¹ Yesu naye eciti kwa ophunzira, "Kwenze lidoda liyake lolemela yenze nakapitao, ndipo cheuzyiwa kwa yeve kuti uyu kapitao enze kuononga katundu wake. ² Teto lidoda ila lolemela le muita naku nena kwa eve, 'Ko nicinji canukuvwa za weo? nibelengele za ukapitao wako, pakuti ungankhale lini soti kapitao.' ³ Kapitao eciti mwa eve eka, 'ningacite tyani, pakuti Ambuye wangu anilonda nchito yangu ya ukapitao? niliye mphamvu zokumbila, ndipo nina nsoni kupempha. ⁴ Nuziba citi nicite, koteto kuti ngati nafumyiwa pa nchito yangu yaukapitao, banthu akanilandile m'mang'anda mwao.' ⁵ Teto kapitao eita umozi-umozi wa bankhongole ba abwana bake, nakukonsha woyamba, 'Uli na nkhongole zingati kwa abwana bangu?' ⁶ "eciti, muyeso wa handeledi mafuta ya azitona.' Eciti kwa eve, tola muyeso wako nkhala pansi kamangu, ndipo ulembe fifite.' ⁷ "Ndipo kapitao eciti kwa muyakine, 'Uli na nkhongole zingati' "Eciti, 'muyeso wa masaka handeledi ya tiligu.' Eciti kwa eve, 'tola nkhongole yako, nakulemba eite.' ⁸ Ndipo abwana emuyamika kapitao osalungama cifukwa ecita mocenjela. Pakuti bana ba pa calo cino ocita mocenjela m'macitidwe bao na banthu bao kupambana bana atuba. ⁹ Nukuuzhyani mweo, pangani ayanu mnjira ya cuma cosalungama kuti ngati cikasila, bangayokulandilani mu m'mananda yosasila. ¹⁰ Eve wala okhulupilika mu tutontho okhulupika soti mu vinyinji, na wala osalungama mu tutontho olungama lini soti mu vinyinji. ¹¹ Ngati nimwe osakhulupilika pa kusebenzesha cuma cosalungama, nibani akakhulupilileni mu cuma cacendi? ¹² Ngati muliye khulupilike pa kasebenzeshedwe ka vinthu va yanu, nibani wati akakupeni dalama zanu zanu? ¹³ Kuliye kapolo angatumikile ambuye abili, pakuti angazondepo umozi nokonda muyakine, olo angotumikila umozi nakusula muyakine. Sungatumikile Mulungu na cuma. ¹⁴ Lomba afalisi, benzokonda ndalama, ecimvwa vonse ivi, nakumuseka. ¹⁵ Eciti, kwa beve, "muziwamilizhya mwaeka pamenso pa banthu, koma Mulungu okuzibani m'mitima mwanu. Ula ozikweza pa menso pa banthu, akuba okaniwa pamenso pa Mulungu. ¹⁶ Lamulo na aneneri benzokonkhewa kufwikilaYohane pewela. Kufumila nthawi ila mpaka lomba, uthenga wabwino wa ufumu wa Mulungu ulalikiwa, na aliyense oyesa kuzikakamizya kulobamo. ¹⁷ Koma niicapafupi kululu na pansi kusila kupambana imozi liu ya lamulo kufumyiwapo. ¹⁸ Aliyense oleka mwanakazi wake nakukwatila muyake ocita cigololo, ndipo eve okwatila ula olekewa na mwanalume wake ocita cigololo. ¹⁹ "Lomba kwenze lidoda liyakine lolemela yenzovwala nyula ya bafuta yabwino nakukondwela masiku yonse mukulemela kwake. ²⁰ Osenga senga muyakine zina yake Lazaro enzoikiwa pamlyango, enze na vilonda mubili onse, ²¹ ndipo enfunishisha kulya zenzoitaka pa thebulo ya lidoda. Olo imbwa zewela kuzomyanga vilonda vake. ²² Cecitika kuti osenga wala ecifufwa nakutolewa nakuyonkhala k mbali ya Abrahamu. Olemela naye ecifwa nakuikiwa m'manda, ²³ mu Hade mu manzunzo, enyamula menso bake nakuona Abrahamu patali na Lazaro pambali pake. ²⁴ Koteto kuti elila mokuwa nakuti, 'Atata Abrahamu, nicitileni cifundo neo nakutuma Lazaro, kuti aike cimo m'manzi nakuzizika lilime yangu, pakuti nuvuti mu mumuliro.' ²⁵ "koma Abrahamu eciti, 'mwanawe, kumbukila kuti pa nthawi yako welandila vinthu vako vabwino, na Lazaro cimozi-mozi vinthu viipa. Koma lomba otonthozewa kuno, naweo uli m'mavuto. ²⁶ Kufumyapo ivi vonse paikiwa cisengu, bala ofuna kuwela uko kwa mweo angawele lini, na bala ofuna kuwe;a kun kwa seo angawele lini. ²⁷ "Olemela eciti, 'nukupemphani, mweo, Atata Abrahamu, kuti mungamtume ku ng'anada ya atata bantu- ²⁸ ndaba nili nao azinekwasu faifi-kuti akabcenjezhye, kuti angayowela kuno ku malo yonzunza. ²⁹ Koma Abrahamu eciti, 'alinao Mose na aneneri; lekani abamvwile beve.' ³⁰ Lidoda yolemela yeyankha, 'yai Atata Abrahamu, koma ngati muyakine angalute kwa beve kufuma kuno kwa akufwa, akatembenuke.' ³¹ "Koma Abrahamu eciti kwa eve, 'ngati amumvwire lini Mose na aneneri, angamvwe lini olo muyake angauke kuno kwa akufwa."'