¹ Pebetifisha bwino,tecizoziba kuti cisumbu cila cenzoitiwa kuti Melita. ² Nzika za banthu ziliyeotioneshatyala cikondi capadela, koma betikojyela na moto nakutilandila bwino tonse kamba ka mvula na kuzizila kosalekejya. ³ Koma Paulo pesonkhanisha tusanthi nakuzoika pa moto, njoka ya kapapasha yecizofuma kamba ka fundila nokuzomuluma ku kwanja, ⁴ Ndipo nzika pezeona teto zeyamba kukambiliana zeciti, "Lidoda ili nicigabenga cazoona wapulumuka pa manzi,cilungamo ciliye umulole kuti ankale wa moyo." ⁵ Koma eikunkhumulila pa moto ndipo paliye ciipa cecitika pamoyo wake. ⁶ Benzoyembekeza kuti alwale kapena kuti mwazizi apone pansi nakufwa. Koma pebemuonelela kwa ka kanthawi nakuona kuti paliye ciipa cucitika besintha maganizo ,beciti uyu munthu nika mulungu. ⁷ Lomba pamalo ya pufupi na apa penze malo ya mfumu ya pa cisumbu ici, zina lake Popliyo. Etilandila na kutisunga bwino kwa masiku yatatu. ⁸ Cecitika nicakuti awisi bake Popliyo enzolwala matenda ya mumala mwa kamwazi. Paulo peciyakuyomuona epemphela naku musanzika manja, ndipo nakumucilisha. ⁹ Pavuli pake pocitika izi, banthu onse benze olwala pa cisumbu ici nao bewela ndipo bepola. ¹⁰ Banthu soti betilemekeza na vinthu vinyinji. Petenzokonzeka ulendo wa pa nyanja betipasa vetonzofuna. ¹¹ Pepepita miyezi itatu teuyamba ulendo na bwato yenze yenkhala pa cisumbu nthawi ya mphepo, bwato ya Alesandiliya yenze na "tumapasa twa tu milingu" ngati tosogolela. ¹² Petefika ku muzinda wa Sulakusa, tenkhalako masiku ya tatu. ¹³ Kucokela apo teuyamba ulendo wapa nyanja kuzofika ku muzinda wa Regio. Pepepita siku limozi, mphepo yaku mwela yefika, ndipo mu masiku yabili tefika ku muzinda wa Potiyolo. ¹⁴ Uku tepezako anekwasu ndipo tebaita kuti tinkhale nao masiku seveni. Munjila iyi tefika ku Aroma. ¹⁵ Kucokela apo anekwasu, pebecimvwa za seo, bewela kuzokumana nase kufika mpakana ku musika wa Apiyo naku Fili taveni. Ndipo Paulo peona anekwao,eyamika Mulungu ndipo elimbikisika. ¹⁶ Peteloba mu Aroma, Paulo bemuvomekejya kunkhala yeka na musilikali omulonda. ¹⁷ Ndipo cecitika pepepita masiku yatatu Paulo eita madoda yenze azisogoleli pakati pa Ayuda. Pebewela pamozi, eciti kwa beve, "Anekwasu, ngankhale kuti paliye ciipa canacita ku banthu na mudauko wa makolo yasu, benipeleka ngati kaidi kucokela mu Yerusalemu nakuzoniika mumanja mwa Aroma. ¹⁸ Pavuli ponikosha, benzofuna kunimasula ndaba penzeve mulandu wakuti banganipailepo. ¹⁹ Koma Ayuda pebelabila mosiyana na cifuno cao, nekakamijyiwa kucita apilu kwa Kayisala, nangakuti sikuti nuimba mulandu ziko langu. ²⁰ Ni cifukwa ici, Nakuitani kuti nikuoneni nakuti nilabile namwe, cifukwa nikamba ka ciyembekezo ca Israeli kuti navwala cingwe ici." ²¹ Ndipo beciti kwa eve, "Tiliye landileko kalata kufuma ku Yerusalemu yokamba za weo kapena aliyense wa anekwasu kuwela kuzotiujya kapena kulabila ziipa pa weo. ²² Koma tufuna kuti timvwe kwa weo ciganizo cako pa cipembezo ici, cifukwa nicozibika kwa seo kuti nicokaniwa kulikonse." ²³ Pebemuikila siku, banthu banyinji bewela kwenzonkhala. Ebafotokozela ndipo epeleka na umboni pa ufumu wa Mulungu. Eyesa kubalimbikisha pa Yesu, nakucokela mu malamulo ya Mose kufikila mpaka kwa aneneli, kufumila mumawa mpakana nthawi ya mumazulo. ²⁴ Bayakine bevumelejyana nazo zenzolabila, pamene bayakine baliye khulupilile. ²⁵ Pabaliye vomelejyane, beluta Paulo pelabila liu limozi ili, "Mzimu Utuba elabila bwino kupyolela mu muneneli Yesaya ku makolo yanu. ²⁶ Eciti, ' Nkhoya ku banthu aba ulabile kuti, "Kumvwa mumumvwe, koma simuzamvwishisha; ndipo kuona muone koma paliye citimutolepo. ²⁷ Ndaba mtima wa aba banthu wankhala uliye nzelu, ndipo na matu yao akumvwa lini, ndipo bavala na meso yao. Koma bangaone na meso yao, ndipo nakumvwa bangamvwe na matu yao, ndipo na kumvwishisha na mtima wao na kusitntha soti, ndipo ningabacijye." ²⁸ Mwaici, mufunika muzibe kuti ici cipulumuso ca Mulungu catumijyiwa kwa Amitundu, ndipo babamvwe." ²⁹ Pekamba ivi vinthu, Ayuda eyambapo. Beka na beka beyamba mkangano. ³¹ Paulo enkhala zaka zibili mung'anda yolipila ya eka, ndipo enzo landila mulendo aliyense wawela kwa yeve. ³⁰ Enzolalikila Ufumu wa Mulungu naku phunzisa za Ambuye Yesu Kristu molimba kopanda kulekejya.