¹ pavepita ivi vinthu, Yesu eluta kumbali iyakine ya Galileya, yenzoitiwa soti kuti nyaja ya Tiberia. ² Banthu banyinji bemukonkha cifukwa beona vizindikilo venzocita kwa bala benzolwala. ³ Yesu eluta kulupili ndipo enkhala pansi na ophunzila bake. ⁴ (Lomba pasika,mwambo wa Ayuda, wenze pafupi.) ⁵ Yesu pelanga eona banthu anyinji akuza kwa eve, eciti kwa Filipo, "tikagule kuni buledi kuti banthu ballye?" ⁶ (koma Yesu elabila ici kuti amuyese Filipo, Poti eve mwinikazi enzoziba zati acite.) ^{7 8 9} Filipo emuyankha, "madinali abili kugula buledi vikwanile lini kwa aliyense kuti abe nako katontho. Umozi wa ophunzila Andeleya mkwao wa Simoni Petulo, eciti, kwa Yesu, "Pali kamnyamata kali na buledi ubili koma utu ni tucinji pa banthu banyinji. ¹⁰ Yesu eciti, "auzhye banthu ankhale pansi." Lomba penze mauzu pamalo. Teto banthu benkhala pansi, banthu benze faivi sauzande. ¹¹ Ndipo Yesu enyamula mikate ndipo peyamika epasa kwa ophunzila benzenkhezi. Ecita cimozi-mozi na nsomba, monga mwefunila. ¹² Banthu pabekuta, eciti," kwa ophunzila bake, "ikani pamozi vasalako visaonongeke." ¹³ Ndipo betola zonse pamozi nakuzhuzhya manswanda twelufu ya nyenyenswa yesalako pa ma buledi faivi besako kwa bala becilya. ¹⁴ Pamene, banthu peciona vizindikilo ivi vecita, beciti, "zoonadi uyu nimneneri akokuza pa calo." ¹⁵ Pamene Yesu ekumbukira kuti basala patontho kkua kuti bamukate bamuike mfumu ecokapo kuya kulupili payeka. ¹⁶ Pikwefika usiku, ophunzila bake beluta ku nyanja. ¹⁷ Bekwela mu boti, ndipo beluta ku Kapenamo. Kwefipa pa nthawi iyi, ndipo Yesu enze akaliyewela kwa beve. ¹⁸ Mphepo ikuleni yenzokuntha, ndipo yekalipa. ¹⁹ Peyenda mtunda wa ywenty kilomita, beona Yesu oyenda pamozi panzi nakuwela pafupi na boti ndipo becimvwa mantha. ²⁰ Koma eciti kwa beve, "nineo! musayope." ²¹ Ndipo benze okonzeka kumulandila yeve muboti, ndipo nthawi iyo boti yefwika kubenzokuya. ²² Siku yokonkhapo, uninji wepanama kusilya iyakine beona kuti kwenzeve boti eiyakine koma imozi yamene Yesu enze akaliye kukwelamo. pamozi na ophunzila bake olo kuti ophunzila bake benzocokapo pabeka. ²³ Mwaici, kwenze maboti bayakine becoka ku Tiberia kufupi namalo kubelyela mabuledi pamene Ambuye eyamika. ²⁴ Banthu pabeziba kuti Yesu olo ophunzila bake kuliye, beve beka beloba m'maboti naluta ku Kapenamokufuna Yesu. ²⁵ Pemuza, kusilya iyakine ya nyanja, eciti kwa eve, "Rabi, nilini pamwewela kuno?" ²⁶ yesu ebayankha eciti, "zoona zoona, nufuna neo, osati kut mweona zizindikilo, koma kuti mwecilya mabuledi nakukuta. ²⁷ Musasebenzele cakulya camene cusila, koma musebenzele cakulya ca moyo wosasila umene mwana wa muthu akupaseni. Poti Mulungu atate eyiika cizindikilo cao pa eve. ²⁸ Ndipo eciti kwa eve, "Ticitenji, kuti ticite nchito ya Mulungu?" ²⁹ Yesu eyankha nakuti kwa beve, "iyi ninchito ya Mulungu: kuti mukakhulupilile kwa eve etumiwa." ³⁰ Teto beciti kwa eve, "nicindikilo cotyani cati ucite, kutitione nakukhulupilira weo? ucitenji?" ³¹ Makolo basu becilya mana mucipululu, onga kwelembewa, ebapasa buledi kucokela kululu kuti balye. ³² Ndipo Yesu eciti kwa beve, "zoona, zoona, enzelini Mose ekupani mweo mabuledi kucokera kululu, koma ni atata okupasani buledi wa zoona kucokera ku kululu. ³³ Poti buledi wa Mukungu niula wamene ucokela kululu napasa moyo pa ziko." ³⁴ Ndipo eciti kwa eve, "mutipasa buledi uyu nthawi zonse." ³⁵ Yesu eciti kwa beve, "Nine buledi wa moyo; iye wakuza kwa neo sazavwa njala, ndipo wala okhulupilila mwaneo akamvwe lini njota. ³⁶ Koma nekhuuzhyani kuti