¹ Cecitika siku imozi kuti Yesu enzopemphela pamalo payakine. Pesilizya, m’mozi wa ophunzila bake echiti kwa yeve, ”Mbuye, tiphunziseni kupemphela monga Yohane ebaphunzisila ophunzila bake.” ² Yesu eciti kwa beve, ”Popemphela mukokamba kuti ’Atate, lekani zina lanu lituba lilemekezeke. Lekani ufumu wanu uwele. ³ Mutipase seo cakulya ca siku na siku. ⁴ Mutikhululukile seo macimo basu monga mwamene sewo tubakhululukila ankhongole basu. Musatitolele seo motiyesa.'” ⁵ Yesu eciti kwa beve, ”Nibani pa mweo angankhale namuyake nakuya kwayeve pakati pa usiku nokukamba kuti, ’Muyangu, nichelekeko buledi utatu, ⁶ pakuti muyangu wangowela kufuma kunjila ndipo niliye ciliconse comupasa.’? ⁷ Ndipo uyo ali mkati angayankhe kuti, ’osanivuta newo. Ciseko nchovala, nabana bangu, pamozi na neo, tililele. Ningakwanishe lini kuuka kukupasa buledi weo.' ⁸ Nukamba kwa mweo, olo kuti aliyeuke kukupasa buledi wewo cifukwa niwe muyake, koma cifukwa ca kuyumilila kwa wewo, auke nokupasa mabuledi anyinji mwaufunila. ⁹ Nukamba soti na mweo, sengani ndipo mupasiwe; funani ndipo mupeze, gogodani ndipo cibvulike kwa mweo. ¹⁰ Pakuti munthu aliyense akasenga olandila; na munthu wofuna -funa opeza, koma soti ku munthu wogogoda, cuvulika. ¹¹ Nitata uni pa mweo ngati mwana wanu wakusengani nsomba angamupase njoka m’malo mwa nsomba? ¹² Kapena akamusengani lindanda mungamupase chinkhanila? ¹³ Mwaichi, ngati mweo muli aipa muziba kupasa mphaso zabwino ku bana banu, nchopambana tyani atata wakululu kuyopasa mzimu utuba kwa beve omusenga yeve?" ¹⁴ Lomba yesu efumya ciwanda cosalabila. Pamene ciwanda celuta, lidoda lenzolabila lini lelabila, ndipo gulu ledabwa. ¹⁵ Koma banthu ayakine echiti, "nibelezabulo, mukulene wa vibanda, ofumya vibanda.” ¹⁶ Bayakine bomuyesa numukosha chizibiso cha kululu. ¹⁷ Koma Yesu eziba venzoganiza beve nolabila kuti, ”ufumu uliwose ukagabanika uphwanyike ndipo ng’anda ikagabanika yupona. ¹⁸ Ngati satana ogabanikana mwaeve eka ufumu wake ungapaname tyani? Pakuti mweo mukuti neo nucosa vibanda na belezabele. ¹⁹ Ngati neo nufuna vibanda na beelzbule, nanga okukonkhani mweo ovufumya mzina ya bani? Cifukwa ca ici, akankale okuweluzani. ²⁰ Koma ngati nufumya vibanda nachikumo ca Mulungu, ndiye kuti ufumu wa Mulungu wawela kwa mweo. ²¹ Pamene mwanalume wa mphamvu ocinjilizya ng'anda yake, katundu wake unkhala bwino. ²² Koma pamene mwanalume wamphamvu ngako wamupambana, mwanalume wamphamvu otola zida zake zamene yeve otamila nakucheneka katundu wake. ²³ Uyo wamene ali lini na neo oshushana nane, ndipo wamene osankhanisa lini na neo omwazya. ²⁴ Pamene cibanda ciipa cikafuma mumunthu, copitilila kuya ku malo kuliye manzi kufuna kuyopumula. Cikakangiwa kupumula, cikuti. ’nuwelela ku ng’anda kwangu kwenefumila.’ ²⁵ Cikawelela, nakupeza ng’anda yala niyopyela nokonzewa bwino. ²⁶ Culuta nakuyotola vibanda viyake seveni viipa ngako kuposa ceve ndipo vonse vuwela nakuloba nakunkhazikika. Moteto masilizyilo bake ba uyo munthu onkhala aipa koposa poyamba." ²⁷ Zecitika kuti, pelabila vinthu ivi, mzimai muyakine ekuwa kuposa gulu eciti, "yodalisika ni vumo yewebadwako na maziba bewenyonkhako." ²⁸ koma eciti, "inde, odala ni ao akumvwa mau a mulungu nakubasunga." ²⁹ Pamene gulu lenzopaka, Yesu eyamba kulabila, "mbadwo uno ni mubadwo uipa. Ufuna ciziwisho olo kuti kuliye ciziwisho cangapasiwe kupatula ca yona. ³⁰ Pakuti monga Yona enkhala ciziwisho ku a ku ninive, nchimozimozi na mwana wa munthu akankhale ciziwisho ku mbadwo uno. ³¹ Nkhosi kazi ya kumwela ikaime paciweluzo na na analume a mbadwo uno nakubashusha, pakuti yewela kucoka kusilizyila kwa calo kuzokumvwa nzelu ya solomo, ndipo onani, mkulene woposa solomo ali pamene pano. ³² Analume a ku ninive akapaname kuciweluzo na mbadwo wa banthu ndipo akaushushe, pakuti elapa pebalalikila Yona, ndipo langani, mkulene woposa Yona ali pamene pano. ³³ Paliye, angayashe nyale, nakuibisa olo kuiika myasi mwa swanda, koma pacoikapo cake, kuti ao bati balobe aone kutuba. ³⁴ Liso yako ndiye nyale ya mubili wako. Ngati liso yako niyabwino, mubili wonse utuba. Koma ngati liso lako niipa, mubili wako wonse uzula finzi. ³⁵ Mwaici, mucenjele kutuba kuli mwa mweo kusankhale finzi. ³⁶ Ngati lomba mubili wako wonse niwozula na kutuba, osankhala namdima kuciwalo ciyake, ndiye kuti mubili wako wonse unkhala ngati nyale yusanika pa weo." ³⁷ Pecisiliza kulabila, mfalisi emsenga kuti akalye naye kung’anda kwake, ndipo yesu eluta nakuyokulya. ³⁸ Mfalisi edabwa pakuti Yesu aliye sambe akaliyeyambe kulyacakulya ca m’mazulo. ^{39 40 41} Koma Ambuye eciti kwa yeve, "koma lomba, mweo afalisi musuka kunja kwa kapu na mbale, koma mkati mwanu nimozula na cigolo na kuipa. Mweo analume muliyenzelu! sikuti uyu epanga kunja ndiye epanga na mkati? Pasani camene, cili mkati ngati zacifundo, ndipo vinthu vonse vikunkhalileni vituba." ⁴² "Koma soka kwa mweo afalisi, cifukwa mupeleka cakhumi na vonse vofuna mdimba, koma musamala lini cilungamo na cikondi ca Mulungu. Ncabwino kucita cilungamo na kukonda Mulungu. Osakangiwa kucita zinthu ziyakine soti. ⁴³ Koma soka kwa mweo afalisi, pakuti mukonda mipando yapasogolo m’masunagoge nakupasiwa moni waulemu m’malo amisika. ⁴⁴ Soka kwa mweo, Pakuti muli ngati manda aliye ciziwisho ndipo banthu opitapo cosaziwa." ⁴⁵ M’mozi woziba malamulo eciti, "Mphunzisi zamukamba zotinyoza seo." ⁴⁶ Yesu eciti, "soka kwa mweo, aphunzisi alamulo! Pakuti muika banthu pa mabvuto olimba nakubanyamulisha, koma mweo simubakhuza mabvuto awo na kamozi ka vimbombo vanu. ⁴⁷ Soka kwa mweo, cifukwa mumanga manda ba aneneli, pamene nimakolobanu ewapaya. ⁴⁸ Teto nimwe mboni koma soti mubvomeleza ncito za makolo banu, pakuti beve ebapaya cendi ndipo mweo mubamangila manda. ⁴⁹ Pacifukwa ici, nzelu ya mulungu ikuti, 'nikabatumile aneneli na atumiki, ndipo akabanzunze nakupaya ayakine mwa beve.' ⁵⁰ Mbadwo uyu, ukayankhe pa magazi ba aneneli betaika pa kunkhazikisa zoko, ⁵¹ kufuma pa magazi ba Abelo kufwika pa magazi ba Zakaliya, amene epaiwa pakati pa guwa na ng’anda ya kacisi. Inde, nulabila kwa mweo, mbadwo uyu ukayankhe mlandu. ⁵² Soka kwa mweo wozibisisha malamulo, cifukwa mwacosa makiyi ba nzelu; kwakuti mungalobelini na mweo kumo. Ndipo muvalizya nayawo oloba." ⁵³ Yesu pefuma apo, alembi na afalisi akangana naye nakumususha yeve za vinthu vinyinji, ⁵⁴ nakumulindila, kuti amtape mkamwa.