¹ Yesu eciti kwa ophunzila bake, "ici nicibikilatu kuti kukankhale vinthu vati vikotilengesha kucimwa, koma soka kwa wala munthu wamene wati akawele navo! ² cenze ca bwino kwa eve kuti mwala wamphero wekolobekewa mumkosi mwake nakuti enzeponyewa mnyanja. Kuposa kuti umozi wa bana atontho aba akakhumudwe. ^{3 4} Muzilangilile mweka. ngati mukwanu wacimwa, mzuzuleni, ndipo ngati walapa, mkhululukileni. ⁶ Otumiwa eciti kwa Ambuye, "mupakishe cikhulupililo casu." ⁵ Ambuye eciti, "kuti mwenze na kachikhulupililo monga mbeu ya mpiru, mungalabile na cimuti ca malubeni, 'nyuka, nakuyocaliwa mu nyanja,' cinkakumvwileni. ⁷ Kom nibani wa mweo, alinaye wa nchito wolima olo wosunga mbelele, nagalabile kwa eve pawafuma kumunda, wela lomba nkhala pansi ulye'? ⁸ sazalabila naye kuti, unikonzela cakulya nakunitumikila mpaka nisilizye neo kulya na kimwa. Pavulipke pake ullye nawe nakumwa'? ⁹ Eve omuyamikila lini wanchito wake cifukwa ecita vinthu vemulamulila kucita acite? ¹⁰ Olo niteto mweo namwe, ngati mwacita vinthu vonse vamene vakukulamulilani, mulabile kuti, 'nise anchito osayenela , tangocita vitenzofunaka kucita."' ¹¹ Cecitika kuti Petulo ku Yerusalem, eluta pakati pa Asamariya na Galileya. ¹² Penzoloba m'munzi uyakine, ekumana na madoda bali teni benze na makhate be panama patali na eve. ¹³ ndipo ekweza mau bao, eciti, "Yesu , Ambuye, ticitileni cifundo seo." ¹⁴ Pecibaona beve, eciti kwa beve, nkhoyani mukazioneshe kwa nasembe." Pabenzokuya bekonzewa. ¹⁵ Umozi wa beve peona kuti wapoleshewa, ewelela kuvuli, na lizu lokweza kulemekeza Mulungu. ¹⁶ Epona pansi pa mendo ya Yesu, kumthokoza, Enze Msamaria. ¹⁷ Ndipo Yesu eciti, "enzelini teni okonzewa? nanga naini bali kuni? ¹⁸ Kwenzeve bayakine bewelela kozolemekeza Mulungu, kucosako uyu tyala mulwendo?" ¹⁹ eciti kwa eve, "panama, no kuya. cikhulupililo cako cakupolesha. ²⁰ Kukonshewa na afalisi kuti ukawele lini ufumu wa Mulungu, Yesu ebayankha eciti, "ufumu wa Mulungu suwela na kulangilila mwa chelu. ²¹ Akalabili lini kuti, 'langani, 'siuyu!' olo, 'siula!' pakuti langani, ufumu wa Mulungu ulu mwa mweo." ²² Eciti kwa ophunzila bake, " masiku akuza pakuti mukafune kuona imozi ya siku ya mwana wa munthu koma simkaiona. ²³ Ndipo bakabile kwa mweo, langani, kuno! langani, kula!' koma musafume olo kubautukila, ²⁴ Pakuti monga kaleza kowala mumakumbi kusanika mbali imozi ya kululu na ku mbali iyakine ya kululu, zikabe teto na mwana wa munthu mumasiku yake. ²⁵ Poyamba ofunika kuvwala vovwala vinyinji na nakukaniwa na mbadwe uyu. ²⁶ Monga mcecitikila m'masiku ya Nowa, moteto zikacitike soti m'masiku ya mwana wa munthu. ²⁷ Becilya, becimwa, belungula, ndipo betwaliwa mcikwati mpaka siku yeloba Nowa Mngalawa-ndipo manzi yesefukila na kubaononga onse. ²⁸ mnjira imozi, mzecitikila m'masiku ya Loti-benze kulya na kumwa, kugula nakugisa, kucala na manga. ²⁹ Koma mu siku yakuti Loti wafumamo mu Sodomo, kwelokwa mulilo na sulfure kufuma kululu nakubaononga beve onse. ³⁰ Kufuma m'macitidwe amozi zikabe teto mu siku yakuti mwana wa munthu akaoneshewe. ³¹ Mu siku siku ila musakamlole ula ali pa mtenje wa ng'anda kuti akaseluke na kuya panja pang'anda, ndipo musakalole wala ali ku munda kuti akawelele. ³² Kumbukilani mwanakazi wa Loti. ³³ Aliyense ofuna kusunga umoyo wake akautaye, koma aliyense otaya umoyo wake akaupulumushe. ³⁴ Nukuuzhyani, pakankhale banthu babili pa bed imozi. Umozi akatolewe, na umozi akasale. ³⁵ Kukankhale manina abili opela pamozi. Umozi akatolwe, umozi akasale." ^{36 37} Bemukonsha, "nikuni, Ambuye?" Eciti kwa beve, "ni kuni kuli mtembo, kukankhale vikwalala soti kuunjikana pamozi."