¹ Anekwasu, ngati munthu akatiwa mukulakwa kuli konse, mweo muli m'mzimu muyenela kumuwejya m'mzimu wodekha. Mube na chelu pemweo mweka, kuti musayesewe. ² Nyamulilanani zolema zanu, ndipo mukwanilishe lamulo la Kristu. ³ Ndaba muyakine ngati oganiza kuti yeve alibwino koma paliye cilipo, ozinamijya yeka. ⁴ Aliyense azionele yeka zinchito zake, ndipo kuzimvwa kunkhale mwa yeve yeka osati mu munthu muyake. ⁵ Ndaba aliyense ozinyamulile yeka katundu wake. ⁶ Munthu ophunzisiwa mau ofunika kugabana vonse vinthu vabwino na omuphunzisa. ⁷ Osanamijyiwa. Mulungu onamijyiwa lini, ndaba ciliconse cawashanga munthu, niye cati akakolole. ⁸ Pakuti yeve oshanga mbeu za mucikhalidwe ca ucimo, muucimo akuyokolola cionongeko. Yeve oshanga ku Mzimu, kufuma ku Mzimu akuyokolola moyo wamuyaya. ⁹ Osati tileme na kucita vabwino, ndaba pa nthawi yake tikatushe, ngati tulekejya lini. ¹⁰ Lomba, patili nampata, tiyeni ticite vabwino ku banthu onse, makamaka bala ali banja ya cikhulupililo. ¹¹ Onani kukula kwa makalata yanukulembelani na manja yangu. ¹² Awo ofuna kuzionesha bwino kunja ofuna kuti kukukokani kuti munkhale na mdulidwe. Ocita teti kuti asazunzike kamba ka mtanda wa Kristu. ¹³ Ndaba olo bala ecita mdulidwe osunga lini lamulo, lomba ofuna kuti mucite mdulidwe kuti bakazitukumule pa thupi lanu. ¹⁴ Koma nisazitukumule koma tyala mwa mtanda wa Ambuye Yesu Kristu, wamene mwa yeve ziko lapansi la pacikiwila neo ndipo nane napacikiwila ziko lapansi. ¹⁵ Ndaba mdulidwe uliye kanthu nako kusaduliwa kuliye kanthu, koma kanthu kali nakulengewa kwa nyowani. ¹⁶ Kwa bala onse onkhala pa muyeso uyu, mtendele na cifundo cibe pabeve, na pa Israeli wa Mulungu. ¹⁷ Kocuka lomba asanivute munthu aliyense, ndaba nanyamula vizindikila va Yesu Kristu pa mubili wangu. ¹⁸ Cisomo ca Ambuye wasu Yesu Kristu cibe pa mzimu wanu, anekwasu. Ame.