ceendi mwaniona neo, ndipo mukhulupililalini. ³⁷ Aliyense wapasiwa kwa neo na atata akawele kwa neo, ndipo wati akawele kwa neo sinikamutaya. ³⁸ Pakuti nawela kufuma kululu, osati kucita cifunilo cangu, koma cifunilo ca ula enituma. ³⁹ Ici nicifunilo ca ula enituma, kuti nisa sobeshe olo tyala umodzi we enipasa, koma akaba ushe pasiku losilizya . ⁴⁰ Pakuti ici ndiye cifunilo ca atata, kuti aliyense wati akaone mwana nokhulupilila mwa yeve aka khale nao moyo osasila ndipo nika muushe pasiku losilizhya. ⁴¹ Teto ayuda benyunyuza za yeve cifukwa enze eciti, "Neo nine buledi wa wela pansi kufuma kululu." ⁴² Beciti, "Uyu si Yesu mwana wa yosefe,awisi na anyina tuziba? nanga lomba angati tyani ,' Nawela pasi kufuma kululu'?'' ⁴³ Yesu eyankha ndipo eciti kwa beve, '' siyani kunyunyunza pakati pamweo. ⁴⁴ Kuliye angawele kwa neo koma tyala atata enituma akamuleta,ndipo nikamuushe pasiku losilizya. ⁴⁵ Celembeka mu aneneli, 'Aliyense akapunzishiwe na mulungu.' Aliyense ecivwa nakupunzila kufuma kwa atata owela kwa neo. ⁴⁶ Sikuti nibonse beonapo atata, koma tyala ula efuma kwa Mulungu-eona atata. ⁴⁷ Ceendi,ceendi, eve wati akhulupilile ali na moyo osasila. ⁴⁸ Neo nine buledi wa moyo. ⁴⁹ Atata banu ecilya manna mucipululu, ndipo becipfwa. ⁵⁰ iyi ni buledi yuwela kufuma kululu. kuti muyakine alye ndipo osamwalalila. ⁵¹ Nine buledi wa moyo wofumila kululu. Ngati mukine walyako buledi uyu akankhaleko kosasila. Buledi watinikupeni nithupi yangu ya umoyo wacalo." ⁵² Ayuda bekalipa mwabeve beka nakuyamba kukangana kuti, "uyu munthu agatipas tyani thupi yake kuti tilye. ⁵³ Yesu eciti kwa beve, zoona, zoona pokhapo ngati mwalya thupi ya mwana wamunthu na kumwa magazi yake, ukankhale nao moyo mwa weo. ⁵⁴ Aliyense wakulya thupi yangu na kumwa magazi ali moyo wosasila, ndipo nikamuushe pa siku yosilizhya. ⁵⁵ Pakuti thupi yangu ni cakulya ca zoona ndipo magazi yangu ni cakumwa ca zoona. ⁵⁶ Aliyense wakulya thupi yangu na kumwa magazi yangu okhala, onkhala mwa neo ndipo neo mwa eve. ⁵⁷ Monga atata ba moyo enituma, ndipo malinga nili na moyo cifukwa ca atata, teto aliyense wakulya neo, akankhale na moyo cifukwa ca neo. ⁵⁸ Uyu ni buledi wofumila kululu kuza pano pansi, osati wamene makolo becilya na kufwa. Aliyense wakulya buledi uyu akankhale na moyo wosasila." ⁵⁹ Koma Yesu elabila izi zinthu mu ma sunagoge penzophunzisha ku Kapenamo. ⁶⁰ Anyinji ba ophunzila bake ecimvwa izi beciti, "ic ni ciphunziso covuta; nibani angacivomele?" ⁶¹ Yesu, eziba mwa eve eyeka kuti ophujnzila bake enzo dandaula pa ici, eciti kwa beve, "ko ici cakulipishani? ⁶² Nanga tyani kuti mwaona mwana wamunthu akuya kululu, kwaenze kale? ⁶³ Nimumzimu upanga moyo, thupi yupindula lini kanthu. Mau banakuuzhyani ni mzimu, ndipo nimoyo. ⁶⁴ Ndipo ayakine mwa mweo mukhulupilila lini kanthu. Poti Yesu eziba poyambilila bala baliye mkhulupilile na wala wati akamupeleke. ⁶⁵ Eciti, "nicifukwa ca ici kuti paliye munthu angawele kwa neo kapena apasie kwa neo kucokela kwa atata." ⁶⁶ Kamba ka ici, anyinji ba ophunzila bake befumapo ndipo baliye yende naye soti. ⁶⁷ Ndipo Yesu eciti kwa ophunzila bake twelufu, "sumufuna namwe kuya, mufuna?" ⁶⁸ Simoni Petulo emuyankha eve, "Ambuye, nikwabani kwati tilute?" muli na mau a moyo, ⁶⁹ ndipo takhulipila ndipo tawela kuzoziba kuti meo nimwe olungama wa Mulungu." ⁷⁰ Yesu eciti kwa beve, "niliye kusankheni mweo, bali twelufu, ndipo m'mozi wa mweo ni satana?" ⁷¹ Lomba elabila na Yudas mwana wa Simon Iskariot, poti nieve, m'mozi wa bala twelufu, wakuyomupeleka Yesu.