¹ Lomba pivepita ivi vinthu, Ambuye esankha bali sevente bayakine, nobatuma beve abili abili kuti amusogolele kumizinda nakumalo lwenzofunika eve kufwikako. ² Elabila nao, ''vowejya vapata, koma banchito bacepa. Teto, musengeni mwinekazi wa vowejya atumijye banchito mumunda wake. ³ Nkhoyani na ulendo wanu. Onani neo natuma mweo monga bana ba mbelele pakati pa nkhandwe. ⁴ Osanyamula thumba ya ndalama, olo thumba ya vakulya, olo nsapato, ndipo osapasa moni aliyense panjira. ⁵ Mng'anda iliyonse yatimukalobe, coyamba mukalabile, 'mtendele ube pa ng'anda iyi! ⁶ ngati munthu wa mtende le, mtendele wanu upumule pa eve, koma ngati muliye, uwelele kwa mweo. ⁷ Munkhale mumene umo mng'anda , kulya na kumwa vakuoasani, pakuti wanchito nioyenela malipilo bake. Osayenda yenda kufuma mu nanda iyi kuluta munanda iyakine. ⁸ Mzinda uliwonse umwaloba, Ndipo akulandilani, lyani cakupani ⁹ ndipo mucilishe olwala balimo. Labilani kwa beve, 'Ufumu wa Mulungu wawela pafupi na mweo.' ¹⁰ Mukaloba mumzinda ndipo aliye kulondeleni, mulute kunja mnjila nakulabila, ¹¹ Olo kakungu wamumzinda mwanu wematilira kumendo kwasu tukukunkhumulilani! koma muzibe ici: Ufumu wa Mulungu wawela pafupi.' ¹² Nulabila kwa mweo kuti pa siku ya ciweruzo ikalekelelewe ngako Sodomo kupambana mzinda uyo. ¹³ Soka weo, Korazini! Soka weo, Betisaida! ngati zinchito zamphamvu zenzecitika mwa weo zenzecikira mu Turo na mu Sidoni, sembe belapa kale-kale, kunkhala mu vovwala na mu milota. ¹⁴ Koma cikankhale colekelelewa ngako kwa Sidoni na Turo ku ciweruzo kupambana canu. ¹⁵ Weo, Kapenamu, uganiza kuti ungakwezewe mpakana kululu? yai ukaselushiwe pansi ku Hade. ¹⁶ Wala womvwila mweo omvwila neo, ndipo wala wokukanani okana neo, na wala okana neo okana wala enituma.'' ¹⁷ Bala sevente bewela okondwera, nakuti, '' Ambuye olo vibanda veetimvwilila mu zina yanu.'' ¹⁸ Yesu eciti kwa beve, ''namuona satana kupona kucoka kululu monga kaleza. ¹⁹ Onani, nakupani ulamulilo woponda pa njoka na pa zimphanila, na ulamulilo kupambana mphamvu zonse za mudani nakuti kuliye kanthu kali konse kangakuonongeni munjila iliyonse. ²⁰ Koteto musakondwere mu izi tyala, kuti mizimu iipa yakumvwilani mweo, koma kondwerani mopitirila kuti mazina banu niwolembewa kululu. ²¹ Panthawi imozi wokondwera ngako mumzimu utuba, nakuti, ''nukuyamikani, atata, Ambuye akululu na apansi, cifukwa mwevibisa ivi vinthu ku banzeru na womvwishesha naku ziululila kuwosaphunzira, monga bana atontho. Inde, atata, poti cenze cabwino m'menso mwanu. ²² Ivi vonse vepasiwa kwa neo kufuma kwa atata, ndipo paliye oziba mwana kocosako atata, ndipo paliye oziba atata kucosako mwana nabala esankhiwa na mwana kubaulila eve. ^{23 24} Ecungulukila ku ophunzila na kulabila mobisa, ''Odalisika bala woona vinthu vumuona mweo. Nulabila kwa mweo, aneneri anyinji nama mfumuefunishisha kuona vinthu vamona, ndipo beve aliye vione, nakumvwa vinthu vumukumvwa, ndipo baliye vimvwe beve.'' ²⁵ Onani ozibishisha malamulo epanama kuti amuyese eve, eciti, ''mphunzisi, nicite cinji kuti nikankhale nao moyo osasila?'' ²⁶ Yesu eciti kwa eve, '' mulamulo mwelembewa kuti tyani? muibelenga kuti tyani?'' ²⁷ epeleka yankho nakuti, '' mukakonde ambuye Mulungu wanu na mtima wanu wonse, na moyo wanu wonse, na mphamvu zanu zonse, na nzeru zanu zonse, na mnansi wanu monga mweo mweo mweka. ²⁸ Yesu eciti kwa eve, wayankha bwino. Ucite ici, ndipo unkhale na moyo.'' ²⁹ Koma eve, kukhumbwira kuziyenerejya eka, eciti kwa Yesu, ''mnansi wangu nibani?'' ³⁰ Yesu emuyankha eciti, '''munthu muyakine enzekuya kufumir ku Yerusalemu kuluta ku Yeriko. Eciyozipeza pakati pa akawalala, amene emuvula vovwala vake nakumunyata nomusiya ali pafupi kufwa. ³¹ Mwamwai wansembe muyakine esondokera mnjira ila, napemuona, epitila mbali iyake. ³² Mnjira imozi, mlevi naye, pefwika pamalo noona, epitila kumbali iyake. ³³ Koma msamaliya muyakine, ali paulwendo, efwika paenze eve. Pemuona, ecita cifundo. ³⁴ Emufwika nakumanga vilonda vake, ethirapo mafuta na vinyu. Emuika pa nyama yake ewera naye kunanda ya alwendo, nomusamalila. ³⁵ M'mawa mwake mwake echosa ndalama zibili, nozipasa kwa osunga, eciti, '' mumusamalile, nakalikonse kati mukasebenzeshe, nikayowelera, nikuwejyeleni.'' ³⁷ Nibani mwa aba atatu wauyesa weo kuti enze mnansi wake wa wala epezeka pakati pa akawalala?'' ³⁶ eciti, ''niula emucitira cifundo.'' Yesu eciti kwa eve, ''nkhoya ukacite cimozi-mozi.'' ³⁸ Lomba beve pebenze paulwendo, eve eloba mumzinda uyakine, na mwanakazi muyakine zina yake Malita emulandila eve munanda yake. ³⁹ Enze namkwao zina yake Maria, enkhala kumendo kwa Yesu nakumvwa mau bake. ⁴⁰ Koma Malita etangwanika ngako nakukonzekela kugaba cakulya. Eve ewela kwa Yesu nakuti, ''Ambuye, mweo musamalila lini kuti mkwasu wanisiya kuti nigabe neka? moteto muujyeni kuti aniyavye.'' ⁴¹ Koma ambuye eyankha kuti kwa eve, '' Malita, Malita, ucita nkhaba nakuvutika na vinthu vinyinji. ⁴² Koma cinthu cimozi niye cofunikila, Mariya wasankha cabwino ngako, ndiye cati cikaleke kutolewa kufuma kwa kwake.