¹ Lomba okhomesha misonkho onse na ayakine ocimwa penzo wela kwa Yesu kuyomvwilila eve. ² Onse afalisi alembi bedandaulalina, beciti, ''illi lidoda lilandila ocimwa na kulya nao.'' ³ Yesu ebaujya fanizo iyi, eciti, ⁴ ''nibani pa mweo, ngati eve alinazo mbelele handiledi ndipo imozi yasoba pa zeve, osiyalini nainte naini zila msanga na nayosakira imozi yosoba mpaka kuikhanda? ⁵ ndipo akaikhanda, oinyamula pa phewa pake nakukondwera. ⁶ Akafwika ku nanda, oita ayake na abululu bake pamozi, nolabila kwa beve, 'kondwerani nane, pakuti naipeza mbelele yangu yosoba.' ⁷ Nulabila kwa mweo kuti olo n'teto, kukabe kukondwa kululu kamba ka umozi kutembenuka mtima, kupambana olungama nainte naini osafuna kutembenuka mtima. ⁸ linina ltyani lili na ndalama za masiliva teni, ngati wasobesha imozi, oyasha lini nyale, nakupyanga mnanda nasakila mosamala mpaka kuikhanda? ⁹ Ndipo kaikhanda, oita yake onse na abululu pamozi, nolabila, 'kondwerani nane, pakuti naikhandanda ndalama yangu yenesobesha. ¹⁰ Olo n'teto, nulabila kwa mweo, kuti kuli kukondwa pamenso pa angelo a Mulungukamba ka ocimwa omozi kulapa'' ¹¹ Ndipo Yesu eciti, ''lidoda liyakine lenze na bana abili analume, ¹² ndipo mtontho wa beve eciti kwa awisi, 'atata, gao ya cuma yuyenela kuba yangu. 'teto egaba katundu pakati pao. ¹³ Mosapita masiku mwana mtontho eunjika vake vonse nakuya ku calo cakutali, ndipo kula eononga cuma cake conse pa umoyo wosasamala. ¹⁴ Lomba pesilijya vinthu vonse, njaal ikulene yefwika mu calo cila, ndipo eyamba kuvutika ¹⁵ Eciya nayozilobesha nchito kwa umozi wa mcalo mula, amene emtuma eve kuloba m'munda mwake kundyeshela nkhumba. ¹⁶ Enzo kulya mondwela vakulya vazenzokulya nkhumba kamba kakuti paliye emupako vakulya. ¹⁷ Koma mwana mtontho maganizo bake pewelamo, eciti, ''nibangati olembewa anchito ba atata alinavo vakulya vokanila, ndipo nilikuno, nukufwa na njala! ¹⁸ nikanyamuke nofumako kuno nakuya kwa atata, nikalabile kwa beve, ''atata, nacimwila kululu namweo. ¹⁹ Nuyenela lini soti mwana wanu; niikeni neo ninkhale ngati wanchito wanu.'' ²⁰ Teto mwana mtontho enyamuka nakuya kufupi na awisi. Akali patali, awisi emuona eve nakukatiwa na cifundo, ndipo emuutukira nakumkumbatira nakumfyofyona eve. ²¹ Mwana eciti kwa beve, 'atata, necimwila kululu na mweo. Nuyenela lini kuitiwa mwana wanu. ²² Awisi eciti ku banchito bao, 'letani kamangu mkhanjo wabwino, nakumuvwalika, nakumuvwalika cibangili ku kwanja yake, na nkhwabilo ku mendo yake. ²³ Ndipo letani mwana wa ng'ombe oita apaiwe. Tiyeni tilye nakukondwera! ²⁴ pakuti mwana wangu enzecifwa, koma lomba alimoyo. Enze soba ndipo lomba wapezeka.' Ndipo beyamba kusekelera. ²⁵ ''Lomba mwana wake mkuleni enze kumunda. Paewela na kufwika pafupi na nanda, ecimvwa kuimba na kuvina. ²⁶ Eita umozi wa anchito na kumkosha vinthu venzocitika venze tyani. ²⁷ Wanchito eciti kwa eve, mkwanu wawela kunanda ndipo auso apaya mwana wa ng'ombe oina amulondela wa moyo! ²⁸ Mwana mkuleni ekalipa nakusalobamo, ndipo awisi efuma nakumudandaulila eve. ²⁹ Koma mwana mkuleni eyankha na kulabila kwa awisi, 'langani, zaka zinyinji nakucitilani ukapolo, ndipo niliye kane lamulo yanu, muliye nipeko mwana wa mbuzi kuti nisekelele na ayangu, ³⁰ koma paewela mwana wanu, amene esilijya vamoyo vanu na mahule, mwemupaila mwana wa ng'ombe oina.' ³¹ Awisi ecti kwa eve, mwanawe, uli na neo nthawi zonse, ndipo vonse vangu ni vako. ³² Koma cenze cabwino kwa seo kukondwera, pakuti mkwanu enzecifwa, ndipo lomba ali moyo; enzesoba, ndipo lomba wapezeka.