyakine kwenze oweruza enzoyopa lini Mulungu nakusalemekeza banthu. ³ Lomba kwenze mfelekazi mu mzinda wala, ndipo enzokuza kabili-kabili kwa eve, nakuti, 'muniyavye kucita cilungamo pa unusushana naye.' ⁴ Kwa nthawi itali enzifuna lini kumuyavya, koma pakanthawi eciti mwa eve eka, 'olo kuti nuyopalini Mulungu olo kupasa ulemu munthu, ⁵ koma cifukwa cakuti uyu mfelekazi onivuta, nimuyavye kucita cilungamo, koteto kuti asanibebeshe nakuwela-wela kwake." ⁶ Ndipo Ambuye eciti, "imvwani volabila va oweruza osalungama. ⁷ Lomba ko Mulungu sakaleta cilungamo ku osankhiwa bake olila kwa mzuba na usiku? ko akacelwe ngako pa beve? ⁸ nukuuzhyani kuti akalete cilungamo kwa beve mofulumila. Olo nteto, mwana wa munthu akayokuza, akapeze ndithu cikhulupililo pa calo? ⁹ ndipo elabila soti fanizo ku bakine benzoziganizila mwa beve beka kuti bali na cilungamo nakupepusha banthu bakine, ¹⁰ "Madoda abili ekwela mu kacisi kuyopepmhela-umozi enze mfalisi na muyakine enze osonkhesha msonkho. ¹¹ Mfalisi epana nakuyamba kupemphelela pa vinthu ivi mwa eve eka, 'Mlungu, nukuyamikini kuti nili lini monga banthu bakine-akawalala, banthu osalungama, avigololo-olo momnga uyu osonkhesha msonkho. nusala kulya kabili pa sabata. ¹² Nupeleka ca khumi pa vonse vunupeza.' ¹³ Koma osonkhesha msomkho, kupanama patali, aliye noushe mutu wake mululu, koma kuzinyata pa nganga pake, nakuti, 'Mulungu, nimvwileni cifundo, ocimwa.' ¹⁴ nuti kwa mweo, lidoda ili lewelela ku ng'anda kwake lokhululukiwa osati wala muyakine, cifukwa aliyense wozikweza eka akacefyewe, koma aliyense ocepesa eka, akakwezewe." ¹⁵ Banthu benzomuletela bana kuti eve abakate, koma ophunzila bake peona izi, ebazuzula. ¹⁶ Koma Yesu ebaita, nakuti, vomelezhyani bana atontho -atontho kuwela kwa neo, ndipo osabalesha. Pakuti usumu wa Mulungu ni wa oteti. ¹⁷ Zoona nukuti kwa mweo, aliyense wati akalandile lini ufumu wa Mulungu monga mwana akaulobe lini. ¹⁸ Olamulila muyakine emukonsha, nakuti, "mphunzisi wabwino, nicite cinji kuti ninkhale na moyo wosasila?" ¹⁹ Yesu eciti kwa eve, "uniitila cinji kuti wabwino? paliye wabwino, kucosapo Mulungu yeka. ²⁰ Uziba malumulo-osacita cigololo, osapaya, osayiba, osacitila umbini wa wenye, lemekeza auso na anyoko." ²¹ Olamulila eciti, "vonse ivi nuvikonkha kufumila pinenze mnyamata." ²² Yesu pecimvwa vala, eciti kwa eve, "Usobekela ndithu cinthu cimozi. Ufunika kugulisa vonse vaulinavo nakugabilishisha kwa osauka, ndipo ukalemele ku kululu-ndipo wela, nikonkhe." ²³ Koma olamulila pecimvwa ivi vinthu, enkhala osakondwa, pakuti enze olemela ngako. ²⁴ Ndipo Yesu, kumuona eve kunkhala osakondwa eciti, "Nicovuta tyani kwa bala olemela kuloba ufumu wa Mulungu! ²⁵ Pakuti ni capafupi kwa ngamila kupita pa linso ya singano, kumbana munthu olelemela kuloba ufumu wa Mulungu." ²⁶ Bal enzokumvwa eciti, "Lomba nibani angapulumushiwe?" ²⁷ Yesu eyankha, "vinthu vusakwanishiwa na banthu vukwanishiwa na Mulungu." ²⁸ Petulo eciti, onani, tasiya kalikonse kitenzenako nomkonkhani." ²⁹ Yesu eciti kwa beve, "moona, paliye munthu liyense wasiya ng'anda, olo mwanakazi wake, olo mkwao, olo makolo bake, olo bana bake, kamba ka ufumu wa Mulungu, ³⁰ wati sakalandila zinnyinji mu calo, na calo cikuza, moyo wosasila." ³¹ Peziikila pamozi bali twelufu, eciti kwa beve, "Onani, Tukwela kuya ku Yerusalemu, Ndipo vinthu vonse volembewa na aneneri pali mwana wa munthu vikakwanilishike. ³² Pakuti akapelekewe ku bamitundu, ndipo akamseke, na kumcitisha nsoni, na kumthila mata. ³³ Bakayomnyata, akamupaye, ndipo pa siku yacitatu akauke soti." ³⁴ Baliye mwishishe pali ivi vinthu, nakuti aba mau bebisika kwa beve, ndipo baliye mvwishishe vinthu venzelabiliwa. ³⁵ Ndipo kwenze kuti, Yesu pefwika afupi na Yeriko, Lidoda liyakine lenzonkhala pambali pa njira kupempha, ³⁶ ndipo kumvwa gulu lupita, ekonsha cenzocitika. ³⁷ Bemuuzhya kuti Yesu waku Nazareti opita. ³⁸ Teto lidoda losanga lelila mokuwa, nakuti "Yesu, mwana wa Davite, nicitile cifundo." ³⁹ Bala benzoyenda belizuzula lidoda losanlanga, kumuuzhya kuti ankhale cete. Komaekuwilako ngako, "Mwana wa Davite, nicitile cifundo." ⁴⁰ Yesu epanama cilili nolamulila kuti lidoda alilete kwa eve. Ndipo lidoda losalnga palenkhala pafupi, Yesu emkonsha, ⁴¹ "Ufuna kuti neo nikucitile cinji?" eciti, "Ambuye, nifuna kulanga." ⁴² Yesu eciti kwa eve, "landila kulanga kwako. Cikhulupililo cako cakupolesha." ⁴³ Pamene apo elandila kulanga kwake nakumukonkha, olemekeza Mulingu. Banthu onse pibeona izi beyamikila Mulungu.